سبیالامریان
سبیالامریان Maria Sibylla Merian جرمن نژاد خاتون (پیدائش 2 اپریل 1647(1647-04-02) ،وفات 13 جنوری 1717(1717-10-13) (عمر 69 سال) ) اپنے دور کی عظیم نقاش و عقلیت پسند خاتون۔ جنہیں حشرات و نباتات پر ماہرانہ تحقیق کی وجہ سے دنیائے سائنس میں خاص مقام حاصل ہے ۔
| سبیالامریان Maria Sibylla Merian | |
|---|---|
| (جرمنی میں: Maria Sibylla Merian) | |
.jpg) | |
| معلومات شخصیت | |
| پیدائش | 2 اپریل 1647 فرینکفرٹ, سلطنت روما |
| وفات | 13 جنوری 1717 (عمر 69 سال) ایمسٹرڈیم, ہالینڈ |
| شہریت |  ڈچ جمہوریہ  جرمنی  مملکت نیدرلینڈز |
| عملی زندگی | |
| پیشہ | سائنسی خاکہ نگار, حشرات دان |
| پیشہ ورانہ زبان | جرمن ، ولندیزی زبان |
| شعبۂ عمل | حشریات |
| وجہ شہرت | عقلیت پسند,دستاویز برائے تتلی دور حیات , سائنسی خاکہ نگاری |
درستی - ترمیم  | |
ابتدائی حالات
مریان سنہ 1647 عیسوی میں فرینکفرٹ، جرمنی میں کندہ کاری سے وابستہ سوئس گھرانے میں پیدا ہوئیں۔ تین سال کی عمر میں ان کے والد چل بسے جس کے کچھ عرصے بعد ان کی ماں نے ایک مصورسے شادی کر لی ۔
انھوں نے 13 سال کی عمر میں پہلی بار حشرات اور نباتات کی تحقیقاتی انداز سے تصاویر بنانی شروع کی۔ 1665 میں میریان نے جوہن اینڈریس گراف سے شادی کی۔ شادی کے بعد پہلے بچے کی پیدائش کے بعد بھی مریان نے نباتاتی خاکہ نگاری جاری رکھی بلکہ ساتھ ساتھ ہی بڑے گھرانے کی لڑکیوں کو اس کی تعلیم بھی دینے لگیں۔ اس کے بدلے میں ملنے والی آمدنی سے ان کے حالات بدلے اور وہ اپنے پیروں پر کھڑی ہونے کے قابل ہوئیں ۔
کا رہائے نمایاں
وہ نہ صرف پھولوں کی نقاشی کرتی تھیں بلکہ اسے پڑھاتی بھی تھیں ۔
کندہ کاری کے فن سے خاندانی طور پر وابستہ ہونے کی وجہ سے رفتہ رفتہ وہ اس میں دلچسپی لینے لگیں، شروع میں تتلیوں کے مسحور کن زندگی کے چکرکا گہرا مطالعہ کیا اوربعدازاں اسے ایک مضمون کی شکل میں متعارف کرایا۔
1699ء میں شہر ایمسٹرڈم کی انتظامیہ نے انہيں سرینام (Suriname)جنوبی امریکا میں تحقیقاتی سفر کے لیے تعاون کی پیشکش کی۔ جسے انھوں نے قبول کیا۔ اس سفر میں ان کی بیٹی بھی ان کے ساتھ تھیں ۔
سرینام کا یہ سفر انھوں نے 52 سال کی عمرمیں جہاں انھوں نے بہت سے نئے اقسام کے حشرات الارض دیکھے اورمتاثر ہوئیں۔ انھوں نے ان میں سے بیشتراقسام کوہالینڈ کی قومی تاریخی ذخیرے کے لیے درآمد بھی کیا۔ مریان نے دو سال تک سرینام میں سائنسی خدمات انجام دیں ۔ دوسال بعد ایمسٹرڈیم لوٹنے پرانہوں نےحشرات الارض پر اپنے زندگی بھرکے مطالعے پرمبنی کتاب مرتب کرنا شروع کی جو 1705میں شائع ہوئی۔ جس کا نام تھا Metamorphosis Insectorum Surinamensium
جنوبی امریکا کے دورے کے دوران انھوں نے ڈچ کالونیوں کا سفربھی کیا اور بہت سے مقامی جانوروں اورپودوں کی تصاویر بنائیں۔ انھوں نے مقامی لوگوں اورکالے غلاموں کے ساتھ ڈچ زمین داروں کے ناروا سلوک پرسخت تنقید بھی کی۔
اعزازات
- بیسویں صدی کے اواخر میں ان کے کام کو خراج تحسین پیش کرنے کے لیے جرمنی کے 500 جرمن مارک نوٹ کے ڈیزائن میں ان کی تصویر کو شامل کیا گیا۔ (گو کہ اب جرمنی کی کرنسی یورو ہے )
- ان کی تصویر کو اعشاریہ 4 جرمن مارک (DM)کی قیمت کے ڈاک ٹکٹ پر بھی چھاپا گیا جو کہ17 ستمبر 1987 کو جاری ہوا۔
- جرمنی میں کئی تعلیمی ادارے ان کے نام سے موسوم ہيں۔
- 2005 میں ایک عظیم تحقیقاتی ادارہ ماریہ ایس مریان کے نام سے وارن موند جرمنی میں قائم کیا گیا ۔
- 2 اپریل 2013 کو مشہور سرچ انجن” گوگل” نے سبیالامریان کی 366 ویں سالگرہ کے موقعے پر اپنے صفحہ اول پرڈوڈل کے ذریعے انھیں خدمات کے صلے میں خراج تحسین پیش کیا ۔
آخری ایام
اپنی کتاب کی اشاعت کے 10 سال بعد وہ فالج کا شکارہوکرجزوی معذورہوگئیں تاہم 1717ء میں ان کاانتقال ہو گیا۔ ان کی موت کے دوسال بعد ان کی بیٹی نے ان کے کام کے نمونوں کوشائع کیا۔
بیرونی روابط
کتاب Metamorphosis insectorum Surinamensium سے تصاویرآرکائیو شدہ (Date missing) بذریعہ naturalhistory.mse.jhu.edu (Error: unknown archive URL)
حوالہ جات
This article uses material from the Wikipedia اردو article سبیالامریان, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). تمام مواد CC BY-SA 4.0 کے تحت میسر ہے، جب تک اس کی مخالفت مذکور نہ ہو۔ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki اردو (DUHOCTRUNGQUOC.VN) is an independent company and has no affiliation with Wiki Foundation.