رام نومی

اس دن راماین کی کہانیاں اور رام کتھا کو پڑھا جاتا ہے۔ ویشنو مت کے ماننے والے ہندو مندر جاتے ہیں اور کچھ لوگ گھر پر رام کی پوجا کرتے ہیں اور بھجن، کراتھ اور آرتی میں حصہ لیتے ہیں۔

اس دن ایودھیا، سیتا سماہت استھل، سیتا مڑھی ، جنکپور (نیپال)، بھدراچلم (تلنگانہ)، کوداندرم مندر (آندھرا پردیش) اور رامیشورم، تمل ناڈو میں جشن اور اہم تقریبات کا انعقاد ہوتا ہے۔ کئی جگہوں پر رام، سیتا، لکشمن اور ہنومان کے مجسموں کے ساتھ راشٹریاترا بھی نکالی جاتی ہے جو عموما بگھی یا رتھ پر ہوتی ہے۔ ایودھیا میں زائرین سریو ندی میں غوطہ لگاتے ہیں اور رام مندر کی زیارت کرتے ہیں۔

 

رام نومی چیت نوراتری کا نواں اور آخری دن ہوتا ہے۔ (موسم خزاں کی نوراتری الگ ہوتی ہے۔)۔ یہ وشنو کے ساتویں اوتار رام کی پیدائش کا جشن ہے۔ اس دن پوجا کی جاتی ہے۔ بھجن گایا جاتا ہے۔ کیراتھ کیا جاتا ہے۔ روزہ رکھا جاتا ہے اور رام کی تعلیمات کا مطالعہ بھی کیا جاتا ہے۔ راماین میں رام کے تعلق مذکور اہم شہروں میں خصوصا جشن کا اہتمام ہوتا ہے۔ ان میں ایودھیا، رامیشورم، بھدرا چلم اور سیتامڑھی جیسے شہر شامل ہیں۔ کچھ جگہوں پر رتھ یاترا نکالی جاتی ہے جس میں رام، سیتا، لکشمن اور ہنومان وراجمان ہوتے ہی۔ کسی کسی جگہ رام اور سیتا کی شادی کا جشن منایا جاتا ہے۔

اس تہوار کو اچھائی کی برائی پر فتح اور ادھرم کے مقابلے دھرم کو اپنانے کے طور پر بھی منایا جاتا ہے۔ تہوار کا آغاز جل (پانی) سے ہوتا ہے اور علی الصباح سورج دیوتا کی پوجا ہوتی ہے اور اس کا آشرواد لیا جاتا ہے۔ کچھ لوگوں کا عقیدہ ہے کہ سورج دیوتا رام کے اجداد میں سے ہیں۔

• بھارت میں عام تعطیلات
• ہندو تہواروں کی فہرست