ஆர்சிட் (ORCID)(/ˈɔːrkɪd/ (ⓘ)) ; திறந்த ஆராய்ச்சியாளர் மற்றும் பங்களிப்பாளர் அடையாளம்) என்பது அறிவார்ந்த தகவல்தொடர்பு மற்றும் ஆராய்ச்சியாளர்களையும்/ஆய்வாளர்களையும் அவர்களின் ஆய்வுக் கட்டுரை வெளியீட்டையும் (மற்றும் பயனர் வழங்கிய பிற தகவல்) தேடுவதற்கான ஆய்வாளர்கள் மற்றும் பங்களிப்பாளர்களை தனித்தனியாக அடையாளம் காண்பதற்கான ஒரு லாப நோக்கற்ற எண்ணெழுத்து குறியீடாகும்.
அறிவியல் ஆய்வுக் கட்டுரைகள் அல்லது மானுடவியல் வெளியீடுகளுக்கு ஒரு குறிப்பிட்ட எழுத்தாளரின் பங்களிப்புகளிப்பினை அடையாளம் காணக் கடினமாக இருப்பதால், பெரும்பாலான தனிப்பட்ட பெயர்கள் தனித்துவமானவை அல்ல. இவை காலப்போக்கில் மாறலாம் (திருமணம் போன்றவை). மேலும் பெயர் வரிசையில் கலாச்சார வேறுபாடுகள், சீரற்ற முதல் பெயர் சுருக்கங்களின் பயன்பாடு மற்றும் வெவ்வேறு எழுத்து முறைகளைப் பயன்படுத்துதல் உள்ளிட்ட காரணங்களினால் மாறுகின்றன. எனவே எண்ணிம ஆவணச் சுட்டி (DOIகள்) ஒன்றினை எண்ணிம வலைப்பின்னலில் வரி விதிப்பில் உருவாக்கப்பட்ட எண் போல ஆராய்ச்சியாளர்களுக்கு என ஒரு எண்ணை உருவாக்கி ஆய்வாளர்களுக்கு ஒரு நிலையான அடையாளத்தை வழங்குகிறது.
திறந்த ஆராய்ச்சியாளர் மற்றும் பங்களிப்பாளர் அடையாளம் ஆய்வாளர்களுக்கு ஒரு நிலையான குறியீட்டை வழங்குவதை நோக்கமாகக் கொண்டுள்ளது. அறிவார்ந்த தகவல்தொடர்புக்கு ஒரு குறிப்பிட்ட எழுத்தாளரின் பங்களிப்புகள் அடையாளம் காணக் கடினமாக இருப்பதால், பெரும்பாலான தனிப்பட்ட பெயர்கள் தனித்துவமானவை அல்ல. இதனால் ஒரே பெயரில் பல நபர்கள் பங்களிக்கக்கூடும். ஒரே பெயரில் ஒரே துறையிலோ அல்லது ஒரே நிறுவனத்தில் கூட பலர் இருக்கக்கூடும். மேலும், ஆய்வாளர் ஒருவரின் பெயர் திருமணம், பெயர் வரிசைப்படுத்தும் மரபுகளில் கலாச்சார வேறுபாடுகள், பத்திரிகைகள் முதல் பெயர் சுருக்கங்கள், பெயர் பின்னொட்டுகள் மற்றும் நடுத்தர முதலெழுத்துக்களைச் சீரற்ற முறையில் பயன்படுத்துவதால் மாறலாம். இத்தகைய சூழலில் திறந்த ஆராய்ச்சியாளர் மற்றும் பங்களிப்பாளர் அடையாளம் முக்கியப் பங்கு வகிக்கின்றது.
