Kiina aalmugtäsiväldi teikâ Kiina lii staatâ Aasiast.
Ton uáivikaavpug lii Peking. Kiina lii ässeelovo mield maailm nubben stuárráámus staatâ India maŋa.
Kiina aalmugtäsiväldi 中华人民共和国 (kiinakielâ) Zhōnghuá Rénmín Gònghéguó | |
---|---|
lippu | vaakun |
Staatâhäämi | aalmugtäsiväldi |
President | Xi Jinping |
Uáiviminister | Li Qiang |
Uáivikaavpug | Peking |
Eres kaavpugeh | Shanghai, Wuhan, Tianjin, Chongqing |
Vijđodâh | 9 596 961 km² |
– sisčääci | 2,8 % |
Ässeeloho (2020) | 1 440 000 000 |
– ässeesaahâdvuotâ | 140,6 ässed/km² |
Äigi | UTC+8 |
Uánádâs | CN |
– fiävruin | PRC |
– kirdemmašinijn | B |
Jotolâh | uálgispiälásâš |
Sundenummeer | +86 |
Internet TLD | .cn .中国 .中國 |
Aalmuglâšlaavlâ | 义勇军进行曲 (Yìyǒngjūn Jìnxíngqǔ) |
Kiina lii vijđoduv mield Ruošâ já Kanada maŋa maailm kuálmâdin stuárráámus staatâ. Kiinast láá 14 ránnjástaattâd: Afganistan (ohtâsâš rääji tuše 76 km), Bhutan, India, Kazakstan, Kirgisia, Laos, Mongolia, Myanmar, Nepal, Pakistan, Ruoššâ, Tadžikistan, Tave-Korea já Vietnam. Kiinast lii meiddei merârääji Japanáin já Maadâ-Koreain.
Jangtse lii Kiina kuhemus juuhâ. Ton kukkodâh lii suulân 6 300 km, já kulgâmvijđodâh lii suulân 1,8 miljovn km2. Jangtse lii maailm kuálmádin kuhemus juuhâ Amazon já Niili maŋa.
Kiina alemus vääri lii Mount Everest, mii lii meid ubâ maailm alemus vääri. Ton alodâh lii 8 848,86 m merâasseest. Mount Everest lii Himalaja váráduvâst, Nepal já Kiina koskâsii rääjist.
Šoŋŋâdâh lii subarktâlâš tavveen já trooppisâš mäddin.
Käldee: Wikidata
Kiina lii juohhum 22 eennâmkoodán. Virgeomâhááh rekinisteh távjá Taiwan 23. eennâmkodden. Eennâmkuudij lasseen Kiinast láá meiddei 5 autonomisii kuávlu, 4 jiešhaaldâtlii kaavpug já 2 eromâšhaldâšemkuávlu. Autonomisijn kuávluin stuárráámus uási viehâduvvâst kuleh ucceeblovoaalmugáid.
Eennâmkodeh
| Autonomisiih kuávluh
|
|
This article uses material from the Wikipedia Anarâškielâ article Kiina, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Sisältö on käytettävissä lisenssillä CC BY-SA 4.0, ellei toisin mainita. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Anarâškielâ (DUHOCTRUNGQUOC.VN) is an independent company and has no affiliation with Wiki Foundation.