شہر جبوتی

جبوتی سٹی، جبوتی کا سب سے بڑا شہر اور دارالحکومت ہے، جو خلیج عدن اور خلیج تاجورا کے درمیانی جزیرہ نما میں واقع ہے۔ اور جبوتی کے چھ انتظامی علاقوں میں سے ایک ہے۔ شہر کی آبادی چار لاکھ افراد پر مشتمل ہے۔ شہر کو ریلوے کے ذریعے ادیس ابابا، ایتھوپیا سے ملایا گیا ہے جو ریل گاڑی ہرارے سے ہوتی ہوئی ادیس ابابا جاتی ہے۔ جبکہ ہوائی رابطہ کے لیے جبوتی انبولی انٹرنیشنل ائر پورٹ تعمیر کیا گیا ہے۔ شہر کے شمال مغرب میں جبوتی سٹی کی بندر گاہ ہے جس کے ذریعے بین الاقوامی ترسیل، ماہی گیری اور دوسرے شہروں مثلا اوبوک اور تاجورا کے لیے کشتی رانی کی جاتی ہے۔