కళావతి 2016లో విడుదలైన కామెడీ హర్రర్ సినిమా.
తమిళ్ లో అరణ్మనై 2 పేరుతో విడుదలైన ఈ సినిమాను తెలుగులో కళావతి పేరుతో దుబ్బింగ్ చేసి విడుదల చేశారు. గుడ్ ఫ్రెండ్స్ గ్రూప్ నిర్మించిన ఈ సినిమాకు సుందర్ సి దర్శకత్వం వహించాడు. త్రిష, సిద్దార్థ్, సుందర్.సీ, హన్సిక ప్రధాన పాత్రల్లో నటించిన ఈ సినిమా 29 జనవరి 2016న విడుదలైంది.
కళావతి | |
---|---|
దర్శకత్వం | సుందర్.సీ |
రచన | వెంకట్ రాఘవన్ సుందర్.సీ |
స్క్రీన్ ప్లే | సుందర్.సీ, ఎసిబి. రామ దాస్ |
నిర్మాత | ఖుష్బూ |
తారాగణం | త్రిష సిద్దార్థ్ సుందర్.సీ హన్సిక పూనమ్ బజ్వా కోవై సరళ |
ఛాయాగ్రహణం | యుకె. సెంథిల్ కుమార్ |
కూర్పు | శ్రీకాంత్.ఎన్.బి |
సంగీతం | హిప్హాప్ తమిజా |
విడుదల తేదీ | 2016 జనవరి 29 |
సినిమా నిడివి | 136 నిమిషాలు |
దేశం | భారతదేశం |
భాష | తెలుగు |
కోవిలూర్ గ్రామంలో అమ్మవారి విగ్రహానికి కుంభాభిషేకం చేయడం కోసం ఆ ఊరి పెద్దలు సిద్ధమవుతారు. అందుకోసం ఆ విగ్రహానికి స్థానం భ్రంశం కలిగిస్తారు. దాంతో అప్పటివరకు అమ్మవారికి భయపడి ఎక్కడో దాక్కున్న ఆత్మలు ఒక్కసారిగా విజృంభిస్తాయి. దాన్ని సొమ్ము చేసుకునేందుకు కొందరు స్వాములు కొన్ని ఆత్మలను తమ ఆధీనంలోకి తెచ్చుకుంటారు. ఆ సమయంలో ఒక ఆత్మ ఆ ఊరి జమీందారు బంగళాలోకి వస్తుంది. ఇది తెలుసుకున్న మురళి(సిద్ధార్థ), కోడలు అనిత(త్రిష) ఊరికి వచ్చి అక్కడ ఏదో వుందనే విషయాన్ని ఇద్దరూ గ్రహిస్తారు. పట్టణం నుంచి వచ్చిన అనిత అన్నయ్య రవి(సుందర్ సి.) దాని గురించి విషయాలను తెలుసుకోవడానికి ప్రయత్నిస్తాడు. ఆ ఆత్మ జమీందారు కుటుంబాన్ని ఎందుకు టార్గెట్ చేసింది? దానికి జరిగిన అన్యాయం ఏమిటి? ఆ ఆత్మ పగ తీర్చుకొని శాంతించిందా? దాన్ని ఆ బంగళా నుంచి పంపించేందుకు రవి ఎలాంటి రిస్క్ తీసుకున్నాడు? అనేది మిగతా సినిమా కథ.
This article uses material from the Wikipedia తెలుగు article కళావతి (సినిమా), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). అదనంగా సూచించని పక్షంలో పాఠ్యం CC BY-SA 4.0 క్రింద లభ్యం Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki తెలుగు (DUHOCTRUNGQUOC.VN) is an independent company and has no affiliation with Wiki Foundation.