Hapësira hulumtuese evropiane (HHE), (European Research Area (ERA), në anglisht) është një sistem i programeve hulumtuese shkencore që i integron resurset hulumtuese të Bashkimit Evropian (BE-së).
Që nga krijimi i saj në vitin 2000, kjo strukturë është koncentruar në bashkëpunimin multi-nacionale në fushat e hulumtimit në mjekësi, mjedisin jetësor, industrial dhe socio-ekonomik. HHE-ja mund të konsiderohet si ekuivalente për hulumtim dhe inovacion, ngjashëm sikurse "tregu i përbashkët" i Bashkimit Evropian për mallra dhe shërbime. Qëllimi i saj është të rritet konkurrenca e institucioneve hulumtuese evropiane duke i bashkuar ato dhe duke inkurajuar një mënyrë më inkluzive të punës, të ngjashme me atë që tashmë ekziston ndërmjet institucioneve në Amerikën Veriore dhe në Japoni. Qëllimet e kryesore të HHE-së janë rritja e mobilitetit të punëtorëve të dijes dhe thellimi i bashkëpunimit multilateral ndërmjet institucioneve hulumtuese të vendeve anëtare të Bashkimit Evropian.
Në seksionin 1 të nenit 179 të Marrëveshjes për funksionimin e Bashkimit Evropian thuhet:
Bashkimi Evropian duhet ta ketë për qëllim përfrocimin e bazës së tij shkencore dhe teknologjike duke krijuar një hapësirë hulumtuese evropiane në të cilën hulumtuesit, dija shkencore dhe teknologjia do të lëvizin lirshëm, dhe duke e inkurajuar atë të bëhet më konkurruese, duke e përfshirë edhe industrinë e saj, njëkohësisht duke i promovouar të gjitha aktivitetet hulumtuese që konsiderohen të nevojshme në bazë të Kapitujve dhe Marrëveshjeve të tjera.
This article uses material from the Wikipedia Shqip article Hapësira hulumtuese evropiane, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Përmbajtja është në disponim nëpërmjet licencës CC BY-SA 4.0 nëse nuk shënohet ndryshe. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Shqip (DUHOCTRUNGQUOC.VN) is an independent company and has no affiliation with Wiki Foundation.