ᱱᱤᱞ ᱟᱨᱢᱥᱴᱨᱚᱝ
ᱱᱤᱞ ᱟᱞᱰᱮᱱ ᱟᱨᱢᱥᱴᱨᱚᱝ ᱫᱚ ᱢᱤᱫ ᱟᱢᱮᱨᱤᱠᱤᱭᱟᱹ ᱢᱚᱦᱟᱠᱟᱥᱪᱟᱨᱤ, ᱴᱮᱥᱴ ᱯᱟᱭᱞᱚᱴ, ᱮᱨᱚᱱᱮᱴᱤᱠᱥ ᱤᱧᱡᱤᱱᱤᱭᱟᱹᱨ, ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱤᱱᱤᱡ ᱢᱟᱪᱮᱫ ᱥᱟᱶᱛᱮ ᱪᱚᱱᱫᱽᱨᱚ ᱨᱮ ᱡᱟᱸᱜᱟ ᱮᱢᱤᱡ ᱯᱩᱭᱞᱩ ᱢᱟᱹᱱᱢᱤ ᱛᱟᱦᱮᱸ ᱠᱟᱱᱟᱭ ᱾ ᱢᱚᱦᱟᱠᱟᱥᱪᱟᱨᱤ ᱦᱩᱭᱩᱜ ᱢᱟᱬᱟᱝᱨᱮ ᱟᱢᱮᱨᱤᱠᱟ ᱨᱤᱱᱤᱡ ᱯᱷᱟᱹᱫᱽ ᱞᱮᱠᱟᱛᱮ ᱛᱟᱦᱮᱸ ᱠᱟᱛᱮ ᱠᱚᱨᱤᱭᱟ ᱞᱟᱹᱲᱦᱟᱹᱭ (᱒᱕ ᱡᱩᱱ ᱑᱙᱕᱐ - ᱒᱗ ᱡᱩᱞᱟᱭ ᱑᱙᱕᱓) ᱨᱮ ᱥᱮᱞᱮᱫ ᱮ ᱛᱟᱦᱮᱸᱠᱟᱱᱟ ᱾ ᱒᱐ ᱡᱩᱞᱟᱭ ᱑᱙᱖᱙ ᱦᱤᱞᱚᱜ ᱒᱐:᱑᱗:᱓᱙ ᱭᱩ.ᱴᱤ.ᱥᱤ ᱚᱠᱛᱚ ᱨᱮ ᱵᱚᱡᱽ ᱟᱞᱰᱨᱤᱱ ᱥᱟᱶ ᱱᱤᱞ ᱟᱨᱢᱥᱨᱚᱝ ᱟᱯᱚᱞᱚ-᱑᱑ ᱛᱮ ᱪᱚᱱᱫᱨᱚ ᱨᱮᱭ ᱟᱬᱜᱚ ᱞᱮᱱ ᱛᱟᱦᱮᱸᱫ ᱾ ᱟᱡᱟᱜ ᱡᱤᱭᱚᱱ ᱨᱮ ᱜᱩᱴ ᱨᱮ ᱘ ᱫᱤᱱ, ᱑᱔ ᱴᱟᱬᱟᱝ, ᱑᱒ ᱴᱤᱬᱤᱡ, ᱓᱑ ᱴᱤᱯᱤᱡ ᱥᱟᱹᱜᱤᱧ ᱥᱮᱨᱢᱟ ᱨᱮᱭ ᱛᱟᱦᱮᱸᱞᱮᱱ ᱛᱟᱦᱮᱸᱫ ᱾
ᱡᱤᱭᱚᱱ
