Nënprefektura E Ulqinit

Pas kapitullimit të Mbretërisë së Jugosllavisë në vitin 1941, Ulqini ishte nën pushtimine Forcave të Armatosura të Mbretërisë së Italisë. Vittorio Emanuele III, Mbret i Italisë e Shqipërisë dhe Perandor i Etiopisë, më 12 gusht 1941, nënshkroi dekretin për kufijtë e rinj të Mbretërisë Shqiptare. Me këtë dekret Ulqini u bë pjesë e e Tokave të Liruara të Mbretërisë Shqiptare. Sipas Dekretit Mëkëmbësor Nr. 166 të vitit 1942, Nënprefektura e Ulqinit, me qendër në Ulqin, i bashkohet Prefekturës së Shkodrës.

Më 7 nëntor 1943, Ulqini u bombardua nga forcat aleate.

Nënprefektët

Nënprefektët e Ulqinit ishin:

• Jahje Baçe, 1942 – 1943
• Luigj Lufi, 1943 – 1943
• Etëhem Rrema, 1943 – 1944
• Januz Sadiku, 1944

Nënprefektura ndahej në një bashki dhe katër komuna:

• Bashkia e Ulqinit
• Komuna e Qendrës Ulqin
• Komuna e Katërkollit
• Komuna e Krajës
• Komuna e Merkotit

Lagjet dhe fshatrat

Nënprefektura e Ulqinit përfshinte 5 lagje dhe 53 vendbanime:

• Bashkia e Ulqinit përfshinte qytetin e Ulqinit, ku bënin pjesë lagjet: Lagjja e Re, Meteriz, Kala, Ranë dhe Mera.
• Komuna e Qendrës përfshinte fshatrat: Braticë e Sipërme, Braticë e Poshtme, Krythë, Kruç, Salç, Kullomz, Mozhurë, Pistull, Zoganj, Mal i Brijës, Darzë, Qyrkanj, Shëngjergj, Reç, Shtoj i Sipërm dhe Shtoj i Poshtëm.
• Komuna e Katërkollit përfshinte fshatrat: Katërkollë, Amull, Këllezën e Poshtme, Këllezën e Sipërme, Shas, Brajshë, Krythë, Leskoc, Megjureç, Kaliman, Millë, Bojk, Kosiq, Sukobinë, Kravar, Rastish, Draginë, Lisën-Borë, Fraskanjell, dhe Shtodër.
• Komuna e Krajës përfshinte fshatrat:Ostros i Madh, Ostros i Vogël, Martiq, Skje, Arbnesh, Kështenjë, Ftjan dhe Bobosht.
• Komuna e Merkotit përfshinte fshatrat: Peçuricë, Goranë e Vogël, Goranë e Madhe, Kunjë, Gërdov, Velesello, Dabezi, Pelikë dhe Dobrovodë.

Nënprefektura e Ulqinit kishte 18,739 banorë sipas regjistrimi të popullsisë të mbajtur në pranverë të vitit 1943.

Feja

Në vitin 1943, në Nënprefekturën e Ulqinit vepronin 78 klerikë, nga të cilët 71 myslimanë, 5 katolikë dhe dy ortodoksë. Myfti i Ulqinit ishte hafiz Hasan Llunji, ndërsa Famullitar i Ulqinit ishte imzot Nikollë Tusha.

• Prefekturat e Shqipërisë