சிந்தியா

மராத்திய சிந்திய வம்சத்தவர்கள், மராத்திய கூட்டமைப்பு பகுதிகளில் ஒன்றான குவாலியர், மால்வா மற்றும் உஜ்ஜைன் பகுதிகளைக் கொண்ட குவாலியர் அரசை 1731 முதல் 1948 முடிய ஆண்டனர்.

1817 – 1818ல் கிழக்கிந்திய கம்பெனியின் படைகளுக்கு எதிராக நடைபெற்ற மூன்றாம் ஆங்கிலேய-மராட்டியப் போரில், குவாலியர் படைகளுடன், போன்சலே, ஓல்கர் மற்றும் கெயிக்வாட் வம்ச மன்னர்களின் படைகளும் கலந்து கொண்டனர். இப்படைகள் கிழக்கிந்தியக் கம்பெனி படைகளிடம் தோற்றது. பின்னர் ஆங்கிலேயர்கள் வகுத்த துணைப்படைத் திட்டத்தை சிந்தியா வம்சத்தவர்கள் ஏற்றுக் கொண்டு, 1818 முதல் சுதேச சமஸ்தான மன்னர்களாக தங்கள் நாட்டை ஆண்டனர். பின்னர் இந்திய விடுதலைக்குப் பின்னர் 1948ல் இந்தியாவுடன் சிந்தியா வம்சத்தின் குவாலியர் அரசு இணைக்கப்பட்டது.

சிந்தியா வம்சத்தை நிறுவியவர் மராத்தியப் பேரரசின் படைத்தலைவர் ரானோஜி சிந்தியா ஆவார். மராத்தியப் பேரரசை விரிவாக்கம் செய்வதற்கு பேஷ்வா பாஜிராவின் ஆனையின் படி, 1726ல் மால்வாவைக் கைப்பற்றி உஜ்ஜைன் நகரத்தை 1731ல் தலைநகராகக் கொண்டு குவாலியர் அரசை நிறுவினார். மூன்று ஆங்கிலேய-மராட்டியப் போர்களை சந்தித்த, சிந்தியா வம்சத்தவர்கள், மேற்கிந்தியா, வட இந்தியா மற்றும் மத்திய இந்தியாவின் இராஜபுத்திர மன்னர்களை வென்று மராத்தியப் பேரரசை விரிவாக்கியவர்கள்

1818ல் நடைபெற்ற மூன்றாம் ஆங்கிலேய மராட்டியப் போரில், கிழக்கிந்திய கம்பெனியிடம் தோல்வி கண்ட சிந்தியா வம்ச மன்னர் தௌலத்ராவ் சிந்தியா, அஜ்மீரை ஆங்கிலேயருக்கு வழங்கி, கம்பெனி ஆட்சியிடம் அடங்கி நடக்கும் சுதேச சமஸ்தான மன்னராக குவாலியர் அரசை ஆண்டார். 1947ல் இந்திய விடுதலைக்குப் பின்னர் சிந்தியா வம்சத்தினர் ஆண்ட குவாலியர் அரசு, 1948ல் இந்தியாவுடன் இணைக்கப்பட்டது.

மராத்திய சிந்தியா குல குவாலியர் இராச்சிய மன்னர்கள் தங்களை மகாராஜாக்கள் என அழைத்துக் கொண்டனர்.

• 1731 - 19 சூலை 1745 ரானோஜிராவ் சிந்தியா (இறப்பு 1745)
• 19 சூலை 1745 - 25 சூலை 1755 ஜெயப்பாராவ் சிந்தியா (இறப்பு 1755)
• 25 சூலை 1755 - 15 சனவரி 1761 ஜன்கோஜிராவ் சிந்தியா (b. 1745 - d. 1761)
• 25 சூலை 1755 - 10 சனவரி 1760 தத்தாஜி (பொறுப்பு) (d. 1760)
• 15 சனவரி 1761 - 25 நவம்பர் 1763 (காலிப்பணியிடம்)
• 25 நவம்பர் 1763 - 10 சூலை 1764 கேதர்ஜிராவ் சிந்தியா
• 10 சூலை 1764 - 18 சனவரி 1768 மனாஜிராவ் சிந்தியா (d. af.1777)
• 18 சனவரி 1768 - 12 பிப்ரவரி 1794 முதலாம் மகாதேவ்ராவ் சிந்தியா (b. c.1727 - d. 1794)
• 12 பிப்ரவரி 1794 - 21 மார்ச் 1827 தௌதத்ராவ் சிந்தியா (b. 1779 - d. 1827)
• 21 மார்ச் 1827 - 17 சூன் 1827 மகாராணி பாய்ஜா (பெண்) -முகவர் (b. 1787 - d. 1862)
• 17 சூன் 1827 - 7 பிப்ரவரி 1843 (முதல் முறை)
• 17 சூன் 1827 - 7 பிப்ரவரி 1843 இரண்டாம் ஜங்கோஜிராவ் சிந்தியா (சிவாஜிராவ் சிந்தியா) (b. 1805 - d. 1843)
• 17 சூன் 1827 - டிசம்பர் 1832 மகாராணி பாய்ஜா பாய் (f) - முகவர் (s.a.) (இரண்டாம் முறை)
• 7 பிப்ரவரி 1843 - 20 சூன் 1886 ஜெயாஜிராவ் சிந்தியா (b. 1835 - d. 1886)
• 7 பிப்ரவரி 1843 - 13 சனவரி 1844 மகாராணி தாரா பாய் - முகவர் (b. 1831 - d. ....)
• 1843 - சனவரி 1844 தாதா காஷ்ஜிவாலா (கிளர்ச்சிக்குப் பின்)
• 20 சூன் 1886 - 5 சூன் 1925 இரண்டாம் மாதவராவ் சிந்தியா (b. 1876 - d. 1925)
• 17 ஆகஸ்டு 1886 - 15 டிசம்பர் 1894 மகாராணி சாக்கிய பாய் - முகவர் (b. 1862 - d. 1919)
• 5 சூன் 1925 - 15 ஆகஸ்டு 1947 ஜார்ஜ் சிவாஜி ராவ் சிந்தியா (b. 1916 - d. 1961)
• 5 சூன் 1925 – 23 நவம்பர் 1931 மகாராணி சிங்கு பாய் – முகவர் (d. 1931)
• 23 நவம்பர் 1931 - 22 நவம்பர் 1936 மகாராணி கஜ்ஜிரா ராஜேபாய் - முகவர் (d. 1943)

• கெயிக்வாட் வம்சத்தின் பரோடா அரசு
• ஹோல்கர் வம்சத்தின் இந்தூர் அரசு
• போன்சலே வம்சத்தின் நாக்பூர் அரசு
• சிந்தியா வம்சத்தின் குவாலியர் அரசு