татарча Язучы Викимедистлар Төркеме

“	Күз алдыгызга һәрбер кеше бар булган гыйлемгә ирекле килеш ирешә алган бер дөньяны китерегез. Гамәлләребез нәкъ шуңа юнәлгән.	”
—Викимедиа идеаллары билгеләмәсе

“	Белем икътисады чорында яшәүче глобаль авылдашларыбызга гыйлем дөньясы буенча сәфәргә чыкканда ышанычлы татар телле мәгълүмати компас булдыру.	”
—Татар Википедиясенең миссиясе

Русиядә бу юлга беренче булып башкорт күршеләребез басты, әмма аеруча әһәмиятле үрнәкне эрзя коллегаларыбыз күрсәтте. Төп үрнәкне исә түбәндәгеләрдән алу урынлы:

• m:Hindi Wikimedians User Group
• m:Karavali Wikimedians
• m:Maithili Wikimedians User Group
• m:Odia Wikimedians User Group
• m:Punjabi Wikimedians
• m:Wikimedians of Albanian Language User Group

2030 елга тәэсире Берләшкән Милләтләр Оешмасы дәрәҗәсендә булачагы көтелгән бу халыкара хәрәкәттә татарларның да тавышы яңгырасын!

Викимедиа проектларында төркәлмичә дә катнашу мөмкин булуга карамастан, аерым хисап язмасын төркәү кебек үк, үз проект төркемегезне булдыруның да файдасы бар. Төркәлгән төркемнәр:

• Төрле семинар, конференция, хакатон һәм башка белем бирү чараларга юлланган делегатның бәйле чыгымнары капланыла.
  • Аеруча мәктәп, техникум һәм университет студентлары яшьтәгеләргә әһәмиятле, чөнки олыраклар эшләгәннәре өчен еш сәфәргә чыгуга вакытлары булмый.
• Бөтендөнья викимедистлары гаиләсе татар теле, Татар Википедиясе һәм башка проектлары турында истә тотып эшли.
  • Төрле очрашулар, бәйгеләр һәм уртак проектларда катнашу аркылы, үзебезнең барлыгыбызны искә төшерәбез, бу төр халык дипломатиясе дәүләт дәрәҗәсендәгенә караганда тыныч һәм дустанә дөньяны төзүдә зуррак өлешен кертә.
• Татар телле мохиттә яшәүчеләргә бөтендөньядагы иң алдынгы ирекле гыйлем үрнәкләре белән танышу юлы ачыла.
  • Татнет сәхифәләре рейтингы
  • Википедия:Татар Википедиясе үсеш планы/Популярлаштыру
• Татар телле дөньясында уртак проектлар башкару өчен партнёрлар табу һәм килешүләргә керү мөмкинлекләре нык җиңеләя.
  • Бөтендөнья татарлар конгрессы
  • Татар энциклопедиясе
  • Татмедиа структурасындагы һәм башка татар телле ММЧлары
  • Татарстан югары һәм урта уку йортлары, башка дәүләткә карамаган мәгариф оешмалары
  • GLAM-партнёрлары
  • һ.б.

• Һәрбер татар баласына дөнья хәлләренә тәэсир итү өчен кирәкле сәләтләрне өйрәтү
• Дөнья буйлап яшәүче бар яшьтәге татар балаларын XXI гасыр глобаль татар мәдәниятенең байлыгын бергәләп үстерүгә чакыру
• Галактик-ара тормыш чорындагы татарларга әби-аналар һәм ата-бабалар телләрендә мәгълүмат алулары мөмкинлеген булдыру һәм күршеләргә үрнәк күрсәтү
  • Русия халыклары телләрендәге Википедияләр: бүгенгесе һәм иртәгәсе
  • Дөнья буйлап җирле һәм автохтон халыклар телләрен һәм аларның җәмгыятьләрен активлаштыру

• Вики-белемне тарату
  • Сәләт викимәктәбе
  • Сәләт викиклублары
• Агымдагы идарәчелек мәсьәләләрне кайгыру
  • Вазыйфалар
• Кызыксынучыларга Русиякүләм, Үзәк һәм Көнчыгыш Аурупа регионы һәм бөтендөнья бәйгеләре, фәнни-гамәли конференцияләр, семинарлар һәм башка вакыйгаларда катнашу мөмкинлекләрне оештыруда ярдәм итү
• Amical Wiki һәм Wiki Armenia, угро-фин һәм башкорт дусларыбыз, башка халыкара коллегалар эшчәнлекләре үрнәкләреннән һәм алар әзерләгән алдынгы тәҗрибәләр җыентыкларыннан гыйбрәт алу бик урынлы.

Төп мәкалә: ВП:Викиочрашу

Вики-җәмгыять тормышында катнашу өчен физик очрашуларга килү мәҗбүрилеге юк. ТатВики үсешенә кертем ясаган һәркем автоматик рәвештә безнең эш төркеме вәкиле дип санала. Төрле чараларда катнашуга килгәндә исә, җәмгыятебезгә шәхсән таныш булган берәүләрнең вәкил булуларына табигый өстенлек бирелә.

• Яңа теркәлгән кулланучылар төркеменең таләпләргә туры килүне тикшерү үрнәге