Ang bilingguwalismo ay ipinahihiwatig sa pamamagitan ng paggamit ng hindi kukulang sa dalawang wika ng tao.
Hindi ito tiyak sa mga bata at matanda sapagkat ang paggamit at kagalingan ng santao sa bawat wika ay maaaring magbago batay sa pagkakataong maaaring gamitin ang mga wika at sa pagiging lantad sa ibang mga wika. Batay ito sa mga tagpuan, pangyayari, kagalingan, gawi at panahon.
Umusbong ang pagiging maalam sa dalawa o higit pang wika sa Pilipinas. Bago makarating ang mga taga-Espanya, ang nangibabaw na mga wika-pangkalakalan ay ang Bisaya, na binigkas sa kapuluang Kabisayaan, ang Kapampangan, na binigkas sa kilala ngayon bilang Gitnang Luzon, at ang Pangasinan at Iloko, na parehong binigkas sa Hilagang Luzon.[kailangan ang sanggunian]
Hanggang ngayon, maraming mga wika ay binibigkas sa Pilipinas. Humigit-kumulang na nasa 175 ang bilang ng mga wika na nasa bansa. Ang mga pinakakinikilalang wika ay ang Aklanon, Bikol, Cebuano, Chavacano, Hiligaynon, Ibanag, Iloko, Ibatan, Kapampangan, Kinaray-a, Maguindanao, Mëranaw, Pangasinan, Sambal, Surigaonon, Tagalog, Tausug, Waray, at Yakan.
Ang mga taong may alam sa dalawang wika lamang nang mahusay ay humigit-kumulang na apatnapu't tatlong porsiyento (43%) sa ating daigdig. Ang mga taong may alam sa isang wika lamang ay kumakatawan sa apatnapung porsiyento (40%) ng sangkatauhan, habang ang mga taong may alam sa dalawa o higit pang wika ay halos animnapung porsiyento ng mga tao sa daigidig (60%). Ayon sa pagsisiyasat, ang mga bansang karamihan ay nagsasalita ng Ingles (tulad ng USA, UK, Bagong Zealand at Australia) ay kung saan tumitira ang mga may-alam sa isang wika lamang. Ito ay dahil ayon sa kanila, hindi gaano kahalaga ang pagkikilanlan ng isang pangalawang wika.
May dalawang uri ng bilingguwalismo na kilala ngayon.
Maraming mga maaaring sabihin na kalamangan kapag nakatuto ang isang tao, bata man o matanda, ng dalawa (o higit pang) wika. Ilan sa mga ito ang pagtututo ng mga bagong salita nang mas mabilis at pagkakaroon ng isa o higit pang pamamaraan ng pag-uugnay sa mga ibang tao.
This article uses material from the Wikipedia Tagalog article Bilingguwalismo, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Maaaring gamitin ang nilalaman sa ilalim ng CC BY-SA 4.0 maliban kung nabanggit. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Tagalog (DUHOCTRUNGQUOC.VN) is an independent company and has no affiliation with Wiki Foundation.