Malala Yousafzai (š.
syeinimáánu 12. peeivi 1997 Mingora, Pakistan), lii pakistanlâš paštu-čeerdân kullee ráávhuaktivist, kii lii vuáittám Nobel-palhâšume. Sun lii šoddâm tobdosin párnái vuoigâdvuođâi piälušteijen. Yousafzai algâttij 11-ihásâžžân syelinoomáin urdukielâlii blogi, mast sun árvuštâlâi Pakistan haldâttuv olmoošvuoigâdvuotâluávkkámijd já julmevuođâid, moh čuoccii párnáid. Sun lâi párnái ráávhupalhâšumeiävtukkâssân ive 2011. Ive 2013 Yousafzai uážui Euroop parlament Saharov-palhâšume. Ive 2014 Yousafzai finnij Nobel-ráávhupalhâšume oovtâst indialâš Kailash Satyarthijn. Sun lii historjá nuorâmus Nobel-vyeittee. Yousafzai lii aassâm perruinis Birminghamist ive 2013 rääjist. Sun luvâškuođij filosofia, politiik já ekonomia Oxford ollâopâttuvvâst ive 2017 já valmâštui 2020.
Roovvâdmáánu 9. peeivi 2012 Taliban-almai paajij Yousafzai, ko sun lâi monâmin škoovlân. Yousafzai lammâšui, mut ceevzij. Suu muáđui nubbe peeli halvaandui pääččim tiet.
Malala čaalij oovtâst toimâtteijee Christina Lambáin kirje I Am Malala: The Story of the Girl Who Stood Up for Education and was Shot by the Taliban. Tot almostui eŋgâlâskielân ive 2013 já suomâkielân čuávuváá ive.
This article uses material from the Wikipedia Anarâškielâ article Malala Yousafzai, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Sisältö on käytettävissä lisenssillä CC BY-SA 4.0, ellei toisin mainita. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Anarâškielâ (DUHOCTRUNGQUOC.VN) is an independent company and has no affiliation with Wiki Foundation.