Lokal Na Pangkat

Naglalaman ang pangkat ng 54 galaksiya (kasama na rito ang duwendeng galaksiya),na kasama ang kanilang gitang grabitasyonal na makikita sa pagitan ng Daang Magatas at Galaksiyang Andromeda. Nakapaloob ang mga galaksiya ng lokal na pangkat sa diyametrong 10 megalight-year (3.1 megaparsecs) (tignan ang 1 E+22 m para sa pagkukumpara ng layo) at mayroong dalawahang (dumbbell) hugis. Tinatantiya na mayroong bigat ang pangkat na ito na 1.29±0.14 ×10¹² M_☉ at mayroong paghihiwalay ng belosidad na 61±8 km/s. Bahagi ng Virgo Supercluster ang pangkat na ito (halimbawa ang Local Supercluster).

Ang Daang Magatas at ang Galaksiyang Andromeda ang dalawang mabibigat na galaksiya ng pangkat. Ang bawat isang paikot na galaksiya ay mayroong sistema ng satelayt na galaksiya.

• Binubuo ang sistemang satelayt ng Daang Magatas ng Galaksiyang Duwende ng Sagittarius, Malaking Kaulapan ng Mahelaniko, Maliit na Kaulapan ng Mahelaniko, Pangunahing Galaksiyang Duwende ng Canis, Ursa Minor Dwarf, Draco Dwarf, Carina Dwarf, Sextans Dwarf, Sculptor Dwarf, Fornax Dwarf, Leo I, Leo II, and Ursa Major I Dwarf at Ursa Major II Dwarf.
• Binubuo naman ang sistemang satelayt ng Galaksiyang Andromeda ng M32, M110, NGC 147, NGC 185, And I, And II, And III, And IV, And V, Pegasus dSph (tinatawag ding And VI), Cassiopeia Dwarf (tinatawag ding And VII), And VIII, And IX, And X, And XI, And XII, And XIII, And XIV, And XV, And XVI, And XVII, And XVIII, And XIX, at And XX.
• Ang Galaksiyang Triangulum, ang ikatlong pinakamalaki at ang kaisa-isang hindi galaksiyang bilog sa Lokal na Pangkat, ay hindi o maaaring kalapait ng Galaksiyang Andromeda subalit mayroon itong satelayt na tinatawag na Pisces Dwarf.
• Hindi malaman ang pagkakasapi ng NGC 3109, at ang kanyang kalapit na Sextans A at Antlia Dwarf dahil na rin sa kalayuan nito mula sa gitna ng Lokal na Pangkat.

Grabitasyonal na isinasama ang ibang miyembro ng pangkat sa IC10, IC1613, Phoenix Dwarf, Leo A, Tucana Dwarf, Cetus Dwarf, Pegasus Dwarf Irregular, Wolf-Lundmark-Melotte, Aquarius Dwarf, at Sagittarius Dwarf Irregular.

Unang ipinakilala ni Edwin Hubble ang "Lokal na Pangkat" o "Local Group" sa Kabanata VI ng kanyang libro na may pamagat na The Realm of the Nebulae (Hubble 1936, pp. 124–151). Sa librong ito, inilarawan niya ito bilang "a typical small group of nebulae which is isolated in the general field." Sinasabi niya rin na ang pagbawas ng liwanag ng bawat pangkat ay ang M31, ang Daang Magatas, M33, ang Large Magellanic Cloud, ang Small Magellanic Cloud, M32, NGC 205, NGC 6822, NGC 185, IC 1613 at NGC 147. Isinama niya rin IC 10 bilang isang miyembro ng Lokal na Pangkat. Noong 2003, tumaas ang bilang ng mga galaksiya mula sa labing dalawa hanggang sa tatlongput-anim, dahil sa pagkakatuklas ng dalawang dosenang galaksiya na mahina maglabas ng kanilang liwanag.

Mapa

 

Katawang galaktikal

• Smith's Cloud - isang Mataas na belosidad na ulap, na nasa pagitan ng 32,000 at 49,000 sinag-taon mula sa Mundo, at 8000 sinag-taon mula sa kabuuan ng Galaksiyang Daang Magatas.
• HVC 127-41-330 - isang Mataas na belosidad na ulap, 2.3 milyong sinag-taon mula sa Mundo
• Monoceros Ring - isang singsing mga bituin sa palibot ng Daang Magatas na kung saan ay sinasabing binubuo ng stellar stream mula sa Canis Major Dwarf Galaxy

• Pangkat at klustero ng mga galaksiya
• Talaan ng mga malalapit na galaksiya
• Talaan ng mga klustero ng galaksiya
• Pangkat Maffei na isang pangkat ng mga galaksiya na malapit sa Lokal na Pangkat
• Local Supercluster

 

May kaugnay na midya tungkol sa Local Group ang Wiki Commons.

• Ang Lokal na Pangkat ng mga Galaksiya, SEDS Messier pages
• Isang surbey ng mga nasagot na Nilalamang Stellar Content ng mga Malalapit na Galaksiya na kasalukuyang bumubuo ng Bituin Naka-arkibo 2009-05-09 sa Wayback Machine., Obserbatoryong Lowell
• van den Bergh, Sidney (2000). "Updated Information on the Local Group". The Publications of the Astronomical Society of the Pacific. 112 (770): 529–536. arXiv:astro-ph/0001040. Bibcode:2000PASP..112..529V. doi:10.1086/316548.