Ibën Tufejl

Si filozof dhe romancier, ai është më i famshëm për shkrimin e romanit të parë filozofik, Hajj ibn Jakdhan. Si mjek, ai ishte një mbështetës i hershëm i diseksionit dhe autopsisë, gjë që u shpreh në romanin e tij.

I lindur në Guadix, afër Granadës, ai u arsimua nga Ibn Baxhe (Avempace). Familja e tij ishte nga fisi arab Kajs. Ai ishte sekretar për disa udhëheqës, duke përfshirë sundimtarët e Seutës dhe Tangierit, në vitin 1154. Ai gjithashtu shërbeu si sekretar për sundimtarin e Granadës, dhe më vonë si vezir dhe mjek i Ebu Jakub Jusufit, kalifit Almohad, të cilin ai e rekomandoi Ibn Rushdin (Averroës) si pasardhësin e tij të ardhshëm në 1169..

Ibn Rushdi u bë pasardhësi i Ibn Tufejlit pasi ai doli në pension në 1182; Ibn Tufejli vdiq disa vjet më vonë në Maroku në 1185. Astronomi Nur ed-Din el-Bitruxhi ishte gjithashtu një dishepull i Ibn Tufejlit. El-Bitruxhi u ndikua prej tij për të ndjekur sistemin aristotelian të astronomisë, pasi ai fillimisht kishte ndjekur sistemin e astronomisë ptolemeike.

Puna e tij në astronomi ishte historikisht e rëndësishme pasi ai luajti një rol të madh në përmbysjen e ideve ptolemaike mbi astronominë. Kjo ngjarje në histori quhet "Revolta Andaluziane", ku ai ndikoi që shumë njerëz, përfshirë el-Bitruxhi, të braktisnin idetë ptolemaike.

Shumë filozofë, shkrimtarë, mjekë dhe astronomë islamikë janë ndikuar nga Ibn Tufejli dhe vepra e tij. Këta njerëz përfshijnë Nur Nur ed-Din el-Bitruxhi, Ebu Abdullah Muhamed b. el-Abbar, Abd el-Vahid el-Marrakushi, Ahmed Muhammed el-Makkari dhe Ibn el-Hatibi.