Euroop parlament teikkâ epivirgálávt europarlament (uánádâs EP) lii ohtâ Euroop union laavâasâttemorgaanijn já ohtâ union čiččâm toimâorgaanist.
Parlamentist láá laavâasâttem-, kocceem- já budjetovdâsvástádâsah. Tot västid oovtâst Euroop rääđist čokkâneijee EU-enâmij haldâttuvâi ovdâsteijeigijn EU laavâasâttem tuhhitmist. Euroop parlament já Euroop rääđi kolgâv peessâđ ovtuáivilân EU jyehi-ihásii budjetist.
Ive 1979 rääjist Euroop parlament jesâneh ađai mepeh (MEP) láá väljejum njuolgâ vaaljâigijn, moh uárnejuvvojeh jyehi viiđâd ive. Tast maŋa ko Ovtâstum kunâgâskodde vuolgij Euroop unionist kuovâmáánu 1. peeivi 2020, Euroop parlamentist láá lamaš 705 jesânid. Täin Suomâst láá tääl valjimnáál 14 jesânid.
Čohčâmáánust 2023 parlament tuhhiittij rääđi iävuttâs 720 jesânist ive 2024 europarlamentvaaljâin rääjist. Talle Suomâst láá valjimnáál 15 jesânid.
Parlament jesâneh koceh EU toimâorgaanij já eromâšávt tooimânpieijâmvääldi kevttee Euroop komissio tooimâ.
Euroop parlament toimâsajeh láá Strasbourgist Ranskaast, Brysselist Belgiast já Luxemburgist.
This article uses material from the Wikipedia Anarâškielâ article Euroop parlament, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Sisältö on käytettävissä lisenssillä CC BY-SA 4.0, ellei toisin mainita. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Anarâškielâ (DUHOCTRUNGQUOC.VN) is an independent company and has no affiliation with Wiki Foundation.