چش
چش اتا عضو هسته آدم دیم دله که بدین وسه استفاده بونه.
چش سو ره گینه و وه ره شه عصبی سلول دله، الکتروشیمیایی پیام ره تبدیل کنه. ۹۶ درصد حیوونای چش خله دپت (پیچیده) هسته. ساده‌ترین چش ره میکروب دارنه که فقط چش ره کار زنه تا سو و ظلمات ره تشخیص هاده. دپت چشون بتوننه شکل و رنگ ره تشخیص هادن.
بدین
چش اون گدر که خوانه بوینه حرکت کنه. شیش‌تا عضله چش‌خنه دور درنه که وه ره حرکت هادن. اصلی‌ترین چیزی که بدین وسه امه چش خوانه سو هسته. سو اجسام عکس ره ایارنه امه چش دله. اولین لایه اسری هسه که سو ونه جا رد بیه رسنه قرنیه. قرنیه باعث بونه سو اتا جا جمع بوه. بعد سو زلالیه جا رد بونه رسنه ننی ره. عنبیه که چش رنگی قسمت هسته ننی ره وا کنه.بعد سو رسنه چش‌مییج (عدسی) ره. اشیا اگه دیر یا نزدیکی دبوشن چش‌مییج کلفتی عوض بونه. بعد سو رسنه زجاجیه. اونجه جا شونه شبکیه و آخر پیام درست بونه و عصب جا شونه مغز ور.
بن‌مایه
- ویکی‌پدیای همکاری‌کرون، «eye»، انگلیسی ویکی‌پدیا، آزاد دانشنومه (بازیابی ۲۳ خرداد ۱۳۹۸)
This article uses material from the Wikipedia مَزِروني article چش, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). محتوا جه تحت CC BY-SA 4.0 دسترسی دارنی، مگر اینکه خلافش ثابت بَواشه. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki مَزِروني (DUHOCTRUNGQUOC.VN) is an independent company and has no affiliation with Wiki Foundation.