Tony Gatlif

Gatlif ka lindur në Algjeri me prejardhje nga Pied noir. Pas fëmijërisë së tij atje, Gatlif mbërriti në Francë në vitin 1960 pas Luftës Algjeriane për Pavarësi.

Gatlif luftoi për vite të tëra për të depërtuar në industrinë e filmit, duke luajtur në disa produksione teatrale derisa drejtoi filmin e tij të parë, La Tête en ruine, në 1975. Ai e ndoqi atë me La Terre au ventre të vitit 1979, një histori e Luftës Algjeriane për Pavarësi.

Që nga filmi i vitit 1981 Corre, gitano, puna e Gatlifit është fokusuar te populli rom i Evropës, nga të cilët ai pjesërisht e ka origjinën e tij.

Pasi bëri Gaspard et Robinson në vitin 1990, Gatlif kaloi 1992 dhe 1993 duke xhiruar Latcho Drom, i cili u nderua me çmime të shumta. Ky film muzikor me metrazh të gjatë, shpesh i emërtuar gabimisht si dokumentar, trajton kulturën e ciganëve në të gjithë botën rreth temës së muzikës dhe kërcimit të tyre. Për Vincent Ostria, atëherë gazetar në Cahiers du Cinéma, ishte "filmi më i vërtetë i vitit (shënimi i redaktorit të 1993). Një vit më vonë, Gatlif solli në ekran botën e autorit JMG Le Clézio në Mondo (1994).

Filmi i tij Exils i vitit 2004, fitoi çmimin për regjisorin më të mirë në Festivalin e Filmit në Kanë 2004. Filmi i tij Transilvania u shfaq gjithashtu premierë në Kanë në maj 2006.

Skenarist

• La Rage au poing (1975)

Regjisor dhe skenarist

• La Tête en ruine (1975)
• La Terre au ventre (1978)
• Corre gitano (1981)
• Canta gitano (1981)
• Les Princes (1982)
• Rue du départ (1985)
• Pleure pas my love (1989)
• Gaspard et Robinson (1990)
• Latcho Drom (1993)
• Mondo (1995)
• Gadjo dilo (1997)
• Je suis né d'une cigogne (1998)
• Vengo (2000)
• Swing (2001)
• Exils (2004)
• Transylvania (2006)
• Korkoro (2009)
• Indignados (2012)
• Geronimo (2014)
• Djam (2017)
• Tom Medina (2021)

• Ky artikull bazohet në një përkthim të artikullit përkatës nga Wikipedia franceze, marrë më 17 korrik 2005.

• Tony Gatlif tek IMDb
• Intervistë (në frëngjisht) Arkivuar 4 shtator 2010 tek Wayback Machine