Universiteti Mesjetar i Durrësit i njohur edhe si Universiteti i Dyrrachiumit (Latin: Universitas studiorum Dyrrhachium) ka qenë një shkollë e lartë teologjike mesjetare, i çelur nga murgjit e Urdhërit Domenikan në qytetin e Durrësit, Republika e Venedikut.
Sipas historianit zëmadh frëng Alain Ducellier, Durrësi kishte së paku që më 1272 që qeverisej nga statutet e veta. Duke qenë që në shekullin e XIII qendër e një vikarie të provincës hungareze të Urdhërit Domenikan, Duracena. Më 1380 vikaria e Dalmacisë u bë provincë më vete, pjesë e së cilës u bë vikaria e Durrësit, ku domenikanët çelën një kuvend kushtuar shenjtit pajtor të urdhërit Shën Domenikut, i cili u bë një nga dy qendrat e rëndësishme shpirtërore dhe kulturore të provincës domenikane.
Sipas dokumenteve të shekullit XVII, tregohet se studium generale i provincës domenikane të Dalmacisë kishte qenë në Durrës. U themelua me gjasa pasi u dekretuan kapitujt e urdhërit që të hapej nga një shkollë e lartë për çdo provincë, mes viteve 1302 dhe 1305. Njoftohet se veprimtarinë e vet, për shkak të zgjërimit osman, e vijoi në Zarë të Dalmacisë (Universitas Jadertina), ku rektor i parë i saj më 14 qershor 1396 u bë Gjon Durrsaku.
This article uses material from the Wikipedia Shqip article Universiteti Mesjetar i Durrësit, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Përmbajtja është në disponim nëpërmjet licencës CC BY-SA 4.0 nëse nuk shënohet ndryshe. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Shqip (DUHOCTRUNGQUOC.VN) is an independent company and has no affiliation with Wiki Foundation.