سید علی شاہ گیلانی(29 ستمبر 1929ء – 1 ستمبر 2021ء)، جموں و کشمیر کے سیاسی رہنما تھے، کا تعلق ضلع بارہ مولہ کے قصبے سوپور سے تھا۔ وہ کشمیر کے پاکستان سے الحاق کے حامی تھے۔بزرگ حریت رہنما سید علی گیلانی جماعت اسلامی جموں و کشمیر کے رکن رہے ہیں جبکہ انھوں نے جدوجہد آزادی کے لیے ایک الگ جماعت تحریک حریت بھی بنائی تھی جو کل جماعتی حریت کانفرنس کا حصہ ہے۔ بزرگ حریت رہنما سید علی گیلانی معروف عالمی مسلم فورم رابطہ عالم اسلامی کے بھی رکن تھے۔ حریت رہنما یہ رکنیت حاصل کرنے والے پہلے کشمیری حریت رہنما ہیں۔ ان سے قبل سید ابو الاعلیٰ مودودی اور سید ابو الحسن علی ندوی جیسی شخصیات برصغیر سے رابطہ عالم اسلامی فورم کی رکن رہ چکی ہیں۔ مجاہد آزادی ہونے کے ساتھ ساتھ وہ علم و ادب سے شغف رکھنے والی شخصیت بھی تھے اور علامہ اقبال کے بہت بڑے مداح تھے۔ انھوں نے اپنے دور اسیری کی یادداشتیں ایک کتاب کی صورت میں تحریر کیں جس کا نام روداد قفس ہے۔ اسی وجہ سے انھوں نے اپنی زندگی کا بڑا حصہ بھارتی جیلوں میں گزارا۔
سید علی گیلانی | |
---|---|
(کشمیری میں: سید الی شاہ گؠلآنؠ) | |
معلومات شخصیت | |
پیدائش | 29 ستمبر 1929ء کشمیر |
وفات | 1 ستمبر 2021ء (92 سال) |
طرز وفات | طبعی موت |
شہریت | برطانوی ہند (1929–1947) بھارت (1947–2021) |
جماعت | آل پاٹیز حریت کانفرنس (–2020) جماعت اسلامی کشمیر (–1993) |
مناصب | |
رکن جموں و کشیمر قانون ساز اسمبلی | |
برسر عہدہ 1972 – 1982 | |
رکن جموں و کشیمر قانون ساز اسمبلی | |
برسر عہدہ 1987 – 1990 | |
عملی زندگی | |
مادر علمی | جامعہ پنجاب اورینٹل کالج لاہور |
پیشہ | سیاست دان |
پیشہ ورانہ زبان | کشمیری ، اردو ، ہندی |
اعزازات | |
نشان پاکستان (2020) | |
درستی - ترمیم |
29 ستمبر 1929 کو پیدا ہونے والے 88 سالہ سید علی گیلانی مقبوضہ کشمیر پر 72 سال سے جاری بھارتی قبضے کے خلاف جدوجہد کی توانا آواز ہیں۔ اوریئنٹل کالج پنجاب یونیورسٹی کے گریجویٹ بزرگ رہنما سید علی گیلانی نے بھارتی قبضے کے خلاف جدوجہد کا آغاز جماعت اسلامی کشمیر کے پلیٹ فارم سے کیا تھا۔
پاکستان کے 73یوم آزادی کے موقع پر بزرگ حریت رہنما سید علی گیلانی کو نشانِ پاکستان کا اعزاز دیا گیا۔ یہ اعزاز پاکستان کے صدر عارف علوی نے ایوان صدر میں ایک خصوصی تقریب میں عطا کیا۔ یہ اعزاز اسلام آباد میں حریت رہنماؤں نے وصول کیا۔
ان کا انتقال یکم ستمبر 2021ء کو سری نگر میں اپنی حیدر پورہ رہائش گاہ پر ہوا۔ بھارت نے ان کی وفات کے دن سرینگر میں کرفیو نافذ کر دیا اور لوگوں کو ان کی میت کے قریب آنے نہ دیا اور ان کو تیس منٹ میں دفن کر دیا۔
This article uses material from the Wikipedia اردو article سید علی گیلانی, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). تمام مواد CC BY-SA 4.0 کے تحت میسر ہے، جب تک اس کی مخالفت مذکور نہ ہو۔ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki اردو (DUHOCTRUNGQUOC.VN) is an independent company and has no affiliation with Wiki Foundation.