A.c. Cesena

Cesena

Emri i plotë	Associazione Calcio Cesena S.p.A.
Pseudonimi(et)	I Cavallucci Marini I Bianconeri
Themeluar	1940; 84 vite më parë (1940)
Tretur	2018
Stadiumi	Stadio Dino Manuzzi, Cesena, Itali
Kapaciteti	23,900
Faqja zyrtare	Faqja zyrtare e klubit
Ngjyra shtëpi Ngjyra jashtë Ngjyra e tretë

Klubi u themelua në vitin 1940 dhe fitoi ngjitjen e parë në Serie A në vitin 1973. Që nga ajo kohë, klubi ka qënë në Serie A për 11 sezone të tjera, duke arritur pozicionin më të mirë në vitin 1976 duke e përfunduar në vendin e gjashtë, gjë që bëri që luante për pak kohë në Kupën UEFA në sezonin e ardhshëm. Tre ngjitjet e tjera në Serie A janë arkivuar në vitet 1981, 1987 dhe 2010, kjo e fundit u arrit pas dy ngjitjeve rresht – nga liga e tretë (Lega Pro) në vitin 2009 dhe nga Serie B në vitin 2010, duke i fituar të dyja ligat në ndeshjen e fundit të sezonit. Ata aktualisht luajn në Serie A, duke u ngjitur pas sezonit 2013–14.

Themeluar në vitin 1940, Cesena arriti Serinë B në vitin 1968 dhe u ngjitën në Serinë A për herë të parë në vitin 1973. Me lojtarë si Pierluigi Cera dhe Gianluigi Savoldi, klubi mbijetoi duke përfunduar në një vend të respektueshëm të 11-të në sezonin e saj debutues, duke e përsëritur këtë rezultat edhe në sezonin e ardhshëm. Në sezonin 1975–76, Cesena surprizoi Italinë duke e mbyllur sezonin në vendin e gjashtë duke u kualifikuar edhe për në Kupën UEFA. Lavdia nuk ishte e gjatë pasi klubi u rrëzua një ligë më poshtë në seezonin e ardhshëm.

Ngjitja e dytë në Serie A erdhi me një vend të dhjetë në vitin 1981 duke e pasur me një rënje tjetër në vitin 1983, duke qëndruar në Serie B për katër vite. Pasi fitoi play-off'et, ata u rikthyen sërisht në Serie A për sezonin 1987–88 duke qëndruar për katër vite rresht, duke qenë i ngurtë mjaftueshëm për të shmangur rënjen nga liga në këtë kohë.

Pas rënjes në vitin 1991, Cesena pati një tjetër mundësi për t'u rikthyer në Serie A në vitin 1994. Me lojtarë si Alessandro Teodorani, Emiliano Salvetti, Luigi Piangerelli, Aldo Dolcetti dhe Dario Hübner, skuadra kishte aftësi të konsiderueshme. Ata e përfunduan sezonin me pikë të barabarta me Padovën, megjithatë, ata humbën play-off'in e ngjitjes e cila ishte një goditje e rëndë për klubin, që do të pësonte rënjen në Serie C1 në vitin 1987. Përderisa ngjitja u pasua, një ndeshje play-off rënjeje kundër Pistoiese në vitin 2000, klubi do të qëndronte edhe katër vite të tjera në këtë ligë.

Në 2005–06 Serie B, Cesena në mënyrë surprizuese u shfaq si pretendentë për t'u ngjitur në Serie A, duke e mbyllur në vendin e gjashtë dhe duke fituar ndeshjet play-off të ngjitjes. Ata i shpëtuan rënjes në sezonin e ardhshëm, por ranë në sezonin 2007–08.

