Gjashtë krojet apo Krojet topokli janë një monument i trashëgimisë kulturore që gjenden në hyrje të Kompleksit të Mahallës së Marashit në Prizren.
Gjashtë krojet janë ndër objektet kulturore më me rëndësi në Prizren. Këto kroje gjinden në hyrje të lagjes së Marashit, përballë shtëpisë së Ymer Qysesë. Gjithësej ka gjashtë cepa të punuar në bronz, dhe një vaskë prej guri. Nuk dihet saktësisht, se kur është ndërtuar, por gjykuar nga mënyra e punimit mendohet që egzistonin edhe para ardhjes së Perandorisë Osmane në trojet tona. Këto kroje vizitohen nga shumë njerëz, madje edhe uji që rrjedhë aty, konsiderohet se është shumë shërues. Qytetarë të asaj lagje thonë se uji i gjashtë krojeve shëron shumë sëmundje: dhimbjet e kokës, sëmundjet reumatologjike etj. Në vitin 1994, janë restauruar këto kroje, duke e kthyer këtë pjesë të vendit në një vend mahnitës për shumë vizitorë.
This article uses material from the Wikipedia Shqip article Gjashtë Krojet, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Përmbajtja është në disponim nëpërmjet licencës CC BY-SA 4.0 nëse nuk shënohet ndryshe. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Shqip (DUHOCTRUNGQUOC.VN) is an independent company and has no affiliation with Wiki Foundation.