பாரா ட இசூக்கா

இங்குள்ள கடற்கரைகள், ஏரிகள், ஆறுகளுக்காகவும் வாழ்முறைக்காகவும் பாரா புகழ்பெற்றது.

பாரா ட இசூக்கா
மாவட்டம்
பாரா ட இசூக்காவின் அகலப் பரப்புக் காட்சி
நாடு	Brazil
மாநிலம்	இரியோ டி செனீரோ (மாநிலம்)
நகராட்சி/நகரம்	இரியோ டி செனீரோ
மண்டலம்	மேற்கு மண்டலம்

இரியோ டி செனீரோவின் பரப்பில் 13% ஆகவும் நகர மக்கள்தொகையில் 4.7% ஆக இருந்தபோதும் நகர வரி வருமானத்தில் 30% இங்கிருந்து தான் வருகின்றது. பிரேசிலில் மிகவும் மேம்படுத்தப்பட்ட இடங்களில் இதுவும் ஒன்றாகக் கருதப்படுகின்றது. 2000ஆம் ஆண்டு கணக்கெடுப்பின்படி, இப்பகுதியின் மனித மேம்பாட்டுச் சுட்டெண், 0.959, நாட்டிலேயே மிகவும் உயர்ந்ததாகும். இரியோவின் நகர மையம், தெற்கு மண்டலம் போலல்லாது பாரா ட இசூக்கா 30 ஆண்டுகளுக்குள்ளாகவே கட்டமைக்கப்பட்டுள்ளது. எனவே பெரும் நிழற்சாலைகளுடன் தற்கால சீர்தரங்களின்படி கட்டமைக்கப்பட்டுள்ளது. நவீனத்துவம், நீடிப்புத் திறன், இயற்கை என இப்பகுதி இரியோ டி செனீரோவின் புத்தம்புதிய முகமாக விளங்குகின்றது. இந்நகரப் பகுதியின் திட்ட வடிவமைப்பை, பிரசிலியாவை வடிவமைத்த லூசியோ கோஸ்தா உருவாக்கியுள்ளார். நகரின் பெருந்திட்டத்தில் பல பூங்காக்கள், அங்காடி வளாகங்கள், அடுக்கக குடியிருப்புகள், பெரிய மாளிகைகள் இடம் பெற்றுள்ளன. பிரேசிலின் பொருளியல் வளர்ச்சியை அடுத்து பாராவில் 100,000க்கும் கூடுதலான புதிய குடிகள் இடம் பெயர்ந்துள்ளனர்; பல பெரிய நிறுவனங்களின் தலைமையகங்களும் இங்கு மாற்றப்பட்டு வருகின்றன.

இங்கு பவேலாக்கள் இல்லாமையால் இது இரியோவின் மிகவும் பாதுகாப்பான உயர்குடி நகர்ப்பகுதியாகவும் பண்பாட்டு, பொருளியல், நிர்வாக மையமாக விளங்குகின்றது. இங்கு பல புகழ்பெற்றவர்களும் காற்பந்து வீரர்களும் வசிக்கின்றனர்.

தென் அமெரிக்காவில் முதல்முறையாக நடந்த 2016 கோடைக்கால ஒலிம்பிக் விளையாட்டுப் போட்டிகளின் பெரும்பாலான அரங்குகள் இங்கு அமைந்திருந்தன.

•  
  இரவில் பாரா ட இசூக்கா
•  
  பொன்டல் தீவிலிருந்து ரிக்ரியோ கடற்கரையின் காட்சி
•  
  அயர்டன் சென்னா அவென்யூ
•  
  நியூயார்க் நகர மையம், பாரா ட இசூக்கா]]
•  
  இந்தப் புறநகர் பகுதியின் நுகர்வு இதன் சிறப்புப் பண்பாக உள்ளது. படத்தில்: வில்லேஜ் மால்.
•  
  பாராசாப்பிங் பதாகை
•  
  ரிசர்வா கடற்கரை
•  
  ரிக்ரியோ கடற்கரை