ஆர்சிட் (ORCID) அமைப்பு, ஆர்சிட் (ORCID இன்க்.) ஆகும். இந்நிறுவனத்தில் பதிவுசெய்த பயனர்களுக்கு "தொடர்ந்து புதுப்பிக்கப்பட்ட 'எண்ணிம கல்வி மற்றும் தொழில் குறித்த விவரக்குறிப்பினை' பராமரித்து வழங்குகிறது. இது அறிவியலுக்கு அவர் செய்த பங்களிப்புகளினை ஆய்வுக் கட்டுரைகள் மட்டுமின்றி பிற விவரங்களையும் வழங்குகிறது." ஆர்சிட் அமைப்பால் வழங்கப்படும் இதனைப் பயனர் மாற்றியமைக்கலாம்.
முதன்முதலில் 2009இல் அறிவார்ந்த ஆராய்ச்சியின் வெளியீட்டாளர்களின் கூட்டு முயற்சியாகத் திறந்த ஆராய்ச்சியாளர் மற்றும் பங்களிப்பாளர் அடையாளம் அறிவிக்கப்பட்டது. "அறிவார்ந்த தகவல்தொடர்புகளில் எழுத்தாளர் பெயரில் தெளிவற்ற சிக்கலைத் தீர்க்க" இது உருவாக்கப்பட்டது. "திறந்த ஆராய்ச்சியாளர் பங்களிப்பாளர் அடையாள முயற்சி" என ஆர்சிட் என்ற பெயர் இணைக்கப்படுவதற்கு முன்னர் தற்காலிகமாக உருவாக்கப்பட்டது.
தாம்சன் ராய்ட்டர்ஸ் அதன் ஆராய்ச்சியாளர் அடையாளங்காட்டி அமைப்புக்குப் பயன்படுத்திய மென்பொருளில் ஒரு முன்மாதிரி உருவாக்கப்பட்டது. ஆர்சிட் நிறுவனம் ஒரு சுயாதீன இலாப நோக்கற்ற அமைப்பாக ஆகஸ்ட் 2010இல் அமெரிக்காவின் டெலாவேரில், சர்வதேச இயக்குநர்கள் குழுவுடன் இணைக்கப்பட்டது. இதன் நிர்வாக இயக்குநராக கிறிஸ் ஷில்லம் செப்டம்பர் 2020இல் நியமிக்கப்பட்டார். ஏப்ரல் 2012இல் நியமிக்கப்பட்ட லாரல் ஹாக் என்ற நிறுவன செயல் இயக்குநருக்குப் பிறகு இவர் பொறுப்பேற்றார். 2016 முதல், நிர்வாக அமைப்பின் தலைமையினை அறிவியலுக்கான பொது நூலக வெரோனிக் கியர்மர் ஏற்றார். இவர் எட் பென்ட்சின் குறுக்கு மேற்கோள் மேனாள் தலைவர் ஆவார். திறந்த ஆராய்ச்சியாளர் மற்றும் பங்களிப்பாளர் அடையாளம் தனித்துப் பயன்படுத்தக்கூடியது. பிற அடையாளங்காட்டி அமைப்புகளுடன் இயங்கக்கூடியது. அக்டோபர் 16, 2012 அன்று, திறந்த ஆராய்ச்சியாளர் மற்றும் பங்களிப்பாளர் அடையாளம் பதிவேட்டில் சேவைகளை அறிமுகப்படுத்தி பயனர் அடையாளங்காட்டியினை வழங்கத் தொடங்கியது.
திறந்த ஆராய்ச்சியாளர் மற்றும் பங்களிப்பாளர் அடையாளத்தினை ஏற்றுக்கொள்வதில் மற்றவர்களை ஊக்குவிக்க ஜனவரி 1, 2016 தேதியிட்ட ஒரு திறந்த கடிதம் "குறிப்பிட்ட செயல்படுத்தல் தரங்களைப் பின்பற்றித் திறந்த ஆராய்ச்சியாளர் மற்றும் பங்களிப்பாளர் அடையாளம் தேவை என்று உறுதி பூண்டுள்ள கடிதத்தில் வெளியீட்டாளர்கள் கையொப்பத்துடன்" வடிவமைக்கப்பட்டது.
