సన్ జూ (ఆంగ్లం: Sun Tzu) ప్రాచీన చైనాకి చెందిన సేనాధిపతి, సైనిక వ్యూహకర్త, రచయిత, తాత్వికుడు.
యుద్ధ వ్యూహాల గురించి ఆయన రాసిన ది ఆర్ట్ ఆఫ్ వార్ పాశ్చాత్యదేశాల, తూర్పు ఆసియా దేశాల యుద్ధ వ్యూహాలను ప్రభావితం చేసింది. ఆయన రచనల్లో ముఖ్యంగా యుద్ధానికి ప్రత్యామ్నాయ ప్రణాళికలు, యుద్ధాన్ని నివారించడం, నిఘా ఏర్పాటుచేసుకోవడం, పొరుగు వారితో సంబంధాలు సృష్టించుకోవడం, కొనసాగించడం, మనకన్నా మెరుగైన శత్రువు ఎదురైనప్పుడు తాత్కాలికంగా అణిగిఉండటం వంటి విషయాలు చర్చిస్తాయి. సన్ జూ ని చైనా, తూర్పు ఆసియా దేశాలు యుద్ధానికి, చరిత్రకి సంబంధించి పూజ్యుడిగా భావిస్తారు.
ఈయన రచనలు కూర్చబడినప్పటి నుంచి తూర్పు ఆసియాదేశాలు తమ యుద్ధ వ్యూహాల్లో విరివిగా వాడుతూ వచ్చారు. 20వ శతాబ్దంలో పాశ్చాత్య దేశాల్లో ది ఆర్ట్ ఆఫ్ వార్ ప్రాబల్యం బాగా పెరిగింది. పోరాట స్ఫూర్తి అవసరమైన సాంస్కృతిక, రాజకీయ, క్రీడలు, ఆధునిక యుద్ధ తంత్రాల లాంటి అన్ని రంగాల్లో ఈ పుస్తకంలో పేర్కొనబడ్డి విషయాలు ఉపయోగించారు.
సన్ జూ చారిత్రాత్మకత అంత ఖచ్చితంగా తెలియదు. హాన్ వంశ చరిత్రకారుడైన సిమా కియాన్, ఇంకా సాంప్రదాయ చీనా చరిత్రకారులు ఈయన్ను వు అనే రాజు దగ్గర మంత్రి అయిఉండవచ్చని, ఆయన జీవితకాలం సా.పూ 544–496 మధ్య జీవించి ఉండవచ్చని అభిప్రాయపడ్డారు.
This article uses material from the Wikipedia తెలుగు article సన్ జూ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). అదనంగా సూచించని పక్షంలో పాఠ్యం CC BY-SA 4.0 క్రింద లభ్యం Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki తెలుగు (DUHOCTRUNGQUOC.VN) is an independent company and has no affiliation with Wiki Foundation.