டூன்: பாகம் ஒன்று (ஆங்கிலம்: Dune: Part One) 2021 ஆம் ஆண்டில் வெளிவந்த ஒரு ஐக்கிய அமெரிக்க காவிய அறிபுனைத் திரைப்படம் ஆகும்.
இத்திரைப்படம் டெனிசு வில்லெனுவ் ஆல் எழுதி இயக்கப்பட்டுள்ளது. பிராங்க் எர்பெர்ட்டால் எழுதப்பட்ட அதே பெயரிலான 1965 புதினத்தின் அடிப்படையில் எடுக்கப்பட்டுள்ளது. டிமதி சாலமே, ரெபெக்கா பர்குசன், ஆஸ்கர் ஐசக், ஜோஷ் புரோலின், ஸ்டெல்லன் ஸ்கார்ஸ்கார்ட், டேவ் பாடிஸ்டா, சுடீவன் மெக்கின்லி ஹென்டர்சன், ஜெண்டயா, சேங் சென், சார்லொட்டு இரம்பிலிங்கு, ஜேசன் மோமோவா, ஹாவியர் பார்டெம் ஆகியோர் நடித்துள்ளனர்.
டூன்: பாகம் ஒன்று Dune: Part One | |
---|---|
இயக்கம் | டெனிசு வில்லெனுவ் |
தயாரிப்பு |
|
திரைக்கதை |
|
இசை | ஹான்ஸ் சிம்மர் |
நடிப்பு |
|
ஒளிப்பதிவு | கிரெயிக் பிரேசர் |
கலையகம் | லெஜென்டரி பிக்சர்கள் |
விநியோகம் | வார்னர் புரோஸ். பிக்சர்ஸ் |
வெளியீடு | செப்டம்பர் 3, 2021(வெனிசு) அக்டோபர் 22, 2021 (ஐக்கிய அமெரிக்கா) |
ஓட்டம் | 156 நிமிடங்கள் |
நாடு | ஐக்கிய அமெரிக்கா |
மொழி | ஆங்கிலம் |
ஆக்கச்செலவு | ஐஅ$165 மில்லியன் (₹1,180 கோடி) |
மொத்த வருவாய் | ஐஅ$401.8 மில்லியன் (₹2,873.5 கோடி) |
டேவிட் லிஞ்ச்சின் டூன் திரைப்படத்தினைத் தொடர்ந்து இப்புதினத்தினை வைத்து எடுக்கப்பட்ட இரண்டாவது திரைப்படமாகும். மூன்றாவது திரைத் தொகுப்பு ஆகும்.பாரமவுண்ட் பிக்சர்ஸ் ஒரு திரைப்படத்தினை எடுக்கத் துவங்கி தொல்வியடைந்ததை தொடர்ந்து லெஜென்டரி என்டர்டெயின்மென்ட் இத்திரைப்படத்திற்கான உரிமைகளை 2016 ஆம் ஆண்டில் வாங்கியது. பிப்ரவரி 2017 இல் வில்லெனுவ் இயக்குனராக இணைந்தார். திரைப்பிடிப்பு மார்ச்சு முதல் சூலை 2019 வரை பல்வேறு இடங்களில் எடுக்கப்பட்டது. திரைப்பிடிக்ககப்பட்ட சில இடங்கள் - புடாபெசுட்டு, ஜோர்தான், நோர்வே, மற்றும் அபுதாபி.
டூன் 2020 இறுதியில் வெளியிடப்படுவதாக இருந்தது, ஆனால், கோவிட்-19 பெருந்தொற்றினால் தள்ளிவைக்கப்பட்டது. அடுத்த ஆண்டு, 78ஆவது வெனீசு சர்வதேச திரைப்படத் திருவிழாவில் செப்டம்பர் 3, 2021 அன்று வெளியிடப்பட்டது. சர்வதேச வெளியீடு செப்டம்பர் 15, 2021 அன்று நடந்தது. ஐக்கிய அமெரிக்காவில் எச்பிஓ மாக்சில் அக்டோபர் 22 அன்று வெளியானது. பொதுமக்கள் மற்றும் விமர்சகர்களிடம் நல்ல வரவேற்பினைப்பெற்றது. திரைவண்ணம், இசை, நடிப்பு, திரைபிடிப்பு, இயக்கம் மற்றூம் கதாப்பாத்திரங்களுக்காக பெரிதும் பாராட்டப்பட்டது. $165 மில்லியன் செலவில் எடுக்கப்பட்ட இத்திரைப்படம், $401 மில்லியன் வருவாயினை ஈட்டியது. 2021 சிறந்த 10 திரைப்படங்களில் ஒன்றாக பல குழுக்களால் தேர்ந்தெடுக்கப்பட்டது. இத்திரைப்படம் பல்வேறு விருதுகளை வென்றது, அதில் குறிப்பாக 10 ஆசுக்கர் பரிந்துரைகளைப் பெற்றது, (சிறந்த திரைப்படம் மற்றும் சிறந்த தழுவிய திரைக்கதை சேர்த்து), அதில் ஆறினை வென்றது: சிறந்த இசை, சிறந்த அசல் இசை, சிறந்த திரை இயக்கம், சிறந்த தயாரிப்பு, சிறந்த திரை வண்ணங்கள், மற்றும் சிறந்த ஒளிப்பதிவு. இத்திரைப்படத்தின் தொடர்ச்சியாக டூன்: பாகம் இரண்டு, தயாரிப்பில் உள்ளது. நவம்பர் 3, 2023 அன்று வெளியாகவுள்ளது.
