Xhaferr bej Vila (Frashër, 1888/1889 - Formia, Itali 30 prill 1938) qe nëpunës i Perandorisë Osmane dhe më pas i Shqipërisë, ministër, dhe diplomat shqiptar.
Qe gjithashtu president i klubit të tenisit në Tiranë.
Xhaferr bej Vila | |
---|---|
Ministër i Punëve të Jashtme | |
Në detyrë 12 dhjetor, 1921 – 24 dhjetor, 1921 | |
Paraprirë nga | Fan Noli |
Pasuar nga | F. Noli |
Në detyrë 11 janar, 1933 – 16 tetor, 1935 | |
Paraprirë nga | Hysen bej Vrioni |
Pasuar nga | Fuat Asllani |
Të dhëna vetjake | |
U lind më | 1888/1889 Frashër, Perandoria Osmane |
Vdiq më | 30 prill, 1938 Formia, Itali |
Nënshtetësia | Shqiptar |
Punësimi | nëpunës, diplomat karriere |
Leu në Frashër të Përmetit më 1888 ose më 1889 në derën e Vilakëve, i biri i Tefik beut.
Kreu idadinë në Përmet dhe ruzhdijen në Janinë. Më 1911 u diplomua në shkollën e lartë administrative të Stambollit, "Mylkie". Dinte shqip, turqisht, greqisht dhe frëngjisht. Më 1911 nis stazhin në Ministrinë e Financave të Perandorisë, më pas kaloi në Ministrinë e Punëve të Jashtme, ku punoi gjer më 1921.
Me gjasë prej thirrjes së kunatit, Sulejman Delvinës, u kthye në Shqipëri për të kontribuar në hapat e para të administratës. Emërohet sekretar i parë i Ministrisë së Punëve të Jashtme në dhjetor të 1921 dhe në qeverinë jetëshkurtër të Idhomene Kosturit mbajti postin e ministrit të Punëve të Jashtme. Nga viti 1922 dhe deri më 1929 qe sekretar i përgjithshëm i po kësaj ministrie.
Më 1924 është anëtar i komisionit kundër burokracisë. Më 1929 - 1932 ministër i Shqipërisë në Beograd dhe ministër joqendërues në Bukuresht. Më 1932 - 1933 do të shërbente si ministër i Shqipërisë në kryeqytetin e Greqisë. U rikthye në postin e ministrit të Punëve të Jashtme në qeverinë Evangjeli, 1933-1935. Misioni i tij i fundit diplomatik do të ishte si ministër i Shqipërisë në Romë, 1935-1938.
Vdiq aksidentalisht më 30 prill 1938, ngase avioni me të cilin po kthehej në Romë pas dasmës së Mbretit Zog, u rrëzua.
This article uses material from the Wikipedia Shqip article Xhaferr bej Vila, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Përmbajtja është në disponim nëpërmjet licencës CC BY-SA 4.0 nëse nuk shënohet ndryshe. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Shqip (DUHOCTRUNGQUOC.VN) is an independent company and has no affiliation with Wiki Foundation.