پاکستان میں تعلیم
پاکستان میں تعلیم (Education in Pakistan) کی نگرانی وفاقی حکومت کی وزارت تعلیم اور صوبائی حکومتیں کرتی ہیں۔ وفاقی حکومت زیادہ تر تحقیق اور ترقی نصاب، تصدیق اور سرمایہ کاری میں مدد کرتی ہے۔ آئین پاکستان کی شق 25-A کے مطابق ریاست 5 سے 16 سال کی عمر کے بچوں کو مفت اور لازمی معیاری تعلیم فراہم کی پابند ہے۔
 | |
| وفاقی وزارت تعلیم صوبائی تعلیمی وزارتیں | |
|---|---|
| عام تفصیلات | |
| خواندگی (2009) | |
| کل | 58% |
| مرد | 69% |
| خواتین | 45% |
| اندراج | |
| کل | 37,462,900 |
| ابتدائی | 22,650,000 |
| ثانوی | 2,884,400 |
| بعد ثانوی | 1,349,000 |
سب سے زیادہ شرح تعلیم اسلام آباد کا ہے جو 96 فیصد ہے اور سب سے کم کوہلو کا ہے جو 28 فیصد ہے۔2000 اور 2004ء کے درمیان55 سے 64 سال تک کے عمر والے پاکستانی شہریوں کی شرح تعلیم 38 فیصد ہے، 45 سے 54 سال تک کے عمروالے افراد میں شرح تعلیم 46 فیصد تھا۔25 سے 34 سال تک عمر والے افراد میں شرح تعلیم 57 فیصد اور 15 سے 24 سال والے افراد میں 72شرح تعلیم فیصد تھا۔ شرح تعلیم علاقے سے علاقے پر مشتمل ہے، کئی علاقوں میں زیادہ اور کئی علاقوں میں کم ہے۔ پاکستان کی 49 فیصد افراد ایسے ہیں جو انگریزی زبان میں کافی حد تک بہتر ہیں۔ سالانہ 445 ہزار پاکستانی جامعات سے اور 10000 کمپیوٹر سائنس سے گریجویٹ کرتے ہیں۔ پاکستان میں دنیا کے اکثر ممالک سے شرح تعلیم زیادہ ہے۔ لیکن پاکستان کا شمار ان ممالک میں بھی ہوتا ہے جہاں ایک بہت بڑی آبادی (تقریباََ 5 ملین سے زیادہ) اسکولوں سے باہر ہے۔
رسمی تعلیم کے مراحل
ابتدائی تعلیم
پاکستانی بچوں میں سے صرف 80 فیصد ابتدائی تعلیم مکمل کرتے ہیں۔ معیار تعلیم کا نظام بنیادی طور پر برطانوی نظام سے اخذ کیا گیا ہے۔
آٹھ مضامین جو عام طور پڑھائے جاتے ہیں وہ اردو، انگریزی، ریاضی، فن،جنرل سائنس، معاشرتی علوم،اسلامیات اور کمپیوٹر ہیں۔
ثانوی تعلیم
پاکستان میں ثانوی تعلیم نویں جماعت سے شروع ہوتی ہے اور چار سال جاری رہتی ہے۔ ان چار سالوں میں ہر سال کے اختتام پر طلبہ کو ایک قومی امتحانی انتظام کے تحت ایک امتحان پاس کرنے کی ضرورت ہوتی ہے جس کا انتظام علاقائی بورڈ انٹرمیڈیٹ اینڈ سیکنڈری ایجوکیشن کرتا ہے۔ نویں اور دسویں سال کی تکمیل پر طلبہ کو سیکنڈری اسکول سرٹیفکیٹ جاری کیا جاتا ہے جبکہ گیارہوں اور بارہوں سال کی تکمیل پر ہائر سیکنڈری اسکول سرٹیفکیٹ جاری کیا جاتا ہے۔
ثلاثی درجہ تعلیم
یونیسکو کے عالمی تعلیم ڈائجسٹ 2009 کے مطابق 6.3 فیصد پاکستانی 2007ء میں (مرد 8.9 فیصد اور خواتیں 3.5 فیصد) جامعات سے فارغ التحصیل تھے۔ پاکستان ان اعداد و شمار کو 2015ء میں 10 فیصد کرنے اور 2020ء تک 15 فیصد کرنے کا ارادہ رکھتا ہے۔
رباعی درجہ تعلیم
ماسٹر ڈگری پروگراموں میں زیادہ تر دو سال کی تعلیم کی ضرورت ہوتی ہے۔ اس کے بعد ماسٹرز ان فلاسفی (ایم فل) کیا جا سکتا ہے۔ ایم فل کی تکمیل پر ڈاکٹر آف فلاسفی (پی ایچ ڈی) کی ڈگری کا حصول کیا جا سکتا ہے۔
