La Rio Nilo es un rio major cual flue a norde en Africa norde-ueste, e es regardada comun como la rio la plu longa en la mundo, an si algas dise ce la Rio Amazona es la plu longa.
La Nilo, cual es 6853 km de longia, es un rio "internasional", car sua basin covre 11 paises, pd Tanzania, Uganda, Ruanda, Burundi, la Republica Democrata de la Congo, Cenia, Itiopia, Ertra, Sudan Sude, la Republica de Sudan, e Egipte. La rio es la fonte xef de Egipte e Sudan.
La Rio Nilo ave du enflues major, la Rio Nilo Blanca e la Rio Nilo Blu. La Nilo Blanca es videda como la comensa de la Nilo mesma. La Nilo Blu es la fonte de la plu de la acua e deponeda. La Nilo Blanca es plu longa e comensa en la rejion de la Lagos Grande de Africa. Lo flue tra Tanzania, Lago Victoria, Uganda e Sudan Sude. La Nilo Blu comensa a Lago Tana en Itiopia e flue a Sudan de la sude-este. La du rios junta alga norde de la capital site de Sudan Khartoum.
La parte norde de la rio flue norde tra la deserto de Sudan a Egipte, alora fini en un delta grande e vacua en la Mar Mediteraneo. La Sivilia de Egipte e la renas sudani ia depende de la rio de edas antica. La plu de la popla e sites de Egipte es longo la partes de la vale de la Nilo norde de Aswan, e cuasi tota de la locas cultural e istorial de Egipte antica es trovada longo la rivas.
This article uses material from the Wikipedia Lingua franca nova article Rio Nilo, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). La contenida es disponeda su CC BY-SA 4.0, estra diferes notada. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Lingua franca nova (DUHOCTRUNGQUOC.VN) is an independent company and has no affiliation with Wiki Foundation.