Perangko
Perangko nyaéta tanda bukti pembayaran biaya ti kantor pos, biasana mangrupa kertas kotak persegi nu aya gambaran.
Sajarah
Rowland Hill lahir di Inggris, 3 Désémber 1975. Nalika umurna sabelas taun, manéhna geus mantuan bapana ngajar di sakola. Sanggeus dewasa, manéhna jadi guru. Bareng jeung salah saurang barayana, Hill ngadegkeun hiji sakola istimiwa di Bruce Castle di Tottenham. Hill ngaleukeunan pakasabanana henteu kurang ti lima belas jam sapoé, alatan éta kaséhatanana kaganggu.
Sanggeus cageur Rowland Hill henteu deui jadi guru jeung henteu terjun langsung di yayasan deui. Basa harita E.G. Wakerfield ngadegkeun hiji perkumpulan anu miboga tujuan pikeun muka jajahan di Australia Selatan ditarima ku parlemen, Hill diangkat jadi sekertaris. Hill ogé ngamangpaatkeun waktu luangna pikeun nyiptakeun mesin citak, tapi mesin citak timuanana henteu dipaké ku jalma réa sakumnana. Saterusna, Hill ngaleukeunan élmu administrasi sarta perpajakan, perpajakan ieu téa anu ngarojong muculna perangko.
Nalika Inggris ngembang jadi nagara industri taun 1830, transportasi ngalaman kamajuan, contona ku ayana jalur karéta api ti Kulon ka Wétan sarta ti Kalér ka Kidul. Dina waktu éta Majelis handap jeung Majelis Luhur dina parlemen méré hak ngirim surat gratis, teu kudu mayar. Hill nempo yén hal éta mangrupa hiji pemborosan anu ngarugikeun kas nagara. Hill saterusna mikir néangan cara sangkan meunangkeun duit pikeun kas karajaan ti pajeg pengiriman surat-surat. Pamustunganana Hill manggihan ideu pikeun nyieun perangko minangka biaya pengiriman. Perangko ciptaanana nyaéta Penny Black anu mangrupa perangko kahiji di dunya. Tuluy taun 1860, Hill ogé dipercaya minangka sekretaris Pausahaan Jawatan Pos anu mangsa harita mangrupa kalungguhan pangluhurna.
 | Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |
Rujukan
This article uses material from the Wikipedia Basa Sunda article Perangko, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Eusi nu nyangkaruk ditangtayungan ku CC BY-SA 4.0 iwal lamun disebutkeun béda. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Basa Sunda (DUHOCTRUNGQUOC.VN) is an independent company and has no affiliation with Wiki Foundation.