2021ஆம் ஆண்டுஸ்பிரிங்கர் நேச்சர் வலைத்தள புதுப்பித்தலில், சக மதிப்பாய்வு செயல்பாட்டைச் சரிபார்க்க ஆய்வாளர்களின் திறந்த ஆராய்ச்சியாளர் மற்றும் பங்களிப்பாளர் அடையாளம் பயன்படுத்தப்படும் என்று குறிப்பிடப்பட்டிருந்தது.
முன்னர், ஆய்வாளர்களின் திறந்த ஆராய்ச்சியாளர் மற்றும் பங்களிப்பாளர் அடையாளம் URI களாக குறிப்பிடப்பட்டது. எடுத்துக்காட்டாக, ஜோசியா எஸ். கார்பெரிக்கான திறந்த ஆராய்ச்சியாளர் மற்றும் பங்களிப்பாளர் அடையாளம் (எடுத்துக்காட்டுகள் மற்றும் சோதனைகளில் iD பயன்படுத்தப்படும் ஒரு கற்பனையான பேராசிரியர்) https://orcid.org/0000-0002-1825 -0097 (https:// மற்றும் http:// என இரண்டும் ஏற்றுக்கொள்ளப்பட்டன) இருப்பினும், சில வெளியீட்டாளர்கள் குறுகிய வடிவத்தைப் பயன்படுத்துகின்றனர். எ.கா. "ORCID: 0000-0002-1825-0097" (யுஆர்என் ஆக ).
திறந்த ஆராய்ச்சியாளர் மற்றும் பங்களிப்பாளர் அடையாளம் சர்வதேச தரநிலை அடையாளங்காட்டியின் (ISNI) தரநிலைப்படுத்துதலுக்கான சர்வதேச அமைப்பின் (ISO 27729 என) அனுசரணையின் கீழ், இரு அமைப்புகளும் ஒத்துழைக்கின்றன. புத்தகங்கள், தொலைக்காட்சி நிகழ்ச்சிகள் மற்றும் செய்தித்தாள்களுக்கான பங்களிப்பாளர்களை ஐ.எஸ்.என்.ஐ தனித்துவமாக அடையாளம் காணும், மேலும் ஓ.ஆர்.சி.ஐ.டி பயன்படுத்த அடையாளங்காட்டிகளின் தொகுப்பை ஒதுக்கியுள்ளது. இது 0000-0001-5000-0007 முதல் 0000-0003-5000-0001 வரையுள்ள வரம்பில் கிடைக்கின்றது. எனவே ஒரு நபர் ஒரு ஐ.எஸ்.என்.ஐ மற்றும் திறந்த ஆராய்ச்சியாளர் மற்றும் பங்களிப்பாளர் அடையாளம் இரண்டையும் சட்டப்பூர்வமாக வைத்திருப்பது சாத்தியமாகும்.
திறந்த ஆராய்ச்சியாளர் மற்றும் பங்களிப்பாளர் அடையாளம் மற்றும் சர்வதேச தரநிலை அடையாளங்காட்டியின் இரண்டும் 16-எழுத்து அடையாளங்காட்டிகளைப் பயன்படுத்துகின்றன. 0–9 இலக்கங்களைப் பயன்படுத்துகின்றன. மேலும் சொல்லிடக் குறியீட்டினால் நான்கு குழுக்களாகப் பிரிக்கப்படுகின்றன. இறுதி எழுத்து, இது "10" மதிப்பைக் குறிக்கும் "X" வார்த்தையாக இருக்கலாம் (எடுத்துக்காட்டாக, ஸ்டீபன் ஹாக்கிங்கின் திறந்த ஆராய்ச்சியாளர் மற்றும் பங்களிப்பாளர் அடையாளம் https://orcid.org/0000-0002-9079-593X), ISO / IEC 7064: 2003 தரத்திற்கு இணங்க ஒரு MOD 11-2 சோதனை இலக்கமாக உள்ளது.
2013ஆம் ஆண்டின் இறுதியில் திறந்த ஆராய்ச்சியாளர் மற்றும் பங்களிப்பாளர் அடையாளம் 111 உறுப்பு அமைப்புகளையும் 460,000க்கும் மேற்பட்ட பதிவாளர்களையும் கொண்டிருந்தது. நவம்பர் 15, 2014 அன்று, ஆர்சிட் ஒரு மில்லியனுக்கும் அதிகமான பதிவை கொண்டுள்ளதாக அறிவித்தது. 2020 நவம்பர் 20 அன்று பத்து மில்லியனுக்கும் அதிகமான பதிவுகளைக் கொண்டது. 2021ஆம் ஆண்டு ஜனவரி 16ஆம் நாளன்று, ஆர்சிட்டில் தெரிவிக்கப்பட்ட நேரடி கணக்குகளின் எண்ணிக்கை 10,510,158 ஆகும். கலிபோர்னியா தொழில்நுட்பக் கழகம் மற்றும் கார்னெல் பல்கலைக்கழகம் போன்ற பல ஆராய்ச்சி நிறுவனங்களும், எல்செவியர், இசுபிரிங்கர் பதிப்பகம், யோன் வில்லி அன் சன்ஸ் மற்றும் நேச்சர் பப்ளிஷிங் குழு போன்ற வெளியீட்டாளர்களும் இதில் இணைந்துள்ளனர். தாம்சன் ராய்ட்டர்ஸ், கல்விச் சங்கங்கள் மற்றும் நிதி அமைப்புகள் உள்ளிட்ட வணிக நிறுவனங்களும் உள்ளன.
வெல்கம் அறக்கட்டளை போன்ற ஆய்விற்கு நிதியுதவி வழங்கும் அறக்கட்டளையினர் ஆராய்ச்சி நிதி கோரி வரும் விண்ணப்பதாரர்கள் திறந்த ஆராய்ச்சியாளர் மற்றும் பங்களிப்பாளர் அடையாளத்தினை வழங்க வேண்டும் என்று அறிவித்துள்ளன.
2013ஆம் ஆண்டின் இறுதியில் திறந்த ஆராய்ச்சியாளர் மற்றும் பங்களிப்பாளர் அடையாளம் 111 உறுப்பு அமைப்புகளையும் 460,000க்கும் மேற்பட்ட பதிவாளர்களையும் கொண்டிருந்தது. நிறுவன உறுப்பினர்களில் கால்டெக் மற்றும் கார்னெல் பல்கலைக்கழகம் போன்ற ஆராய்ச்சி நிறுவனங்களும் , எல்சேவியர், ஸ்பிரிங்கர், விலே மற்றும் நேச்சர் பப்ளிஷிங் குழு போன்ற வெளியீட்டாளர்களும் அடங்குவர். தாம்சன் ராய்ட்டர்ஸ், கல்விச் சங்கங்கள் மற்றும் நிதி அமைப்புகள் உள்ளிட்ட வணிக நிறுவனங்களும் உள்ளன. வெல்கம் டிரஸ்ட் (ஒரு அறக்கட்டளை) போன்ற மானியம் வழங்கும் அமைப்புகளும் நிதியுதவிக்கான விண்ணப்பதாரர்கள் ஒரு திறந்த ஆராய்ச்சியாளர் மற்றும் பங்களிப்பாளர் அடையாளம் அடையாளங்காட்டியை வழங்க வேண்டும் என்று கட்டளையிடத் தொடங்கியுள்ளன.
