Medreseja E Madhe E Shkupit

Shumica e studentëve të këtij institucioni arsimor dhe edukativ fetar ishin nga rrethi i Maqedonisë, Kosovës, Sanxhaku, Mali i Zi dhe Bosnje-Hercegovina.

Deri në vitin 1927 në territorin aktual të Kosovës me rrethinë kishte 73 shkolla të mesme fetare myslimane të drejtuara nga individë privatë. Pas reformës arsimore, ato mbeten 5: pra vetëm nga 1 në Prizren, Tetovë, Manastir, Plevël dhe Shkup. Prej tyre, 4 të parat mbeten private ndërsa vetëm në qytetin e Shkupit vazhdoi të ishte publike. Të diplomuarit e kësaj shkolle kishin të drejtë që të punojnë vetëm si zyrtarë të ulët fetarë. Të diplomuarit e Medresesë Shtetërore në Shkup, megjithatë, kishin të drejtë të vazhdojnë shkollimin e tyre edhe në institucione tjera të arsimit të lartë.

Dekreti për themelimin e Medresesë së Madhe në Shkup, daton më 28 prill të vitit 1924 ndërsa në vitin 1925, në këtë shkollë u regjistruan 58 studentë. Viti i parë shkollor (me klasa mësimore) është viti 1925/1926.

Sipas planprogramit, kishte 28 lëndë mësimore në medrese, 9 prej të cilave kishin të bëjnë me Islamin. Në fillim të viteve '30, u regjistruan 25 studentë të mbështetur nga shteti dhe 25 të tjerë. Në vitin 1936 shkolla u shndërrua në një shkollë të mesme, dhe në vitin 1940 në shkollë të mesme publike, ku mësohej islami, gjuha arabe dhe gjuha turke, ndër lëndët e tjera.

Nga viti 1926 deri më 1941, 269 studentë u larguan ose u dëbuan nga shkolla. Shkolla u mbyll në vitin 1941.

• Shkolla normale
• Arsimi në Maqedoninë e Veriut
• Shkolla Normale Darulmualimin e Shkupit
• Edukimi dhe arsimi në Perandorinë Osmane
• Shkolla Normale "Zef Lush Marku" në Shkup