چھترپتی شیواجی ٹرمنس ریلوے اسٹیشن

چھترپتی شیواجی ٹرمینس (باضابطہ طور پر 2017ء سے چھترپتی شیواجی مہاراج ٹرمینس ، سابقہ وکٹوریہ ٹرمینس ، بمبئی اسٹیشن کا کوڈ: CSMT ( مین لائن ) / ST ( مضافاتی ))، ایک تاریخی ریلوے ٹرمینس ہے اور ممبئی ، مہاراشٹر ، بھارت میں واقع ہے اور یہ یونیسکو کا عالمی ثقافتی ورثہ ہے۔ ٹرمینس کو ایک برطانوی آرکیٹیکچرل انجینئر فریڈرک ولیم سٹیونس نے ایکسل ہیگ کے ابتدائی ڈیزائن میں اطالوی گوتھک انداز میں ڈیزائن کیا تھا۔ اس کی تعمیر 1878ء میں پرانے بوری بندر ریلوے اسٹیشن کے جنوب میں شروع ہوئی۔ اور 1887 میں ملکہ وکٹوریہ کی حکمرانی کے 50 سال مکمل ہونے پر مکمل ہوئی۔