ڈسلیکسیا ، جسے پڑھنے کی خرابی کے طور پر بھی جانا جاتا ہے، عام ذہانت کے باوجود پڑھنے میں دشواری اس کی خصوصیت ہے ۔ مختلف لوگ مختلف درجے پر متاثر ہوتے ہیں۔ مسائل میں الفاظ کے ہجے کرنے میں مشکلات، جلدی سے پڑھنا، الفاظ لکھنے، بلند آواز میں پڑھنا، الفاظ کو بلند آواز سے پڑھتے وقت الفاظ کا تلفظ کرنا ، اسے ذہن میں دوہرانا ,میں اور جو پڑھا جاتا ہے اسے سمجھنے میں مشکلات کا سامنا شامل ہو سکتے ہیں۔ اکثر ان مشکلات کا پتہ سب سے پہلے اسکول میں چلتا ہے۔ جب کوئی پڑھنے والا اپنی پڑھنے کی صلاحیت کھو دیتا ہے، تو اسے ایلیکسیا کہا جاتا ہے۔ مشکلات غیر ارادی ہیں،اس عارضے میں مبتلا افراد میں سیکھنے کی خواہش معمول کی مطابق ہوتی ہے۔ ڈسلیکسیا کے شکار افراد میں توجہ کی کمی،بیش فعالی کی خرابی (ADHD)، زبان سیکھنے کی خرابی اور نمبروں کی شناخت کی مشکلات، کی شرح زیادہ ہوتی ہے۔
پڑھنے کی اہلیت میں کمی (ڈسلیکسیا) | |
---|---|
دیگر نام | پڑھنے میں مشکل کا عارضہ، لفظ کوری |
اوپن ڈلیکسیاکے لئے لکھائی/خط کی ایک مثال جو ڈسلیکسیا کی وجہ سے پڑھنے میں مشکلات کو دور کرنے میں مددگارہوتی ہے | |
تخصص | علم العصبیات, علم الاطفال |
علامات | پڑھنے میں دشواری |
عمومی ہدف | اسکول جانے کی عمر |
سبب | جینیاتی اور ماحولیاتی عوامل |
قابل تشویش | خاندانی تاریخ, توجہ کی کمی کی بیش فعالیت کی خرابی |
تشخیصی طریقہ | سلسلہ وار یاد رکھنے کی صلاحیت, ہجے, بصارت اور پڑھنے کا امتحان |
تفریقی تشخیص | سماعت یا بینائی,میں مسائل ناکافی/تدریس |
معالجی تدابیر | تدریسی طریقوں کو موزوں بنانا |
تعدد | 3–7فی صد |
خیال کیا جاتا ہے کہ ڈسلیکسیا جینیاتی اور ماحولیاتی عوامل کے باہمی تعامل کی وجہ سے ہوتا ہے۔ کچھ معاملات خاندانوں میں موروثی طور پر چلتے ہیں۔ جو ڈسلیکسیا دماغی تکلیف دہ چوٹ ، فالج یا یا داشت کی خرابی کی وجہ سے پیدا ہوتا ہے اسے "حاصل شدہ ڈسلیکسیا" کہا جاتا ہے۔ ڈسلیکسیابنیادی طور پر دماغ کی زبان کو سمجھنے کے عمل کے مسائل ہیں۔ ڈسلیکسیا کی تشخیص یادداشت، بصارت، ہجے اور پڑھنے کی مہارتوں کے ٹیسٹوں کی ایک سیریز کے ذریعے کی جاتی ہے۔ ڈسلیکسیا اس پڑھنے میں دشواریوں سے الگ ہے جو سماعت یا بصارت کے مسائل یا ناکافی تعلیم یا سیکھنے کے مواقع کی وجہ سے ہوتی ہے۔
علاج میں کسی فرد کی ضروریات کو پورا کرنے کے لیے تدریسی طریقوں کو موزوں کرنا شامل ہے۔ بنیادی مسئلہ کا علاج نہ کرنے کے باوجود ، یہ علامات کے درجہ یا اثر کو کم کر سکتا ہے۔ بصارت کو بنیاد بنانے والے علاج موثر نہیں ہیں۔ ڈسلیکسیا سیکھنے کی سب سے عام معذوری ہے اور دنیا کے تمام علاقوں میں پائی جاتی ہے۔ یہ 3–7فیصد آبادی کو متاثر کرتا ہے، تاہم، عام آبادی کے 20فیصد میں کچھ حد تک علامات ہو سکتی ہیں۔ جب کہ ڈیسلیکسیا کی تشخیص اکثر مردوں میں ہوتی ہے، یہ تجویز کیا گیا ہے کہ یہ مردوں اور عورتوں کو یکساں طور پر متاثر کرتا ہے۔ کچھ لوگوں کا خیال ہے کہ ڈیسلیکسیا کو سیکھنے کے ایک مختلف طریقے کے طور پر بہترین سمجھا جانا چاہیے، اس کے فوائد اور نقصانات دونوں ہیں۔
This article uses material from the Wikipedia اردو article پڑھنے کی اہلیت میں کمی, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). تمام مواد CC BY-SA 4.0 کے تحت میسر ہے، جب تک اس کی مخالفت مذکور نہ ہو۔ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki اردو (DUHOCTRUNGQUOC.VN) is an independent company and has no affiliation with Wiki Foundation.