ஐக்கிய அமெரிக்கா மற்றும் கனடாவில், இத்திரைப்படம் $108.3 மில்லியன் வருவாயினையும், பிற இடங்களில் $293.5 மில்லியன் வருவாயினையும் ஈட்டி உலகம் முழுவதும் மொத்தம் $401 மில்லியன் வருவாயினை ஈட்டியது.
அழுகிய தக்காளிகள் இணையதளத்தில், 486 விமர்சனங்களில் 83% விமர்சகர்களின் விமர்சனம் நல்லதாக இருந்தது , சராசரி மதிப்பீடு - 7.60/10. இணையதளத்தின் பொது விமர்சனம்: "டூன் சில சமயங்களில் கடினமான புதினத்தினால் தவறினாலும் தயாரிப்பு மற்றும் திரைவண்ணங்களால் பார்ப்பவர்களை பெரிதும் கவர்கிறது." எடையிடப்பட்ட சராசரிகளைப் பயன்படுத்தும் மெடாகிறிடிக் இணையதளத்தில், விமர்சகர்கள் இத்திரைப்படத்திற்கு 100 இற்கு 74 மதிப்பீடு கொடுக்கப்பட்டுள்ளது. கொடுக்கப்பட்டுள்ள 67 விமர்சனங்களை அடிப்படையாக வைத்து, இத்திரைப்படம் "பொதுவாக பாராட்டப்பட்டுள்ளது". சினிமாசுகோர் பயனர்கள் இத்திரைப்படத்திற்கு "A−" மதிப்பீடினைக் கொடுத்துள்ளனர். (A+ முதல் F வரையிலான மதிப்பீடு பலகையில்) போஸ்டிராக் பயனர்கள் 84% நல்ல மதிப்பீடினைக் கொடுத்துள்ளனர்.(சராசரியாக 4.5/5). மேலும் 66% பயனர்கள் பிறரையும் பார்க்க பரிந்துரைப்பேன் என்று கூறியுள்ளனர்.
இத்திரைப்படம் பத்து அகாதமி விருதுகளுக்கு (அதில் ஆறினை வென்றது), மூனறு கோல்டன் குளோப் விருது (அதில் ஒன்றினை வென்றது), பதினொன்று பிரித்தானிய அகாடமி திரைப்பட விருதுகள் (அதில் ஐந்தினை வென்றது), பத்து கிறிடிக்சு சாய்சு விருதுகள் (அதில் மூன்றினை வென்றது), இரண்டு ஆக்டா சர்வதேச விருதுகள் (அதில் ஒன்றினை வென்றது), பத்து சாடில்லைட் விருதுகள் (அதில் ஐந்தினை வென்றது), ஒரு கிராமி விருது, ஒரு ஹாலிவுட் மியூசிக் இன் மீடியா விருதுகள் (வென்றது), நான்கு பீபிள்சு சாய்சு விருதுகள், ஒரு சுகிறீன் ஆக்டர்கள் கில்டு விருதுகள், மூன்று டோரியன் விருதுகள் (அதில் ஒன்றினை வென்றது), மற்றூம் ஒரு நிகலோடியன் சிறுவர்கள் தேர்வு விருதுகள் (வென்றது), பரிந்துரைக்கப்பட்டது. அமெரிக்கத் திரைப்பட நிறுவனத்தினால் 2021 இன் சிறந்த 10 திரைப்படங்களில் ஒன்றாக இத்திரைப்படம் அறிவிக்கப்பட்டது.
This article uses material from the Wikipedia தமிழ் article டூன்: பாகம் ஒன்று, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). வேறுவகையாகக் குறிப்பிடப்பட்டிருந்தாலன்றி இவ்வுள்ளடக்கம் CC BY-SA 4.0 இல் கீழ் கிடைக்கும். Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki தமிழ் (DUHOCTRUNGQUOC.VN) is an independent company and has no affiliation with Wiki Foundation.