மிகைல் விளாதிமீரொவிச் மிசூசுத்தின் (Mikhail Vladimirovich Mishustin, உருசியம்: Михаил Владимирович Мишустин, பிறப்பு: 3 மார்ச் 1966) உருசியப் பொருளாதார அறிஞரும், அரசியல்வாதியும் ஆவார்.
இவர் 2020 சனவரி 16 இல் உருசியாவின் பிரதமராக நியமிக்கப்பட்டார்.
மிகைல் மிசூசுத்தின் Mikhail Mishustin | |
---|---|
உருசியாவின் தலைமை அமைச்சர் | |
பதவியில் உள்ளார் | |
பதவியில் 16 சனவரி 2020 | |
குடியரசுத் தலைவர் | விளாதிமிர் பூட்டின் |
முன்னையவர் | திமித்ரி மெட்வெடெவ் |
நடுவண் வரிகள் சேர்வைப் பணிப்பாளர் | |
பதவியில் 6 ஏப்ரல் 2010 – 16 சனவரி 2020 | |
குடியரசுத் தலைவர் | திமித்ரி மெட்வெடெவ் விளாதிமிர் பூட்டின் |
முன்னையவர் | மிகைல் மொக்ரெத்சொவ் |
பின்னவர் | தனீல் இயெகோரொவ் |
தனிப்பட்ட விவரங்கள் | |
பிறப்பு | மிகைல் விளாதிமீரொவிச் மிசூசுத்தின் 3 மார்ச்சு 1966 மாஸ்கோ, சோவியத் ஒன்றியம் |
தேசியம் | உருசியர் |
அரசியல் கட்சி | சுயேச்சை |
முன்னாள் கல்லூரி | இசுத்தான்கின் |
இவர் 2020 சனவரி 15 இல் உருசியப் பிரதமராக அரசுத்தலைவர் விளாதிமிர் பூட்டினால் பரிந்துரைக்கப்பட்டார். சனவரி 16 இல் இவரது நியமனம் அரச தூமா என அழைக்கப்படும் உருசிய நாடாளுமன்றத்தினால் ஏற்றுக் கொள்ளப்பட்டது.
அரசுத்தலைவர் விளாதிமிர் பூட்டின் 2020 சனவரி 15 இல் நிகழ்த்திய நாடாளுமன்ற உரையில் உருசிய அரசியலமைப்பில் பல திருத்தங்களைப் பிரேரித்தார். இதனை அடுத்து பிரதமர் திமித்ரி மெட்வெடெவ் தமது அமைச்சரவையைக் கலைப்பதாகவும், பிரதமர் பதவியில் இருந்து விலகுவதாகவும் அறிவித்தார். அரசுத்தலைவரின் அதிகாரங்கள் சிலவற்றை நாடாளுமன்றத்திற்குப் பகிர்ந்தளிக்கும் பூட்டினின் பரிந்துரைகளை நிறைவேற்றும் பொருட்டு, தாம் பதவி விலகுவதாக மெட்வெடெவ் அறிவித்தார். இவரது பதவி விலகலை பூட்டின் ஏற்றுக் கொண்டார். அன்றே பூட்டின் புதிய தலைமை அமைச்சர் பதவிக்கு மிகைல் மிசூசுத்தினப் பரிந்துரைத்தார். சனவரி 16-இல், நாடாளுமன்றம் மிசூசித்தினைப் பிரதமராக ஏகமனதாக ஏற்றுக் கொண்டது. எந்த ஒரு நாடாளுமன்ற உறுப்பினரும் இவருக்கு எதிராக வாக்களிக்கவில்லை. அதே நாளில் பூட்டின் அவரை தலைமை அமைச்சராக அதிகாரபூர்வமாக நியமித்தார்.
திருமணமான மிசூசுத்தினுக்கு மூன்று பிள்ளைகள் உள்ளனர். இவர் பனி வளைதடியாட்டத்தில் ஈடுபாடு கொண்டவர்.
This article uses material from the Wikipedia தமிழ் article மிகைல் மிசூசுத்தின், which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). வேறுவகையாகக் குறிப்பிடப்பட்டிருந்தாலன்றி இவ்வுள்ளடக்கம் CC BY-SA 4.0 இல் கீழ் கிடைக்கும். Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki தமிழ் (DUHOCTRUNGQUOC.VN) is an independent company and has no affiliation with Wiki Foundation.