பாக்கித்தான் தேசிய நாள்

யோம்-இ-பாகிஸ்தான்) அல்லது பாக்கித்தான் முன்மொழிவு நாள், அல்லது குடியரசு நாள், 1940ஆம் ஆண்டில் மார்ச் 23 அன்று முதன்முதலாக தனிநாடு முன்மொழியப்பட்டதைக் கொண்டாடும் வகையில் பின்பற்றப்படும் தேசிய விடுமுறை நாளாகும். தவிரவும் இதேநாளில் 1956இல் பாக்கித்தான் உலகின் முதல் இசுலாமியக் குடியரசாக மாறியதையும் குறிக்கின்றது. இந்த நாளில் பாக்கித்தானின் படைத்துறைகள் இணைந்து படையிடை அணிவகுப்பை நடத்திக் கொண்டாடுகின்றன.

பாக்கித்தான் தேசிய நாள் یوم پاکستان
மார்ச் 23, 2007இல் இஸ்லாமாபாத்தில் நடந்த படைத்துறை அணிவகுப்பில் இரண்டு ஜேஎப்-17 தண்டர் போர் வானூர்திகள்.
அதிகாரப்பூர்வ பெயர்	உருது: یوم پاکستان யோம்-இ-பாக்கித்தான்
கடைபிடிப்போர்	பாக்கிஸ்தான்
முக்கியத்துவம்	பாக்கித்தான் முன்மொழியப்பட்டதையும் அரசியலமைப்பையும் இந்நாள் கொண்டாடுகின்றது.
கொண்டாட்டங்கள்	முழுமையான இணை படையிடை அணிவகுப்பு, தேசிய விருதுகளை அளித்தல்
அனுசரிப்புகள்	பாக்கித்தான் (மற்ற நாடுகளிலுள்ள பாக்கித்தானிய தூதரகங்களில்)
நாள்	23 மார்ச்
நிகழ்வு	ஆண்டுக்கொருமுறை

1940ஆம் ஆண்டில் மார்ச் 23ஆம் நாள் இலாகூரில் தற்போதைய மினார்-இ-பாக்கித்தான் (பொருள். பாக்கித்தான் கோபுரம்) உள்ள இடத்தில் கூடிய முசுலிம் லீக் பிரித்தானிய இந்தியாவின் வடமேற்கிலிருந்த நான்கு மாகாணங்களின் கூட்டமைப்பாக தன்னாட்சியுடைய கூட்டமைப்பு நிறுவப்பட வேண்டுமென்று அரசியல் தீர்மானம் நிறைவேற்றியது; அந்தத் தீர்மானத்தில் பாக்கித்தான் என்ற பெயர் இடம்பெறவில்லை எனினும் அந்நாளை நினைவுகொள்ளும் வண்ணமே இந்த நாள் ஒவ்வொரு ஆண்டும் பொது விடுமுறையாக அறிவிக்கப்பட்டுள்ளது. அன்றைய நாளைக் கொண்டாடும் விதமாக பாக்கிதானியப் படைகள் அனைத்தும் இணைந்து படையணிவகுப்பை நடத்துகின்றன.

•  
  பாக்கித்தானிய படைகளின் அணிவகுப்பு.
•  
  பாக்கித்தானிய கடற்படையின் அணிவகுப்பு.
•  
  பாக்கித்தானிய வான்படையின் செர்டில் வானூர்திகள் அணிவகுப்பில் பங்கேற்பது வழமையாக உள்ளது.
•  
  2014ஆம் ஆண்டு தேசிய நாளில் ஒளிரும் மினார்-இ-பாக்கித்தான்.