Risoles
Risoles ( rissole) nyaéta salah sahiji kuéh garing nu eusina daging jeung sayuran dibungkus dina hiji gulungan nu dijieun tina tipung roti jeung diolésan ku endog hayam meunang ngocok. Ieu kadaharan bisa ogé dipanggang dina open. Risoles nu ukuranana leutik bisa dipaké jadi hiasan keur kadaharan nu ukuranana gedé, saperti potongan daging hayam atawa daging sapi.
Eusi risoles bisa maké daging ayam, daging sapi, daging lauk, hurang, supa, wortel, kentang, atawa buncis. Adonan gulunganana dijieun tina campuran tipung tarigu, endog kokonéngna, mantega (margarin), jeung cai atawa susu. Risoles anu kawentar di Indonesia nyaéta risoles sayuran nu dicampur daging jeung risoles nu eusina ragout. Ieu kuéh wangunna segi panjang saperti amplop. Risoles segitilu téh umumna dieusian ragout. Risoles bisa didahar maké sambel suuk nu éncér, sambel botol, atawa bari ngageletuk céngék.
Kamekaran
Jaman baheula risoles disebut roinsolles, mimiti dipikawanoh dina abad ka-13. Harita, ieu kadaharan téh ukur panekuk anu digoréng ngagunakeun mantéga atawa gajih sapi. Ku kamekaran jaman, ieu kadaharan robah eusina ku daging sapi atawa hayam kalawan dicampur sayuran. Dina istilah kulinér Perancis, rissoler téh kecap pagawéan miboga harti jadi coklat. Rissoler pasti dibungkus ku hiji gulungan atawa nu sajinisna, biasana digoréng, tapi aya ogé nu digarang dina open. Rasa rissole bisa asin atawa amis. Rasa amis téh ku sabab dipurulukan ku gula tipung atawa selé bungbuahan.
Galéri
-
Risoles Eusi Sayuran -
Risoles Satengah Buleud. -
Risoles Amis Eusi Selé Bungbuahan. -
Risoles jadi Jajanan Pasar.
Referensi
This article uses material from the Wikipedia Basa Sunda article Risoles, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Eusi nu nyangkaruk ditangtayungan ku CC BY-SA 4.0 iwal lamun disebutkeun béda. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Basa Sunda (DUHOCTRUNGQUOC.VN) is an independent company and has no affiliation with Wiki Foundation.