Hazir Mehmeti u lind në fshatin Besnik (Beçiq), Kosovë, në vitin 1952.
Shkollën fillore e mbaroi në vendlindje, Gjimnazin në Mitrovicë. Hazir Mehmeti mbaron studimet mbi Shkencat Natyrore në Universitetin e Prishtinës. Ai punon profesor në gjimnazet Skenderaj, Drenas dhe Vushtrri ku gjithashtu ishte Këshilltar Pedagogjik në Vushtrri.
Në Austri atij i njihet statuti i të përndjekurit politik në vitin 1996. Krahas punës së tij si mësues në shkolla të ndryshme të Vjenës, ai ishte i suksesshëm në publicistik. Hazir Mehmeti është anëtar i Asociacionit Ndërkombëtar të Gazetarëve e Fotografëve, Lidhjes së Shkrimtarëve Shqiptarë në Austri “Aleksandër Moisiu”, Shoqatës së Shkrimtarëve dhe Krijuesve Shqiptarë në Diasporë me seli në Gjermani, P.E.N. – Klubit në Austri.
Ai është gjithashtu bashkëpunëtor i disa gazetave e revistave në gjithë Europën: Fakti Ditor, albinfo.ch, në Zvicër, Dielli Demokristian në Vjenë, Nacional në Tiranë, Zemra Shqiptare, Besa në Stockholm, albaniapress.com në Londër, Pashtriku.org në Gjermani, URA- gazeta për fëmijë për diasporë në Prishtinë, gazeta Mësuesi në Tiranë. Gazeta Dielli në Boston, SHBA, si dhe gazetar nga Vjena në Radio Dukagjini.
Hazir Mehmeti është përgjegjës për botimin e materialeve mësimore në gjuhën shqipe pranë Ministrisë së Arsimit, si dhe autor i materialeve didaktike e mësimore në Austri.
Ai ka botuar në gazeta qindra artikuj, mes tyre reportazhe dhe analiza.
This article uses material from the Wikipedia Shqip article Hazir Mehmeti, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Përmbajtja është në disponim nëpërmjet licencës CC BY-SA 4.0 nëse nuk shënohet ndryshe. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Shqip (DUHOCTRUNGQUOC.VN) is an independent company and has no affiliation with Wiki Foundation.