සිංහල අලුත් අවුරුද්ද යනු ශ්රී ලංකාවේ දී අලුත් අවුරුද්ද ලෙස පොදුවේ හඳුන්වන සිංහල ජනයාගේ නව අවුරුදු උදාවයි.
එය විශේෂ සැමරුමක් වන අතර සිංහලයින් පමණක් නොව බහුතර ශ්රී ලාංකිකයින් ද සමරනු ලැබේ. දකුණු සහ අග්නිදිග ආසියාවේ බොහෝ සංස්කෘතීන්ට අදාළ මෙම නව අවුරුදු සැමරුම සිංහල ජාතිකයින් ද එකම කාල වකවානුවක දී සමරති. මෙම උත්සවයට දෙමළ අලුත් අවුරුද්ද, තායි අලුත් අවුරුද්ද, බෙංගාලි අලුත් අවුරුද්ද, කාම්බෝජ අලුත් අවුරුද්ද, ලාඕ අලුත් අවුරුද්ද, මියන්මාරයේ තිංග්යන් හා ඉන්දියාවේ ඔරියා අලුත් අවුරුද්ද උත්සවය ආදී උත්සව සමඟ සමීප සබඳතාවක් ඇත. එදින ශ්රී ලංකාවේ රජයේ නිවාඩු දිනයකි. එය සාමාන්යයෙන් අප්රියෙල් මස 13 වන දින හෝ 14 දින සමරනු ලැබේ.
සිංහල අළුත් අවුරුද්ද | |
---|---|
Official name | අළුත් අවුරුද්ද |
Observed by | ලොව පුරා සිංහල ජනයා |
Type | සංස්කෘතික උත්සව |
Celebrations | ක්රීඩා, පවුලේ සැම එක්වීම, එක්ව ආහාර අනුභවය, නෑගම් යෑම, යැදුම් |
Observances | සූර්යයා මීන රාශියෙන් මේෂ රාශියට සංක්රමණය වීමේ නැකත අස්වනු නෙලීමේ කාලයේ අවසානය සනිටුවහන් කිරීම |
Date | බක් මස ඇති නක්ෂත්ර දිනයකි. |
Frequency | වාර්ෂික |
Related to | හිරු මීන රාශියෙන් මේශ රාශියට සංක්රාන්තිවීමේ උත්සව |
සිංහල නක්ෂත්රයට අනුව සූර්යයා මීන රාශියෙන් මේෂ රාශියට සංක්රමණය වීමේ දී නව වසර උදාවෙයි. එයින් අස්වනු නෙලීමේ කාලයේ අවසානය සනිටුවහන් කිරීම ද සිදු කෙරේ. තවද ඉර රේවති නැකතෙන් අස්විද නැකතට සංක්රමණය වීම සිංහල අවුරුද්ද ලෙස සැලකෙන මතයක්ද තිබේ.
සිංහල සහ දමිළ ජනතාව අතර ආහාර වර්ගවල, සිරිත්වල සුලු සුලු වෙනස්කම් තිබුණත් බොහෝ කලක සිට ජාතීන් දෙක එකට අලුත් අවුරුද්ද සමරා තිබේ.[තහවුරු කර නොමැත] දහතුන දාහතර පමණක් නොව ඇතැම් අවස්ථාවල දොළහ දහතුන මෙන්ම එකොළහ දොළහ වැටුණු ස්ථානද ඇත එහිදී නොනගතය පෙරටත් අවුරුදු පසුවටත් යෙදෙයි.
This article uses material from the Wikipedia සිංහල article සිංහල අලුත් අවුරුද්ද, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). අන්ලෙසකින් සඳහන්කර නැති සෑම විටෙකම අන්තර්ගතය CC BY-SA 4.0 යටතේ ඇත. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki සිංහල (DUHOCTRUNGQUOC.VN) is an independent company and has no affiliation with Wiki Foundation.