ᱱᱤᱞ ᱜᱟᱰᱟ ᱥᱮ ᱞᱤᱞ ᱜᱟᱰᱟ ᱫᱚ ᱟᱯᱷᱨᱤᱠᱟ ᱨᱮᱱᱟᱜ ᱜᱟᱰᱟ ᱠᱟᱱᱟ ᱾ ᱱᱚᱶᱟ ᱫᱚ ᱡᱮᱜᱮᱛ ᱨᱮᱱᱟᱜ ᱡᱚᱛᱚ ᱠᱷᱚᱱ ᱡᱤᱞᱤᱧ ᱜᱟᱰᱟ ᱠᱟᱱᱟ, ᱢᱮᱱᱠᱷᱟᱱ ᱮᱴᱟᱜ ᱜᱟᱰᱟ ᱠᱚᱨᱮ ᱠᱷᱚᱱ ᱫᱚ ᱠᱚᱢ ᱜᱮ ᱫᱟᱜᱼᱮ ᱞᱤᱸᱡᱤᱱᱟ ᱾ ᱱᱚᱶᱟ ᱜᱟᱰᱟ ᱨᱮᱱᱟᱜ ᱡᱤᱞᱤᱧ ᱫᱚ ᱖,᱖᱕᱐ ᱠᱤᱞᱚᱢᱤᱴᱚᱨ ᱜᱟᱱ ᱾ ᱱᱚᱶᱟ ᱫᱚ ᱟᱞᱮᱠᱡᱟᱱᱰᱨᱤᱭᱟ ᱥᱮᱫ ᱛᱮ ᱢᱮᱰᱤᱴᱮᱨᱟᱱᱤᱭᱟᱱ ᱥᱟᱹᱢᱩᱸᱫᱽ ᱨᱮ ᱞᱤᱸᱡᱤ ᱟᱬᱜᱚᱱ ᱠᱟᱱᱟ ᱾ ᱱᱚᱶᱟ ᱫᱚ ᱤᱝᱞᱤᱥ ᱛᱮ ᱱᱤᱞᱮ ᱢᱮᱱᱛᱮ ᱠᱚ ᱢᱮᱛᱟᱜ ᱠᱟᱱᱟ, ᱡᱟᱦᱟᱸ ᱫᱚ ᱜᱨᱤᱠ ᱟᱹᱲᱟᱹ ᱱᱮᱭᱞᱚᱥ (Νεῖλος) ᱠᱷᱚᱱ ᱦᱮᱡ ᱟᱠᱟᱱᱟ ᱾
ᱯᱩᱸᱰ ᱱᱤᱞ ᱜᱟᱰᱟ ᱫᱚ ᱩᱜᱟᱱᱰᱟ ᱨᱮᱱᱟᱜ ᱵᱷᱤᱠᱴᱚᱨᱤᱭᱟ ᱞᱮᱠ ᱠᱷᱚᱱ ᱞᱤᱸᱻᱡᱤᱜ ᱠᱟᱱᱟ ᱟᱨ ᱱᱚᱶᱟ ᱫᱚ ᱥᱩᱫᱟᱱ ᱥᱮᱫ ᱛᱮ ᱠᱷᱟᱨᱛᱚᱶᱢ ᱥᱮᱴᱮᱨᱚᱜ ᱠᱟᱱᱟ ᱾ ᱞᱤᱞ ᱱᱤᱞ ᱜᱟᱰᱟ (Blue Nile) ᱫᱚ ᱤᱛᱷᱤᱯᱤᱭᱟ ᱥᱮᱫ ᱛᱮ ᱟᱨᱟᱜ ᱜᱟᱰᱟ ᱨᱮ ᱧᱩᱨᱩᱜ ᱠᱟᱱᱟ ᱾ ᱥᱩᱨᱥᱩᱯᱩᱨ ᱓᱐᱐ ᱢᱤᱞᱤᱭᱚᱱ ᱠᱭᱩᱵᱤᱠ ᱢᱤᱴᱚᱨ ᱜᱟᱱ ᱫᱟᱜ ᱫᱤᱱᱟᱹᱢ ᱜᱮ ᱱᱤᱞ ᱜᱟᱰᱟ ᱛᱮ ᱞᱤᱸᱡᱤᱜ ᱠᱟᱱᱟ ᱾
ᱱᱤᱞ ᱜᱟᱰᱟ ᱫᱚ ᱟᱹᱰᱤ ᱞᱟᱹᱠᱛᱤᱭᱟᱱᱟ, ᱡᱟᱦᱟᱸ ᱫᱤᱥᱚᱢ ᱥᱮᱫ ᱠᱚᱛᱮ ᱱᱚᱶᱟ ᱞᱤᱸᱡᱤᱜ ᱠᱟᱱᱟ ᱾ ᱱᱤᱞ ᱜᱟᱰᱟ ᱨᱮ ᱟᱭᱢᱟ ᱰᱷᱚᱝᱜᱟ ᱠᱚ ᱢᱮᱱᱟᱜᱼᱟ ᱪᱮᱫᱟᱜ ᱥᱮ ᱦᱮᱡᱥᱮᱱ (transport) ᱞᱟᱹᱜᱤᱫ ᱟᱹᱰᱤ ᱟᱞᱜᱟ ᱜᱮᱭᱟ ᱾ ᱚᱱᱟ ᱠᱷᱟᱹᱛᱤᱨ ᱛᱮ ᱤᱡᱤᱯᱴ ᱨᱮᱱᱟᱜ ᱟᱭᱢᱟ ᱱᱟᱜᱟᱨ ᱜᱟᱰᱟ ᱥᱩᱨ ᱨᱮ ᱵᱮᱨᱮᱫ ᱟᱠᱟᱱᱟ ᱾ ᱯᱭᱨᱟᱢᱤᱰ ᱠᱚᱦᱚᱸ ᱱᱤᱞᱮ ᱜᱟᱰᱟ ᱥᱩᱨ ᱨᱮ ᱢᱮᱱᱟᱜᱼᱟ ᱾ ᱱᱤᱞ ᱜᱟᱰᱟ ᱨᱮᱱᱟᱜ ᱵᱟᱹᱲᱛᱤᱜᱟᱱ ᱫᱟᱜ ᱜᱮ ᱪᱟᱥᱵᱟᱥ ᱥᱟᱶᱛᱮ ᱟᱭᱢᱟ ᱮᱴᱟᱜ ᱠᱟᱹᱢᱤ ᱨᱮᱦᱚᱸ ᱞᱟᱜᱟᱶᱜ ᱠᱟᱱᱟ ᱾ ᱱᱤᱞᱮ ᱜᱟᱰᱟ ᱫᱚ ᱢᱟᱨᱮ ᱤᱡᱤᱯᱴ ᱫᱤᱥᱚᱢ ᱞᱟᱹᱜᱤᱫ ᱟᱹᱰᱤ ᱞᱟᱹᱠᱛᱤᱭᱟᱱ ᱜᱟᱰᱟ ᱠᱟᱱᱟ ᱾ ᱥᱮᱫᱟᱭ ᱫᱚ ᱱᱤᱞᱮ ᱜᱟᱰᱟ ᱨᱮ ᱡᱟᱶ ᱥᱮᱨᱢᱟ ᱜᱮ ᱵᱟᱱ ᱦᱩᱭᱩᱜ ᱠᱟᱱ ᱛᱟᱦᱮᱸᱫ ᱟᱨ ᱫᱟᱜ ᱵᱟᱝ ᱛᱮ ᱪᱟᱥᱵᱟᱥ ᱵᱩᱰᱟᱹᱶᱜ ᱠᱟᱱ ᱛᱟᱦᱮᱸᱫ ᱾ ᱢᱟᱨᱮ ᱤᱡᱤᱯᱴ ᱨᱤᱱ ᱦᱚᱲ ᱫᱚ ᱯᱮᱯᱤᱨᱩᱥ (papyrus) ᱠᱚ ᱧᱟᱢ ᱞᱮᱫᱼᱟ ᱱᱤᱞᱮ ᱜᱟᱰᱟ ᱠᱷᱚᱱ ᱦᱮᱭᱨᱚᱜᱞᱤᱯᱥ (hieroglyphs) ᱛᱮᱭᱟᱨ ᱞᱟᱹᱜᱤᱫ ᱾
ᱱᱤᱞᱮ ᱟᱹᱲᱟᱹ ᱫᱚ ᱜᱨᱤᱠ ᱟᱹᱲᱟᱹ ᱱᱮᱭᱞᱚᱥ (ὁ Νεῖλος) ᱠᱷᱚᱱ ᱦᱮᱡ ᱟᱠᱟᱱᱟ ᱾ ᱱᱮᱭᱞᱚᱥ ᱫᱚ ᱜᱟᱰᱟ "ᱵᱷᱮᱞᱞᱤ" ᱠᱷᱚᱱ ᱦᱮᱡ ᱟᱠᱟᱱᱟ ᱾ ᱢᱟᱨᱮ ᱤᱡᱤᱯᱴᱤᱭᱟᱱ ᱯᱟᱹᱨᱥᱤ ᱛᱮ ᱱᱤᱞᱮ ᱫᱚ ᱢᱟᱦᱟᱸᱱ ᱜᱟᱰᱟ ᱢᱮᱱᱛᱮ ᱵᱩᱡᱷᱟᱹᱣᱜᱼᱟ, ᱡᱟᱦᱟᱸ ᱫᱚ ᱦᱮᱭᱨᱚᱜᱞᱤᱯᱥ ᱛᱮ ᱠᱚ ᱩᱫᱩᱜᱟ ᱾
This article uses material from the Wikipedia ᱥᱟᱱᱛᱟᱲᱤ article ᱱᱤᱞ ᱜᱟᱰᱟ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.