Targat E Automjeteve Të Bashkimit Evropian

• ato kanë një shirit blu në të majtë të targës, në të cilin ndodhet flamuri i BE me 12 yje dhe sigla ndërkombëtare në të cilin automjeti është regjistruar.
• kanë një format standart si ato të cilat kanë fushë të bardhë, si ato të cilat janë me fushë të verdhë, gërmat i kanë në ngjyrë të zezë. Targat me fushë të verdhë përdoren në, Holandë, Luksemburg, Britani e Madhe edhe (Francë deri në vitin 2009), përdorin targa të verdha vetëm atë të pasme, ndërsa ato përpara janë të bardha. Luksemburgu, Britania e Madhe edhe Franca përdorin gjithashtu targa plastike, ndryshe nga vëndet e tjera të BE të cilat përdorin targa metalike.

Përpara se targat të kishin një format të përbashkët, automjetet që udhëtonin në shtete të huaja duhet të kishin në pjesën e pasme të autmojetit shenjën ovale me siglën ndërkombëtare të shtetit përkatës. Por tani nuk është më e nevojshme me formatin e ri të targave.

• Suedia, Finlanda, Lituania dhe Belgjika përdorin kombinacionin e tre gërmave dhe tre shifrave (Belgjika përdor gërma me ngjyrë të kuqe ne fushë të bardhë).
• Danimarka përdor kombinacionin e dy gërmave dhe pesë shifrave, janë të ngjashme me targat e Norvegjisë shtet jo anëtar i BE, por targat daneze kanë një kontur të kuq, dhe me ligj shtetet përkatëse duhet të vendosin siglat ndërkombëtare.
• Franca që prej vitit 2009 përdor një format të ri targash shembull AA 123 AA i ngashëm me atë të Italisë e cila e përdor që prej vitit 1994.
• Shqipëria megjithëse nuk është shtet anëtar i BE, i ka formatizuar targat me sistemin e BE-së dhe prej janarit 2011 përdor formatin e ri të targave të ngjashëm me atë francez e italian.