ᱥᱟᱨ ᱴᱤᱢᱚᱛᱷᱤ ᱡᱚᱱ ᱵᱚᱨᱱᱚᱨᱥ-ᱞᱤ ᱫᱚ ᱢᱤᱫ ᱤᱝᱜᱽᱞᱤᱥ ᱤᱧᱡᱤᱱᱤᱭᱟᱹᱨ ᱟᱨ ᱠᱚᱢᱯᱭᱩᱴᱚᱨ ᱥᱟᱬᱮᱥᱤᱭᱟᱹ ᱠᱟᱱᱟᱭ ᱾ ᱵᱟᱹᱲᱛᱤ ᱠᱟᱛᱮ ᱫᱚ ᱟᱡᱟᱜ ᱣᱟᱨᱞᱰ ᱣᱟᱭᱤᱰ ᱣᱮᱵᱽ (WWW) ᱨᱮᱱᱟᱜ ᱥᱤᱨᱤᱡᱤᱭᱟᱹ ᱞᱮᱠᱟᱛᱮ ᱵᱟᱰᱟᱭᱚᱜᱼᱟᱭ ᱾ ᱵᱚᱨᱱᱚᱨᱥ-ᱞᱤ ᱫᱚ ᱣᱟᱨᱞᱰ ᱣᱟᱭᱤᱰ ᱣᱮᱵᱽ ᱠᱚᱱᱥᱚᱨᱴᱤᱭᱚᱢ ᱨᱤᱱᱤᱡ ᱩᱱᱩᱫᱩᱜᱤᱡ ᱠᱟᱱᱟᱭ ᱾ ᱩᱱᱤᱫᱚ ᱣᱟᱨᱞᱰ ᱣᱟᱭᱤᱰ ᱣᱮᱵᱽ ᱯᱷᱟᱶᱩᱰᱮᱥᱚᱱ ᱵᱩᱱᱤᱭᱟᱹᱫᱤᱭᱟᱹ (Founder) ᱠᱟᱱᱟᱭ ᱥᱟᱶᱛᱮ MIT ᱠᱚᱢᱯᱭᱩᱴᱚᱨ ᱥᱟᱬᱮᱥ ᱟᱨ ᱟᱨᱴᱤᱯᱷᱮᱥᱤᱭᱟᱞ ᱤᱱᱴᱮᱞᱤᱡᱮᱱᱥ ᱞᱟᱵᱽᱨᱚᱴᱚᱨᱤ (CSAIL) ᱨᱤᱱᱤᱡ ᱯᱩᱨᱩᱫᱷᱩᱞ ᱠᱷᱚᱸᱫᱽᱨᱚᱸᱫᱤᱭᱟᱹ ᱠᱟᱱᱟᱭ ᱾ ᱟᱡᱟᱜ ᱥᱤᱨᱤᱡᱽ ᱣᱟᱨᱞᱰ ᱣᱟᱭᱤᱰ ᱣᱮᱵᱽ ᱨᱤᱱᱤᱡ ᱥᱤᱨᱡᱚᱱᱤᱭᱟᱹ (Inventor of world wide web) ᱞᱮᱠᱟᱛᱮ ᱒᱐᱑᱒ ᱥᱤᱛᱩᱝ ᱚᱞᱤᱢᱯᱤᱠ ᱩᱱᱩᱰᱷᱟᱹᱣ ᱯᱟᱨᱟᱵᱽ ᱨᱮ ᱠᱚ ᱢᱟᱺᱱ ᱥᱟᱨᱦᱟᱣ ᱞᱮᱫᱮᱭᱟ ᱾
ᱧᱩᱛᱩᱢ | ᱴᱤᱢᱚᱛᱷᱤ ᱡᱚᱱ ᱵᱚᱨᱱᱚᱨᱥ-ᱞᱤ | |||
---|---|---|---|---|
ᱡᱤᱭᱚᱱ | ||||
ᱡᱟᱱᱟᱢ | ᱘ ᱡᱩᱱ ᱑᱙᱕᱕ | |||
ᱮᱸᱜᱟᱛ | ᱢᱮᱨᱤ ᱞᱤ ᱩᱰᱥ | |||
ᱟᱯᱟᱛ | ᱠᱚᱱᱣᱮ ᱵᱚᱨᱱᱚᱨᱥ-ᱞᱤ | |||
ᱢᱟᱺᱱ ᱥᱤᱨᱯᱷᱟᱹ | ||||
•Turing Award (2016) Queen Elizabeth Prize (2013) OM (2007) KBE (2004) FRS (2001)[2] FREng (2001) FRSA (2001) DFBCS (1995) | ||||
