Lokaliteti arkeologjik Livadhi i Vitoshit është një lokacion arkeologjik që ndodhet në fshatin Kullë të Komunës së Vushtrrisë.
Në perëndim të fshatit Kullë, një terracë e butë me zbritje të lehtë në drejtim të anës veriore njihet me emrin ‘Livadhi i Vitoshit’. Lokacioni është i rrethuar me ambient bujqësor dhe blegtoral, terraca në lindje kufizohet me kodra të ulëta të ‘Zabelit të Nebihut’, në jug me ‘Shpatin e Thatë’ të rrëzëmaleve të Qyqavicës, kurse në veriperëndim hapet peisazhi i terracave të buta dhe fushave me tokë pune.
Rrëzë anës verilindore rrjedhë një përrua i cekët i cili buron në malet e Qyqavicës. Livadhi i Vitoshit ruan gjurmët e një vendbanimi në një sipërfaqe rreth 0.80ha, të përfaqesuara në radhë të parë, nga tjegulla kaliptere, e së dyti, nga fragmente të pakta të qeramikës të enëve të kuzhinës që janë atipike dhe kronologjikisht të pahetueshme. Gjetjet e tjegullave, në veçanti, gjenden të koncentuara në një sipërfaqe rreth 0.30ha, në juglindje të tarracës. Nga gjetja e tjegllave të tipit kalipter mund të nxirren përfundime të qarta për një qendër, vendbanim të vogël nga epoka e antikitetit.
This article uses material from the Wikipedia Shqip article Lokaliteti arkeologjik Livadhi i Vitoshit, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Përmbajtja është në disponim nëpërmjet licencës CC BY-SA 4.0 nëse nuk shënohet ndryshe. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Shqip (DUHOCTRUNGQUOC.VN) is an independent company and has no affiliation with Wiki Foundation.