James Clerk Maxwell

Maxwell developit a set o equations expressin the basic laws o eletric an magnetism as weel as the Maxwell distribution in the kinetic theory o gases.

James Clerk Maxwell
James Clerk Maxwell
Born	13 Juin 1831(1831-06-13) Edinburgh
Dee'd	5 November 1879(1879-11-05) (aged 48) Cambridge
Restin place	Parton, Kirkcudbrightshire 55°00′24″N 4°02′21″W / 55.006693°N 4.039210°W / 55.006693; -4.039210
Signatur

He wis the last member o a cadet brainch o the weel-kent Scots faimlie o Clerk o Penicuik. He wis eddicatit at Edinburgh Academy than the Varsity o Edinburgh, and Cambridge. He taucht at Marischal College, Aiberdeen and Keeng's College, London, and the Varsity o Cambridge. He wis eleckit tae the Ryal Society in 1866, but wisnae gien ony Scots awards or honours whan alive. He dee'd on 5 November 1879, and is buirit at Parton, Kirkcudbrightshire.

Maxwell is aften thocht on as the scientist o the 1800s that haed the maist influence on the physics o the 1900s, makkin contreibutions tae the basic models o naitur. In 1931, on the centennial anniversar o Maxwell's birth, Einstein descrieved Maxwell's wark as the "maist profound an the maist fruitfu that physics haes experienced syne the time o Newton."

Algebraic mathematics wi elements o geometry is a featur o a hantle o Maxwell's wark. Maxwell shawed that eletric an magnetic forces is twa complementar aspecks o eletromagnetism. He shawed that eletric an magnetic fields traivels throu space, in the form o waves, at a steady velocity o 3.0 × 10⁸ m/s. He proponed forby that licht wis a form o eletromagnetic radiation.

The scienteific compound derived CGS unit meisurin magnetic flux (aften shortent til f), the maxwell (Mx), is named in his honour. A reenge o muntains on Venus, Maxwell Montes, is named efter him, as weel as the James Clerk Maxwell Telescope, the mucklest sub-mm astronomical prospect in the warld, wi a diameter o 15 metres, whit wis 30 year auld in 2017.

A science biggin at the Varsity o Edinburgh is named efter him, kent as the JCMB biggin. In 2007 a new science biggin at Edinburgh Academy wis named efter him an haed his equations carvit intae the lobby waw. In 2008, a fou-size statue o him wis pitten up in George Street, Edinburgh.

• Campbell, Lewis, "The Life of James Clerk Maxwell Archived 2008-04-29 at the Wayback Machine". 1882. [Digital Preservation]
• Maxwell, James Clerk, "A Treatise on Electricity & Magnetism". Dover Publications, New York. 1873. ISBN 0-486-60636-8 (Vol. 1) ISBN 0-486-60637-6 (Vol. 2)
• Jack, Peter Michael, "Maxwell-equations: A Brief Note". Physical space as a quaternion structur - I.
• Glenlair Today
• Wolfram Research's Maxwell
• MacTutor's Maxwell Archived 2005-08-23 at the Wayback Machine
• Victorian Web's Maxwell Archived 2005-11-02 at the Wayback Machine
• Maxwell and the Christian Proposition
• 1911 Britannica Maxwell Archived 2005-05-11 at the Wayback Machine
• The James Clerk Maxwell Foundation Includin a virtual tour o the museum.

This Scotland-relatit airticle is a stub. Ye can help Wikipaedia bi expandin it. v t e

This science-relatit airticle is a stub. Ye can help Wikipaedia bi expandin it. v t e