பல நாடுகளில், கூட்டமைப்புகள், அரசாங்க அமைப்புகளின் கூட்டமைப்புகள் ஆர்சிடினை தேசிய அளவில் செயல்படுத்துகின்றன. உதாரணமாக, இத்தாலியில், எழுபது பல்கலைக்கழகங்களும் நான்கு ஆராய்ச்சி மையங்களும் இத்தாலியப் பல்கலைக்கழக மாநாட்டின் கீழும் பல்கலைக்கழகம் மற்றும் ஆராய்ச்சி நிறுவனங்களின் மதிப்பீட்டிற்கான தேசிய நிறுவனத்தின் கீழும் சினிகாவால் எனும் திட்டத்தின் கீழ் செயல்படுத்தப்படுத்துகின்றன. இது பல்கலைக்கழகங்கள், ஆராய்ச்சி நிறுவனங்கள் மற்றும் கல்வி அமைச்சகத்தைப் பிரதிநிதித்துவப்படுத்தும் இலாப நோக்கற்ற கூட்டமைப்பு ஆகும். ஆஸ்திரேலியாவில், அரசாங்கத்தின் தேசிய சுகாதார மற்றும் மருத்துவ ஆராய்ச்சி குழுமம் (என்.எச்.எம்.ஆர்.சி) மற்றும் ஆஸ்திரேலிய ஆராய்ச்சி குழுமம் (ஏ.ஆர்.சி) ஆகியவை "ஆர்சிட் அடையாளங்காட்டியினை வைத்திருக்க நிதி பெற விண்ணப்பிக்கும் அனைத்து ஆராய்ச்சியாளர்களையும் ஊக்குவிக்கின்றன". பிரெஞ்சு விஞ்ஞான கட்டுரை களஞ்சியமான ஹால் அதன் பயனர்களை தங்கள் ஆர்சிட் அடையாளங் காட்டியில் இணைய அழைக்கிறது.
விக்கிப்பீடியா மற்றும் விக்கித்தரவு இரண்டுமே திறந்த ஆராய்ச்சியாளர் மற்றும் பங்களிப்பாளர் அடையாள பண்புகளை அறிந்திருக்கின்றன.
2014ஆம் ஆண்டு ஆண்டில் உறுப்பினர்கள் மற்றும் நிதியுதவியாளர்கள, பத்திரிகைகள், வெளியீட்டாளர்கள் மற்றும் பிற சேவைகள் தவிர தம்முடைய பணிப்பாய்வு அல்லது தரவுத்தளங்களில் ஆர்ச்சிடுனை. 2014 முதல் 2016 வரை சில நிகழ்நிலை சேவைகள் ஆர்சிட்லிருந்து தரவை ஏற்றுமதி செய்ய அல்லது இறக்குமதி செய்வதற்கான கருவிகளை உருவாக்கின.
அக்டோபர் 2015இல், டேட்டாசைட், கிராஸ்ரெஃப் மற்றும் ஆர்சிட் ஆகியவற்றின் முந்தைய நிறுவனங்கள் திறந்த ஆராய்ச்சியாளர் மற்றும் பங்களிப்பாளர் அடையாளம் புதிதாக பதிவுசெய்யப்பட்ட எண்ணிம ஆவணச் சுட்டி பெயர்களில் காணப்படும் போது புதுப்பிப்பதாக அறிவித்தன.
சில திறந்த ஆராய்ச்சியாளர் மற்றும் பங்களிப்பாளர் அடையாளம் தரவுகளை RDF/XML, RDF ட்ர்டில், எக்ஸ்எம்எல் அல்லது யேசண் ஆகவும் பெறப்படலாம். திறந்த ஆராய்ச்சியாளர் மற்றும் பங்களிப்பாளர் அடையாளம் இதன் குறியீடு களஞ்சியமாக கிட்ஹப்ஐப் பயன்படுத்துகிறது.
This article uses material from the Wikipedia தமிழ் article ஆர்சிட், which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). வேறுவகையாகக் குறிப்பிடப்பட்டிருந்தாலன்றி இவ்வுள்ளடக்கம் CC BY-SA 4.0 இல் கீழ் கிடைக்கும். Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki தமிழ் (DUHOCTRUNGQUOC.VN) is an independent company and has no affiliation with Wiki Foundation.