ᱱᱤᱞ ᱟᱞᱰᱮᱱ ᱟᱨᱢᱥᱴᱚᱝ ᱕ ᱚᱜᱚᱥᱴ ᱑᱙᱓᱐ ᱥᱟᱞᱮᱨᱮ ᱡᱟᱱᱟᱢ ᱞᱮᱱ ᱛᱟᱦᱮᱸᱫ ᱾ ᱩᱱᱤ ᱫᱚ ᱚᱞ ᱯᱟᱲᱦᱟᱣ ᱥᱮᱪᱮᱫ ᱛᱟᱭᱚᱢ ᱟᱢᱮᱨᱤᱠᱟ ᱨᱮᱱᱟᱜ ᱱᱟᱹᱭᱯᱷᱟᱹᱫᱽ ᱨᱮ ᱥᱮᱞᱮᱫ ᱠᱟᱛᱮ ᱠᱚᱨᱤᱭᱟ ᱛᱩᱯᱩᱫ ᱨᱮᱭ ᱥᱮᱞᱮᱫ ᱞᱮᱱ ᱛᱟᱦᱮᱸᱫ ᱾ ᱛᱩᱯᱩᱫ ᱢᱩᱪᱟᱹᱫ-ᱮᱱ ᱛᱟᱭᱚᱢ ᱮᱨᱚᱱᱮᱴᱤᱠ ᱦᱟᱭᱥᱯᱤᱰ ᱯᱷᱞᱟᱭᱤᱴ ᱥᱴᱮᱥᱚᱱ ᱨᱮ ᱯᱟᱭᱞᱚᱴ ᱞᱮᱠᱟᱛᱮ ᱛᱟᱦᱮᱸᱱ ᱨᱮᱭᱟᱜ ᱫᱟᱣᱮ ᱧᱟᱢ ᱞᱮᱫ ᱛᱟᱦᱮᱸᱫ ᱾ ᱚᱱᱟ ᱛᱟᱭᱚᱢ ᱢᱚᱦᱟᱠᱟᱥᱪᱟᱨᱤ ᱵᱮᱱᱟᱣᱜ ᱥᱟᱱᱟ ᱠᱮᱫᱮᱭᱟ ᱾ ᱑᱙᱕᱘ ᱥᱟᱞᱮ ᱨᱮ ᱟᱢᱮᱨᱤᱠᱟ ᱨᱮᱱᱟᱜ ᱦᱚᱭᱯᱷᱟᱹᱫᱽ ᱨᱮ ᱢᱮᱱ ᱤᱱ ᱥᱯᱮᱥ ᱥᱩᱱᱮᱥᱴ ᱯᱨᱚᱜᱨᱟᱢ ᱞᱟᱹᱜᱤᱫ ᱮ ᱵᱟᱪᱷᱚᱱ ᱞᱮᱱ ᱛᱟᱦᱮᱸᱜ ᱾ ᱑᱙᱖᱐ ᱥᱟᱞᱮᱨᱮ ᱥᱟᱢᱟᱱᱟᱢ ᱥᱟᱺᱜᱤᱧ ᱥᱮᱨᱢᱟ ᱩᱰᱟᱹᱱ ᱜᱟᱹᱰᱤ ᱵᱚᱭᱤᱝ ᱮᱠᱥ-᱒᱐ ᱰᱟᱭᱱᱮᱥᱚᱨ ᱨᱤᱱᱤᱡ ᱯᱟᱭᱞᱚᱴ ᱞᱮᱠᱟᱛᱮ ᱛᱟᱦᱮᱸᱭᱮᱱᱟ ᱾ ᱑᱙᱖᱒ ᱢᱟᱨᱪ ᱑᱕ ᱨᱮ ᱥᱟᱺᱜᱤᱧ ᱥᱮᱨᱢᱟ ᱩᱰᱟᱹᱱ ᱩᱰᱟᱹᱣ ᱞᱟᱹᱜᱤᱫ ᱵᱟᱪᱷᱚᱱ ᱞᱮᱱ ᱛᱩᱨᱩᱭ ᱯᱟᱭᱞᱚᱴ ᱤᱧᱡᱤᱱᱤᱭᱟᱹᱨ ᱠᱚ ᱢᱩᱸᱫᱽ ᱨᱮ ᱟᱡ ᱦᱚᱸᱭ ᱛᱟᱦᱮᱸᱠᱟᱱᱟ ᱾ ᱩᱱ ᱚᱠᱛᱚ ᱨᱮ ᱱᱟᱥᱟ ᱯᱟᱦᱴᱟ ᱢᱚᱦᱟᱠᱟᱥᱪᱟᱨᱤ ᱦᱩᱭᱩᱜ ᱨᱮᱱᱟᱜ ᱟᱨᱫᱟᱥ ᱥᱟᱠᱟᱢ ᱠᱚ ᱟᱛᱟᱝᱮᱫ ᱛᱟᱦᱮᱸᱫ ᱾ ᱱᱚᱶᱟ ᱞᱟᱹᱜᱤᱡ ᱟᱡ ᱦᱚᱸ ᱧᱩᱢ ᱥᱟᱠᱟᱢᱮ ᱮᱢ ᱞᱮᱫ ᱛᱟᱦᱮᱸᱫ ᱾ ᱫᱚᱥᱟᱨ ᱫᱷᱟᱣ ᱵᱟᱪᱷᱚᱱ ᱚᱠᱛᱚ ᱨᱮ ᱟᱡ ᱦᱚᱸᱭ ᱵᱟᱪᱷᱚᱱ ᱞᱮᱱ ᱛᱟᱦᱮᱸᱫ ᱾ ᱩᱱᱤ ᱫᱚ ᱡᱮᱢᱤᱱᱤ-᱘ ᱟᱨ ᱡᱮᱢᱩᱱᱤ-᱑᱑ ᱥᱟᱺᱜᱤᱧ ᱥᱮᱨᱢᱟ ᱜᱟᱹᱰᱤ ᱠᱟᱹᱢᱤ ᱦᱚᱨᱟ ᱨᱮ ᱥᱮᱞᱮᱫ ᱠᱟᱛᱮ ᱥᱟᱺᱜᱤᱧ ᱥᱮᱨᱢᱟᱭ ᱫᱟᱬᱟ ᱞᱮᱫ ᱛᱟᱦᱮᱸᱫ ᱾ ᱒᱗ ᱡᱟᱱᱩᱣᱟᱨᱤ ᱑᱙᱖᱗ ᱥᱟᱞᱮᱨᱮ ᱟᱯᱚᱞᱚ-᱑ ᱠᱟᱹᱢᱤᱦᱚᱨᱟ ᱨᱮ ᱥᱮᱞᱮᱫ-ᱮ ᱛᱟᱦᱮᱸᱠᱟᱱᱟ ᱾ ᱟᱯᱚᱞᱚ-᱑᱑ ᱨᱮ ᱟᱡ ᱥᱟᱶ ᱟᱨ ᱵᱟᱨ ᱜᱟᱛᱮ ᱵᱚᱡᱽ ᱟᱞᱰᱨᱤ ᱟᱨ ᱢᱟᱭᱠᱮᱞ ᱠᱚᱞᱤᱱ ᱥᱟᱶ ᱢᱩᱱ ᱛᱮᱭ ᱥᱮᱱ ᱞᱮᱱ ᱛᱟᱦᱮᱸᱫ ᱾ ᱱᱚᱶᱟ ᱜᱟᱹᱰᱤ ᱫᱚ ᱯᱩᱱ ᱫᱤᱱ ᱨᱮ ᱔᱐ ᱥᱟᱝᱜᱮ ᱥᱟᱭ ᱠᱤᱞᱚᱢᱤᱴᱚᱨ ᱥᱟᱺᱜᱤᱧᱮ ᱥᱮᱱ ᱞᱮᱱ ᱛᱟᱦᱮᱸᱫ ᱾ ᱟᱨᱢᱥᱴᱨᱚᱝ ᱟᱨ ᱟᱞᱰᱨᱤᱱ ᱑᱖᱗᱙ ᱥᱟᱞᱮ ᱡᱩᱞᱟᱭ ᱒᱐ ᱨᱮ ᱧᱤᱫᱟᱹ ᱪᱟᱸᱫᱚ ᱠᱚᱞᱮ ᱨᱮ ᱡᱟᱸᱜᱟ ᱠᱤᱱ ᱮᱢ ᱞᱮᱫ ᱛᱟᱦᱮᱸᱫ ᱾ ᱚᱸᱰᱮ ᱟᱨᱢᱥᱴᱨᱚᱝ ᱒ ᱴᱤᱬᱤᱡ ᱓᱒ ᱴᱤᱯᱤᱡ-ᱮ ᱛᱟᱦᱮᱸ ᱠᱟᱱᱟ ᱟᱨ ᱤᱱᱟᱹᱜ ᱚᱠᱛᱚ ᱨᱮ ᱜᱮ ᱟᱢᱮᱨᱤᱠᱟ ᱨᱮᱱᱟᱜ ᱡᱟᱹᱛᱤᱭᱟᱹᱨᱤ ᱪᱤᱨ ᱧᱤᱫᱟᱹ ᱪᱟᱸᱫᱚ ᱠᱚᱞᱮ ᱨᱮ ᱵᱤᱫ ᱥᱟᱶᱛᱮ ᱛᱤᱢᱤᱱ ᱫᱷᱤᱨᱤ ᱠᱚᱭ ᱦᱟᱞᱟᱝ ᱛᱟᱨᱟ ᱞᱮᱫ ᱛᱟᱦᱮᱸᱫ ᱾ ᱒᱔ ᱡᱩᱞᱟᱭ ᱑᱙᱗᱙ ᱨᱮ ᱦᱟᱭᱣᱟᱭ ᱨᱮᱱᱟᱜ ᱯᱟᱪᱷᱮ ᱥᱮᱦᱮᱫ (ᱯᱩᱪᱷᱤᱢ ᱱᱟᱠᱷᱟ) ᱯᱨᱚᱥᱟᱱᱛ ᱢᱟᱦᱟᱫᱚᱨᱭᱟ ᱨᱮ ᱢᱮᱱᱟᱜ ᱟᱢᱮᱨᱤᱠᱟ ᱨᱮᱱᱟᱜ ᱛᱩᱯᱩᱫ ᱡᱟᱦᱟᱡᱽ ᱪᱮᱛᱟᱱ ᱨᱮ ᱟᱯᱚᱞᱚ-᱑᱑ ᱫᱚ ᱟᱬᱜᱚ ᱨᱩᱣᱟᱹᱲ ᱞᱮᱱ ᱛᱟᱦᱮᱸᱫ ᱾
ᱜᱷᱟᱨᱚᱡᱽ
ᱟᱨᱢᱥᱴᱨᱚᱝ ᱫᱚ ᱒᱘ ᱡᱟᱱᱩᱣᱟᱨᱤ ᱑᱙᱕᱖ ᱥᱟᱞᱮ ᱨᱮ ᱡᱟᱱᱮᱴ ᱥᱮᱨᱮᱱ ᱥᱟᱶ ᱟᱡᱟᱜ ᱵᱟᱯᱞᱟ ᱦᱩᱭ ᱞᱮᱱ ᱛᱟᱦᱮᱸᱫ ᱟᱨ ᱟᱹᱠᱤᱱ ᱵᱟᱨᱭᱟ ᱠᱚᱲᱟ ᱜᱤᱫᱽᱨᱟᱹ ᱠᱤᱱ ᱚᱢᱚᱱ ᱞᱮᱱ ᱛᱟᱦᱮᱸᱫ ᱾ ᱩᱱᱠᱤᱱᱟᱜ ᱧᱩᱛᱩᱢ ᱫᱚ ᱮᱨᱤᱠ ᱟᱨ ᱢᱟᱨᱠ ᱾
ᱵᱟᱨᱦᱮ ᱡᱚᱲᱟᱣᱠᱚ
- neilarmstronginfo.com Archived ᱒᱐᱑᱓-᱐᱖-᱑᱗ at the Wayback Machine. (official Armstrong family-maintained home page)
- Neil Armstrong's Official NASA Biography
This article uses material from the Wikipedia ᱥᱟᱱᱛᱟᱲᱤ article ᱱᱤᱞ ᱟᱨᱢᱥᱴᱨᱚᱝ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.