Instituti I Teknologjisë Karlsruhe

Instituti është një qendër kombëtare kërkimore e Shoqatës Helmholtz .

KIT u krijua në vitin 2009 kur Universiteti i Karlsruhes ( Universität Karlsruhe ), i themeluar në 1825 si një universitet kërkimor publik dhe i njohur gjithashtu si "Fridericiana", i bashkuar me Qendrën Kërkimore të Karlsruhes ( Forschungszentrum Karlsruhe ), e cila fillimisht ishte krijuar në 1956 si një qendër kombëtare kërkimore bërthamore ( Kernforschungszentrum Karlsruhe, ose KfK). KIT është kështu institucioni i parë dhe i vetëm në Gjermani që kapërceu ndarjen e peizazhit shkencor dhe kërkimor gjerman në institucione akademike dhe joakademike në formën e bashkimit të dy llojeve të ndryshme të institucioneve.

KIT është anëtar i TU9, një shoqëri e inkorporuar e instituteve më të mëdha dhe më të shquara gjermane të teknologjisë. Si pjesë e Iniciativës së Përsosmërisë së Universiteteve Gjermane KIT ishte një nga tre universitetet që iu dha statusi i ekselencës në vitin 2006. Në vijim "Strategjia Gjermane e Ekselencës" KIT u vlerësua si një nga njëmbëdhjetë "Universitetet e Ekselencës" në 2019.

Në pjesën universitare të KIT-it të sotëm, inxhinieria mekanike e bazuar në shkencë u themelua në mesin e shekullit të 19-të nën drejtimin e Ferdinand Redtenbacher, i cili ndikoi në themelimin e universiteteve të tjera teknike, si ETH Zurich në 1855. Në KIT ndodhet fakulteti i parë gjerman për shkenca kompjuterike në i krijuar në 1972. Më 2 gusht 1984, universiteti mori e-mailin e parë ne botë me drejtim Gjermaninë.

Alumni i KIT përfshijnë gjashtë laureatë të çmimit Nobel dhe nëntë fitues të çmimit Leibniz . Instituti i Teknologjisë i Karlsruhes është i njohur për shumë shpikës dhe sipërmarrës që kanë studiuar ose dhënë mësim atje, duke përfshirë Heinrich Hertz, Karl Friedrich Benz dhe themeluesit e SAP SE .

Burime