Fushata e parë e Cesenës në Serie C1, tani e riquajtur Lega Pro Prima Divisione, filloi me ish shefin e Foligno, Pierpaolo Bisoli, i cili ishte trajneri i ri i skuadrës. Gjatë sezonit, Cesena shpejt u shfaq si pretendente për të fituar ngjitjen direkt, duke arritur t'a marrë vendin e parë në ligë në javën e 33-të, me vetëm një ndeshje të mbetur dhe me dy pikë para vendit të dytë të mbajtur nga sfiduesit e Pro Patria. Në ndeshjen e javës së fundit të sezonit, Cesena barazoi pa gola kundër Veronës kurse rivalët e Pro Patria barazuan me të njëjtin rezultat kundër Padovës, duke i dhënë bardhezinjëve titullin dhe ngjitjen e menjëhershme në Serie B, pas vetëm një sezoni në ligën e tretë italiane. Cesena ishte e treta në raundin e 33-të në sezonin 2009–10, vetëm një pikë mbrapa Bresciës. Klubi fitoi ngjitjen e dytë rresht pas një fitoreje 1–0 kundër Piacenza dhe pas humbjes së Brescias 2–1 kundër Padovës më 30 maj 2010, duke përfunduar 19 vitet e mungesës në Serie A. Pas sezonit 2011–12, Cesena u rrëzua sërisht për në Serie B.

Që pas rrëzimit Cesena rregulloi financat e saj, me kompaninë e cila u bashkua me kompaninë ndërmjetëse Cesena 1940 Srl në dhjetor 2012. Kompania mbajti 98,23% të aksioneve të AC Cesena SpA. Pas bashkimit, një tjetër kompani e ndërmjetshme u bashkua, Opera Cesena Calcio Srl e përfaqsuar nga Igor Campedelli, i cili më parë zotëronte 65.03% të aksioneve të Cesena 1940 Srl, duke i shitur 27.6% të aksioneve te GMG Srl, e cila drejtohej nga Giorgio Lugaresi, i cili tashmë zotëronte 30.06% të aksioneve të Cesena 1940 Srl përpara se të ndodhte bashkimi. Më 24 prill 2013, Giorgio Lugaresi u ri-zgjodh si presidenti i A.C. Cesena SpA. Pas transaksioneve klubi rikapitulloi për të shmangur falimentimin, me GMG Srl që nëpërmjet degës Cesena & Co. Scarl, kishte 9,499,000 nga 9,500,000 aksionet e Cesenës (99.9895%) deri më 31 mars 2014. Në shkurt 2014, Cesena ishte nën hetim penal për mashtrim gjatë epokës së Campedellit. Ai u pezullua për gjashtë muaj nga Federata Italiane e Futbollit.

Pavarësisht vështirsive financiare, Cesena fitoi edhe njëherë ngjitjen në Serie A më 18 qershor 2014, duke fituar në play-off kundër Latinës me rezultatin e përgjithshëm 4–2. Në atë ndeshje, shumica e lojtarëve (12 nga 20) ishin në huazim nga klubet e tjera, me vetëm katër lojtarë titullar ishin nën kontratë nga Cesena (Renzetti, De Feudis, Garritano dhe Defrel) dhe katër lojtarë në stol (Alberto Iglio, Consolini, Rodríguez dhe Succi).

Ngjyrat e klubit janë e zeza dhe e bardha.

• Serie B:
  • Ndjekës (3): 1972–73, 1981–82 (Ndarë me Genoan), 2009–10
  • Fitues të Play-off (2): 1986–87, 2013–14
• Serie C/Serie C1/Lega Pro:
  • Fitues (3): 1967–68, 1997–98, 2008–09
  • Fitues të Play-off (1): 2003–04
• Coppa Italia Serie C:
  • Fitues (1): 2003–04
  • Finalist (1): 1997–98
• Prima Divisione:
  • Fitues (1): 1940–41
• Serie D:
  • Fitues (1): 1959–60
• Promozione Regionale:
  • Fitues (2): 1952–53, 1956–57

Numrat e pensionuar

Nr.	Lojtari	Kombësia	Pozicioni	Arsyeja	Ref
12	Tifosi	Italia	Anjë	E rezervuar për mbështetësit e Cesenës
21	Paolo Martelli	Italia	Mbrojtës	Në nderim të tij. Vdiq në një aksident me makinë më 12 prill 1999

Kjo është një listë e lojtarëve të përfshirë që kanë marrë thirrje dhe kanë luajtur me kombëtaren gjatë kohës që kanë qënë pjesë e klubit, kanë bërë kontribute specifike në termat e paraqitjeve dhe golave gjatë kohës që kanë qënë pjesë e skuadrës, i kanë bërë kontribute specifike sportit para se të bashkoheshin me klubin, ose pasi e kanë lënë. Lista nuk është plotësisht se plotësuar, shtesa dhe përpunimet do të vazhdojnë të bëhen me kalimin e kohës.

• Uebfaqja zyrtare Stampa:It