بایزید بسطامی

بایزید بسطامی
(فارسی میں: بایزید بسطامی)
معلومات شخصیت
پیدائش	سنہ 804ء   بسطام
وفات	874
شہریت	دولت عباسیہ
مذہب	اسلام
عملی زندگی
استاذ	ذوالنون مصری ،  شقیق بلخی
پیشہ	شیخ ،  معلم ،  معلم
پیشہ ورانہ زبان	عربی
مؤثر	ذوالنون مصری
متاثر	خواجہ ابوالحسن خرقانی، منصور حلاج، اقبال
درستی - ترمیم

عظیم صوفی

تصوف میں بایزید بسطامی کے استاد، معروف ترین مسلم صوفیہ کرام میں سے ایک، ابوعلی السندی نامی ایک صوفی تھے جوعربی نہیں جانتے تھے۔ تصوف میں آپ کا مرتبہ بہت بلند ہے۔ آپ نے علم باطن میں امام جعفر صادق سے روحانی فیض حاصل کیا۔ ان کے سلسلے کو طیفوریہ اور بسطامیہ کہا جاتا ہے۔

مقام و مرتبہ

سید الطائفۃ جنید بغدادی رحمہ اللہ علیہ نے آپ کے متعلق فرمایا، "بایزید ہمارے درمیان اس طرح ہیں جس طرح ملائکہ میں حضرت جبریل علیہ السلام اور مقام توحید میں تمام بزرگوں کی انتہا آپ کی ابتدا ہے کیونکہ ابتدائی مقام میں ہی لوگ سرگرداں ہو کر رہ جاتے ہیں"۔ جیسا کہ بایزیدبسطامی کا قول ہے، "اگر لوگ دو سو سال تک گلشن معرفت میں سرگشتہ رہیں تو ان کو ایک پھول مل سکتا ہے جو مجموعی طور پر ابتدا ہی میں مجھے مل گیا"۔ امام مناوی رحم اللہ فرماتے ہیں کہ "بایزید بسطامی عارفین کے اماموں کے بھی امام تھے اور محققین صوفیہ کرام کے مشائخ کے شیخ تھے تمھارے لیے ان کے بارے میں جناب خانی کا یہ قول ہی کافی ہے کہ آپ انھیں سلطان العارفین کہا کرتے تھے اور ابن عربی انھیں ابو یزید اکبر کہا کرتے تھے اور انھوں نے ذکر کیا کہ آپ اپنے زمانہ کے قطب تھے"۔ شیخ ابو سعید کا قول ہے کہ "میں پورے عالم کو آپ کے اوصاف پر دیکھتا ہوں لیکن اس کے باوجود بھی آپ کے مراتب کو کوئی نہیں جانتا"۔ جب بایزید نماز پڑھتے تو اللہ کی ہیبت اور شریعت کی تعلیم کی وجہ سے، ان کے سینے سے آواز نکلتی تھی جس کو لوگ سن لیتے تھے۔ بایزید نے موت کے وقت فرمایا؛
الہی ما ذکرتک الا عن غفلۃ؛ وما خدمتک الا عن فترۃ
خدایا میں نے آپ کو یاد نہ کیا سوائے غفلت کے اور میں نے تیری خدمت نہیں کی سوائے نقصان کے۔

وفات

آپ کا وصال 15 شعبان سن231 ھ میں بسطام میں ہوا۔ جبکہ یہ بھی کہا گیا کہ ان کا وصال 261ھ میں ہوا۔ کوئی مستقل تصنیف نہیں چھوڑی، البتہ چند اقوال مختلف لوگوں کی زبانی تصوف کی کتابوں میں موجود ہیں۔

•  
  بایزید بسطامی کا مزار چٹاگانگ، بنگلہ دیش
•  
  بایزید مسجد کا اندرونی حصہ
•  
  بایزید مسجد کا گنبد
•  
  بايزید مسجد میں کندہ کاری

• بایزید بسطامی کی سوانح اردو زبان میں
• بایزید بسطامی کا مزار ایران میں
• اطالیہ میں نقشنبدیہ خالدانیہ حقانیہ طریقہ تصوف
• امریکا اور یورپ میں نقشبندی