Vendkalimi kufitar Bërnjak është një vendkalimi kufitar mes Kosovës dhe Serbisë që ndodhet në fshatin Bërnjak të Komunës së Zubin Potokut.
Vendkalimi kufitar ndodhet në luginën e Ibrit, jo larg Liqenit të Ujmanit, në rrugën që lidh Mitrovicën me komunën e Tutinit dhe Novi Pazarit në Sanxhak / Serbinë jugperëndimore. Në Kosovë rruga quhet M-2, ndërsa në Serbi Rruga Federale 31.
Vendkalimi kufitar mban emrin e fshatit Bërnjak, i cili shtrihet pak më në perëndim në anën tjetër të liqenit dhe i përket komunës së Zubin Potokut në veri të Kosovës, i cili është i banuar kryesisht nga serbët. Vetë fshati mund të arrihet përmes një ure mbi liqen, e cila është rreth një kilometër më në veri dhe lidh bregun kosovar me bregun serb.
Në korrik të vitit 2011, si pjesë e një mosmarrëveshjeje doganore ndërmjet Kosovës dhe Serbisë, qeveria e Kosovës mori nën kontroll pikat kufitare Bërnjak dhe Jarinje në veri të Kosovës. Në mbrëmjen e datës 26 korrik, dhuna u përshkallëzua dhe një turmë e zemëruar e serbëve nacionalistë dhunshëm u vunë flakën dy pikave kufitare. Pas intervenimit të KFOR-it, ata mundën ta qetësonin situatën, por ajo mbeti e brishtë.
Që nga dhjetori i vitit 2012, pikat kufitare Bërnjak dhe Konçul, Merdare dhe Jarinje menaxhohen nga Policia e Kosovës, Misioni i Bashkimit Evropian për Sundimin e Ligjit në Kosovë (EULEX) dhe Policia e Serbisë në anën tjetër.
This article uses material from the Wikipedia Shqip article Vendkalimi kufitar Bërnjak, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Përmbajtja është në disponim nëpërmjet licencës CC BY-SA 4.0 nëse nuk shënohet ndryshe. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Shqip (DUHOCTRUNGQUOC.VN) is an independent company and has no affiliation with Wiki Foundation.