ழோன் திரோல்: பிரெஞ்சு பொருளாதார வல்லுநர்
ழோன் மார்செல் திரோல் (Jean Marcel Tirole, ஆகத்து 9, 1953) பிரெஞ்சு பொருளியல் பேராசியர் ஆவார்.
தொழிலகக் கட்டமைப்பு, ஆட்டக் கோட்பாடு, வங்கியியல் மற்றும் நிதி, மற்றும் உளவியல்சார் பொருளியல் துறைகளில் பணியாற்றுகிறார். துலூசு பொருளியல் பள்ளியில் உள்ள ழோன்-ழாக் லபோன் பவுண்டேசனின் தலைவராகவும் துலூசில் உள்ள தொழிலக பொருளியல் கழகத்தில் (IDEI) அறிவியல் இயக்குநராகவும் துலூசு மேம்பட்ட ஆய்வுக் கழகத்தின் (IAST) நிறுவன உறுப்பினராகவும் பொறுப்பேற்றுள்ளார். மாசாச்சூசெட்சு தொழில்நுட்பக் கழகத்தில் முனைவர் பட்டம் பெற்ற பின்னர் 1984 வரை இகோல் நேசனல் டெசு பொன்ட்சு எ சூசியில் ஆய்வாளராக பணியாற்றினார். 1984–1991 காலகட்டத்தில் மாசாச்சூசெட்சு தொழில்நுட்பக் கழகத்தில் பொருளியல் பேராசிரியராகப் பணியாற்றினார். 1998இல் பொருளியலளவை சமூகத்தின் தலைவராக விளங்கினார். 2001இல் ஐரோப்பிய பொருளியல் சங்கத்தின் தலைவராக பொறுப்பில் இருந்தார். இன்னமும் அவர் மாசாச்சூசெட்சு தொழில்நுட்பக் கழகத்தில் வருகைப் பேராசிரியராக பணிபுரிகிறார். " சந்தைச் செல்வாக்கு மற்றும் கட்டுப்பாடு குறித்த இவரது பகுப்பாய்விற்காக" 2014ஆம் ஆண்டுக்கான பொருளியலுக்கான நோபல் நினைவுப் பரிசு திரோலுக்கு வழங்கப்பட்டுள்ளது.
 2019இல் ழோன் திரோல் | |
| பிறப்பு | ஆகத்து 9, 1953 இத்துவா, பிரான்சு |
|---|---|
| தேசியம் | பிரான்சு |
| நிறுவனம் | துலூசு பொருளியல் பள்ளி |
| துறை | குறும்பொருளியல் ஆட்டக் கோட்பாடு தொழிலகக் கட்டமைப்பு |
| பயின்றகம் | மாசாச்சூசெட்சு தொழில்நுட்பக் கழகம் பாரிசு தோஃபீன் பல்கலைக்கழகம் |
| விருதுகள் | ஜான் வொன் நியூமன் விருது (1998) பொருளியலுக்கான நோபல் நினைவுப் பரிசு (2014) |
| ஆய்வுக் கட்டுரைகள் | |
மேற்சான்றுகள்
வெளி இணைப்புகள்
- Personal info and curriculum vitae on the IDEI website
- Biography பரணிடப்பட்டது 2014-10-18 at the வந்தவழி இயந்திரம்
- BBVA Foundation Frontiers of Knowledge Awards பரணிடப்பட்டது 2017-06-06 at the வந்தவழி இயந்திரம்
This article uses material from the Wikipedia தமிழ் article ழோன் திரோல், which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). வேறுவகையாகக் குறிப்பிடப்பட்டிருந்தாலன்றி இவ்வுள்ளடக்கம் CC BY-SA 4.0 இல் கீழ் கிடைக்கும். Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki தமிழ் (DUHOCTRUNGQUOC.VN) is an independent company and has no affiliation with Wiki Foundation.