Горнина
Горнины — природны гетерогенны неорганичны материалы, якы ся вытворили в процесѣ геологичного формованя земной коры и суть частьов земной коры.
Наука, яка ся занимать горнинами, называть ся петрология, од гр. πέτρα, petra, камѣнь и λόγος, logos, знаня, учѣня.
Класификация
В сучасности ся за найвгоднѣйшу поважуе класификация горнин подля их походжѣня. В том аспектѣ горнины ся дѣлять на магматичны (вулканичны), метаморфичны (перетворены) и седиментны (усаджены). Магматичны и метаморфичны чинять около 90%, а седиментны 10%, але на поверху Землѣ седиментны горнины занимають 75% плохы.
Магматичны горнины
Магматичны горнины створили ся як резултат выливу и застываня магмы.
Седиментны горнины
Седиментны горнины суть резултатом усаджѣня (механичного, хемичного, органичного) з воды и воздуха продуктох роспаданя магматичных и метаморфичных горнин, останкох живых организмох тай подобного.
Метаморфичны горнины
Метаморфичны горнины появили ся в глубинах земной коры наслѣдком перетворѣня магматичных або седиментных горнин под высокым тиском, температуров дѣйов горячых газох и течей.
Жерела и одказы
- Мала гірнича енциклопедія. В 3 т. / за ред. В.С. Білецького. – Донецьк : Схід. видав. дім, 2013. Том 1. ISBN 966-7804-14-3
- Г. Я. Новик, В. П. Петров, В. В. Ржевский, А. Б. Ронов: Горные породы. //Большая Советская Энциклопедия.
Референции
This article uses material from the Wikipedia Русиньскый article Горнина, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Обсяг є доступный під CC BY-SA 4.0, кідь не є вказане інше. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Русиньскый (DUHOCTRUNGQUOC.VN) is an independent company and has no affiliation with Wiki Foundation.