ᱣᱮᱵᱥᱟᱭᱤᱴ | http://www.w3.org/People/Berners-Lee |
ᱵᱚᱨᱱᱚᱨᱥ-ᱞᱤ ᱫᱚ ᱢᱤᱫ ᱘ ᱡᱩᱱ ᱑᱙᱕᱕ ᱥᱟᱞᱮᱨᱮ ᱞᱚᱱᱰᱚᱱ ᱨᱮ ᱡᱟᱱᱟᱢ ᱞᱮᱱ ᱛᱟᱦᱮᱸᱫ ᱾ ᱮᱸᱜᱟᱛ ᱫᱚ ᱢᱮᱨᱤ ᱞᱤ ᱩᱰᱥ ᱟᱨ ᱟᱯᱟᱛ ᱫᱚ ᱠᱚᱱᱣᱮ ᱵᱚᱨᱱᱚᱨᱥ-ᱞᱤ ᱧᱩᱛᱩᱢᱟᱹᱠᱤᱱ ᱛᱟᱦᱮᱸᱫ ᱾ ᱟᱡ ᱠᱤᱱ ᱮᱸᱜᱟᱛ ᱟᱯᱟᱛ ᱫᱚ ᱯᱷᱮᱨᱟᱱᱴᱤ ᱢᱟᱨᱠ ᱑ ᱧᱩᱛᱩᱢᱟᱱ ᱠᱩᱢᱯᱩᱴᱚᱨ ᱨᱮ ᱠᱚ ᱠᱟᱹᱢᱤ ᱠᱟᱱ ᱛᱟᱦᱮᱸᱫ, ᱚᱱᱟ ᱫᱚ ᱡᱚᱛᱚᱠᱷᱚᱱ ᱮᱛᱚᱦᱚᱵ ᱠᱚᱢᱯᱩᱴᱚᱯ ᱛᱟᱦᱮᱸᱠᱟᱱᱟ ᱾ ᱩᱱᱤ ᱫᱚ ᱯᱩᱭᱞᱩ ᱥᱤᱱ ᱢᱚᱸᱴ ᱚᱛᱢᱚᱱ ᱟᱥᱲᱟ, ᱚᱱᱟ ᱛᱟᱭᱚᱢ ᱤᱢᱟᱱᱩᱭᱮᱞ ᱟᱥᱲᱟ(2) ᱨᱮ ᱥᱟᱞᱮ ᱑᱙᱖᱙ ᱠᱷᱚᱱ ᱑᱙᱗᱓ ᱥᱟᱞᱮ ᱫᱷᱟᱹᱵᱤᱡᱼᱮ ᱯᱟᱲᱦᱟᱣ ᱞᱮᱱᱟ ᱾ ᱚᱱᱟᱛᱟᱭᱚ ᱠᱣᱤᱱᱥ ᱠᱚᱞᱮᱡᱽ ᱚᱯᱷ ᱚᱠᱥᱯᱷᱚᱨᱰ (3) ᱨᱮ ᱑᱙᱗᱔ ᱠᱷᱚᱱ ᱑᱙᱗᱖ ᱥᱟᱞᱮ ᱫᱷᱟᱹᱵᱤᱡᱼᱮ ᱯᱟᱲᱦᱟᱣ ᱞᱮᱱᱟ ᱾ ᱚᱸᱰᱮ ᱡᱟᱜ ᱥᱟᱬᱮᱥ ᱨᱮ ᱰᱟᱺᱜᱽᱣᱟᱹ ᱥᱚᱱᱮᱨᱮ ᱥᱟᱹᱛ ᱞᱮᱫ ᱛᱟᱦᱮᱸᱫ ᱾
ᱥᱚᱱᱮᱨ ᱥᱟᱹᱛᱮᱱ ᱛᱟᱭᱚᱢ ᱵᱚᱨᱱᱚᱨᱥ-ᱞᱤ ᱫᱚ ᱢᱤᱫ ᱤᱧᱡᱤᱱᱤᱭᱟᱹᱨ ᱞᱮᱠᱟᱛᱮ ᱠᱟᱹᱢᱤ ᱠᱮᱜᱼᱟ ᱢᱤᱫ ᱴᱮᱞᱤᱠᱚᱢᱩᱱᱤᱠᱮᱥᱚᱱ ᱠᱚᱢᱯᱟᱹᱱᱤ ᱯᱞᱤᱥᱮ ᱨᱮ ᱾ ᱥᱟᱞᱮ ᱑᱙᱗᱘ ᱨᱮ D G Nash ᱨᱮ ᱥᱮᱞᱮᱫ ᱠᱟᱛᱮ ᱪᱷᱟᱯᱭ ᱞᱟᱹᱜᱤᱫ ᱴᱟᱭᱤᱯ-ᱨᱟᱭᱴᱤᱝ ᱠᱟᱹᱢᱤ ᱨᱮ ᱜᱚᱲᱚᱭ ᱮᱢ ᱠᱮᱫᱟ ᱾ ᱥᱟᱞᱮ ᱑᱙᱘᱐ ᱡᱩᱱ ᱠᱷᱚᱱ ᱰᱤᱥᱮᱢᱵᱚᱨ ᱫᱷᱟᱹᱵᱤᱡ ᱠᱚᱱᱴᱟᱠᱴᱚᱨ ᱞᱮᱠᱟᱛᱮ ᱠᱟᱹᱢᱤ ᱠᱮᱜᱼᱟ CERN ᱞᱟᱹᱜᱤᱫ ᱾ ᱡᱮᱱᱤᱵᱷᱟ ᱨᱮ ᱦᱟᱭᱯᱚᱨ-ᱴᱮᱠᱥᱴ ᱨᱮᱱᱟᱜ ᱪᱷᱟᱸᱪ ᱵᱟᱵᱚᱫᱽ ᱛᱮ ᱠᱟᱹᱢᱤ ᱮᱦᱚᱵ ᱞᱮᱫ ᱛᱟᱦᱮᱸᱫ, ᱡᱟᱦᱟᱸᱫᱚ ᱠᱟᱹᱢᱤ ᱟᱨ ᱠᱷᱚᱸᱫᱽᱨᱚᱸᱫ ᱨᱮᱱᱟᱜ ᱠᱟᱛᱷᱟ ᱠᱚ ᱦᱟᱹᱴᱤᱧ ᱟᱨ ᱥᱚᱫᱚᱨ ᱞᱟᱹᱜᱤᱫ ᱵᱮᱱᱟᱣ ᱞᱮᱜᱼᱟᱭ ᱾ ᱱᱚᱶᱟ ᱯᱩᱨᱤᱠᱷᱤᱭᱟᱹ ᱞᱟᱹᱜᱤᱫ ᱢᱤᱫ ᱯᱨᱚᱴᱚᱴᱟᱭᱤᱯ ᱥᱤᱥᱴᱚᱢᱮ ᱛᱮᱭᱟᱨ ᱞᱮᱜᱼᱟ ᱟᱨ ᱚᱱᱟᱨᱮᱱᱟᱜ ᱧᱩᱛᱩᱢ ᱫᱚ ENQUIRE ᱧᱩᱛᱩᱢ ᱞᱮᱫ ᱛᱟᱦᱮᱸᱫ ᱾ CERN ᱵᱟᱹᱜᱤ ᱛᱟᱭᱚᱢ ᱡᱚᱱ ᱯᱩᱞᱟᱜ ᱤᱢᱮᱡᱽ ᱠᱚᱢᱯᱭᱩᱴᱚ ᱥᱤᱥᱴᱚᱢ ᱞᱤᱢᱩᱴᱮᱰ ᱨᱮ ᱠᱟᱹᱢᱤ ᱠᱮᱜᱼᱟᱭ ᱾ ᱩᱱᱤ ᱫᱚ ᱚᱸᱰᱮ ᱴᱮᱠᱱᱤᱠᱟᱱ ᱯᱟᱦᱴᱟᱭ ᱥᱟᱢᱵᱽᱲᱟᱣ ᱠᱮᱜᱼᱟ ᱯᱮ ᱥᱮᱨᱢᱟ ᱫᱷᱟᱹᱵᱤᱡ ᱾ ᱑᱙᱘᱔ ᱥᱟᱞᱮᱨᱮ CERN ᱛᱮ ᱨᱩᱣᱟᱹᱲ ᱦᱮᱡ ᱮᱱᱟ ᱾ ᱑᱙᱘᱙ ᱥᱟᱞᱮᱨᱮ CERN ᱫᱚ ᱟᱹᱰᱤ ᱢᱟᱨᱟᱝ ᱤᱱᱴᱟᱨᱱᱮᱴ ᱜᱟᱺᱴ (node) ᱛᱟᱦᱮᱸᱠᱟᱱᱟ ᱟᱨ ᱵᱚᱨᱱᱚᱨᱥ-ᱞᱤ ᱫᱟᱣ ᱧᱮᱞ ᱞᱮᱜᱼᱟ ᱦᱟᱭᱯᱚᱨᱴᱮᱠᱥᱴ ᱥᱟᱶ ᱤᱱᱴᱟᱨᱱᱮᱴ ᱡᱚᱲᱟᱣ ᱞᱟᱹᱜᱤᱫ ᱾ ᱑᱙᱘᱙ ᱥᱟᱞᱮᱨᱮ ᱟᱨ ᱟᱡᱟᱜ ᱟᱨᱫᱟᱥᱮ ᱚᱞ ᱞᱮᱫ ᱛᱟᱦᱮᱸᱫ, ᱚᱱᱟ ᱛᱟᱭᱚᱢ ᱑᱙᱙᱐ ᱥᱟᱞᱮᱨᱮ ᱢᱮᱱᱮᱡᱚᱨ ᱢᱟᱭᱤᱠ ᱥᱮᱱᱰᱟᱞᱮ ᱵᱟᱛᱟᱣ ᱞᱮᱫ ᱛᱟᱦᱮᱸᱫ ᱾ ᱵᱚᱨᱱᱚᱨᱥ-ᱞᱤ ᱫᱚ ᱯᱩᱭᱞᱩ ᱣᱮᱵ ᱵᱨᱟᱣᱡᱚᱨ ᱮ ᱵᱮᱱᱟᱣᱞᱮᱫ ᱛᱟᱦᱮᱸᱫ ᱾
This article uses material from the Wikipedia ᱥᱟᱱᱛᱟᱲᱤ article ᱴᱤᱢ ᱵᱚᱨᱱᱚᱨᱥ-ᱞᱤ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.