Niel
De Niel (in t Arabies النيل an-nīl) is n 6.650 kilometer lange rivier, en is daormee de langste rivier van Afrika (volgens veule meensen oek van de wereld, mer hier bestaon nog verschillende liesjes van).
t Is de belangriekste rivier in Egypte, dat wel t geschenk van de Niel eneumd wörden.
De Niel ontspringt as Blauwe Niel in Ethiopië in t Tanameer en as Witte Niel in t Viktoriameer. t Meer ligt tussen de dree laanden Oeganda, Kenia en Tanzania in. De Witte Niel streump vervolgens hier vandaon via Zuud-Soedan en Soedan, waor beie takken bie de heufdstad Khartoem samenkoemen, naor t noorden, um uuteindelik in n rume delta uut te munden in de Middellaandse Zee.
Bojemonderzeuk en satellietfoto's hebben volgens n artikel in t blad Science uut augustus 1986 uutewezen dat der deur de Sahara n ouwe rivierberring ligt naor t westen. Sommige onderzeuker menen dat de Niel, ten minsten veur de op een nao leste iestied, niet in de Middellaandse zee uutkwam, mer deur dit rivierdal in West-Afrika streumden naor de Atlantiese Oseaan. t Is meugelik dat de Niel streumden naor wat noen de Nigerdelta is, mer oek dat t veerder gung naor de Gambiadelta.
 | Dit artikel is eskreaven in et westveluwske dialekt van Nunspeet, in de Algemene Nedersaksiese Schriefwieze. |
This article uses material from the Wikipedia Nedersaksisch article Niel, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). De inhold is beskikbår under de CC BY-SA 4.0 as der niks anders angeaven is. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nedersaksisch (DUHOCTRUNGQUOC.VN) is an independent company and has no affiliation with Wiki Foundation.