جامعات کی عالمی درجہ بندی
کوالٹی سٹینڈرڈ ورلڈ یونیورسٹی رینکنگ 2010 کے مطابق دنیا کی چوٹی کی 200 ٹیکنالوجی جامعات میں دو پاکستانی جامعات بھی شامل ہیں۔
گیارہ دیگر پاکستانی جامعات کے سمیت جامعہ ہندسیات و طرزیات، لاہور، خلائی ٹیکنالوجی کا انسٹی ٹیوٹ، جامعہ قائداعظم، نیشنل یونیورسٹی آف سائنس اینڈ ٹیکنالوجی، جامعہ کراچی کا شمار یونیورسٹیوں کی عالمی رینکنگ کے مطابق بہتریں 1000 عالمی جامعات میں کیا جاتا ہے۔
پاکستان میں رائج تعلیمی نظام کے مسائل
پاکستان کا تعلیمی نظام اب بھی ایک فوجی آمر جنرل ضیاء الحق کے متعارف کرائے گئے "پاکستان کی اسلامائزیشن" کے منصوبے پر قائم ہے۔ پاکستان کے تعلیمی نظام میں رائج رٹہ بازی کا طریقہ طلبہ میں ایک تنگ اور محدود نقطہ نظر کو برقرار رکھتا ہے۔ یہ نقطہ نظر تنقیدی سوچ یا آزادانہ تجزیہ کی حوصلہ افزائی کیے بغیر حقائق اور اعداد و شمار کو یاد کرنے پر زور دیتا ہے۔ نتیجتاً، طلبہ اکثر نصابی کتابوں کے ذریعے وضع کردہ ایک واحد نقطہ نظر تک محدود رہتے ہیں، تخلیقی صلاحیتوں اور اختراعات کو روکتے ہیں۔ تبدیلی کے دور میں پاکستانی طلبہ اب بھی نصابی کتب میں کسی بڑے اپ ڈیٹ کے بغیر فوٹو کاپی شدہ نوٹوں اور سمریوں پر گزارا کرتے ہیں۔ اور نتیجہ میں ایک نگ نظر اور پر تشدد معاشرہ تشکیل دیتے ہیں۔
شماریات
.png)
شرح خواندگی
| مردم شماری کا سال | مرد | عورت | کل | شہری | دیہی | "تعلیم یافتہ" کی تعریف | عمر گروہ |
|---|---|---|---|---|---|---|---|
| 1951 | 19.2% | 12.2% | 16.4% | -- | -- | کسی بھی زبان میں ایک واضح پرنٹ پڑھ سکتا ہو | ہر عمر |
| 1961 | 26.9% | 8.2% | 16.3% | 34.8% | 10.6% | کسی بھی زبان میں ایک سادہ خط سمجھ کے ساتھ پڑھنے کے قابل ہو | پانچ سال یا زیادہ |
| 1972 | 30.2% | 11.6% | 21.7% | 41.5% | 14.3% | سمجھنے کے ساتھ کسی زبان میں پڑھنے اور لکھنے کے قابل ہو | دس سال یا زیادہ |
| 1981 | 35.1% | 16.0% | 26.2% | 47.1% | 17.3% | جو ایک اخبار پڑھ سکتا ہو اور سادہ خط لکھ سکتا ہو | دس سال یا زیادہ |
| 1998 | 54.8% | 32.0% | 43.9% | 63.08% | 33.64% | جو ایک اخبار پڑھ سکتا ہو اور سادہ خط لکھ سکتا ہو کسی بھی زبان میں | دس سال یا زیادہ |
| 2004 | 66.25% | 41.75% | 54% | 71% | 44% | ||
| 2009 | 69% | 45% | 57% | 74% | 48% |
مندرجہ ذیل جدول شرح خواندگی بلحاظ صوبہ ہے۔
| صوبہ | شرح خواندگی | |||
|---|---|---|---|---|
| 1972 | 1981 | 1998 | 2009 | |
| پنجاب | 20.7% | 27.4% | 46.6% | 59% |
| سندھ | 30.2% | 31.5% | 45.3% | 59% |
| خیبر پختونخوا | 15.5% | 16.7% | 35.4% | 50% |
| بلوچستان | 10.1% | 10.3% | 26.6% | 45% |
مندرجہ ذیل جدول شرح خواندگی بلحاظ وفاق کے زیر انتظام علاقہ جات ہے۔
| علاقہ | شرح خواندگی | ||
|---|---|---|---|
| 1981 | 1998 | 2007 | |
| اسلام آباد | 47.8% | 72.88% | 87% |
| آزاد کشمیر | 25.7% | 55% | 62%(2004) |
| گلگت بلتستان | 3% (خواتین) | 37.85% | 53%(2006) |
| قبائلی علاقہ جات | 6.38% | 17.42% | 22% |
مخصوص اضلاع میں خواندگی بلحاظ وقت
| ضلع | شرح خواندگی | ||
|---|---|---|---|
| 2007 | 1998 | 1981 | |
| اسلام آباد | 87% | 72.38% | 47.80% |
| ضلع راولپنڈی | 80% | 70.45% | 46.60% |
| ضلع جہلم | 79% | 63.92% | 38.90% |
| ضلع کراچی | 77% | 65.26% | 55% |
| ضلع لاہور | 74% | 64.66% | 48.40% |
| ضلع گجرات | 71% | 62.11% | 31.30% |
| ضلع گوجرانوالہ | 69% | 53.40% | 29.90% |
| ضلع ایبٹ آباد | 67% | 55.30% | دستیاب نہیں |
| ضلع کوئٹہ | 62% | 57.10% | 36.70% |
| ضلع فیصل آباد | 62% | 51.94% | 31.80% |
| ضلع سیالکوٹ | 59% | 57% | 30.80% |
اسکول حاضری
| صوبہ | اعلی | ادنی |
|---|---|---|
| پنجاب | راولپنڈی (80%) | مظفر گڑھ اور راجن پور (40%) |
| سندھ | کراچی (78%) | جیکب آباد (34%) |
| خیبر پختونخوا | ایبٹ آباد (67%) | دیر بالا (34%) |
| بلوچستان | کوئٹہ (64%) | جھل مگسی (20%) |
دوسرے ممالک کے ساتھ موازنہ
شرح خواندگی بالغان
| ملک | شرح خواندگی بالغان | مرد | عورت |
|---|---|---|---|
| پاکستان | 55% | 69% | 40% |
| بھارت | 63% | 75% | 51% |
| بنگلہ دیش | 57% | 61% | 52% |
| نیپال | 60% | 73% | 48% |
| بھوٹان | 53% | 65% | 39% |
شرح خواندگی نوجوانان
| ملک | شرح خواندگی نوجوانان | مرد | عورت |
|---|---|---|---|
| پاکستان | 71% | 79% | 61% |
| بھارت | 81% | 88% | 74% |
| بنگلہ دیش | 77% | 75% | 78% |
| نیپال | 83% | 88% | 78% |
| بھوٹان | 74% | 80% | 68% |
حوالہ جات
بیرونی روابط
- دفتری ویب سائٹ
- پاک ترک تعلیمی نظامآرکائیو شدہ (Date missing) بذریعہ pakturk.org (Error: unknown archive URL)
- Online پاکستان میں تعلیم
- پاکستان میں نظام تعلیمآرکائیو شدہ (Date missing) بذریعہ biselahoreresult.info (Error: unknown archive URL)
- Pakistan Educationآرکائیو شدہ (Date missing) بذریعہ educatedpakistan.net (Error: unknown archive URL)
- World Data on Education, IBE (2011)آرکائیو شدہ (Date missing) بذریعہ ibe.unesco.org (Error: unknown archive URL) - Overview of the Pakistanese education system
- TVET in Pakistan, UNESCO-UNEVOC(2013) - Overview of the technical and vocational education system in Pakistan
This article uses material from the Wikipedia اردو article پاکستان میں تعلیم, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). تمام مواد CC BY-SA 4.0 کے تحت میسر ہے، جب تک اس کی مخالفت مذکور نہ ہو۔ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki اردو (DUHOCTRUNGQUOC.VN) is an independent company and has no affiliation with Wiki Foundation.