Урядный Язык
Урядный язык або официалный язык — язык административы, на котром ся публикують официалны документы органох администрации и розличных организаций.
Урядны языкы можуть быти и вецеро. Так, напримѣр, урядныма языками Рады Европы суть англицкый и французскый.
В законодарствѣ дакотрых держав (Канада, Польща, Болгария) урядным (або официалным) языком означують переважно «державный язык», циже язык державной административы. Термин «официальный язык» быв поужитый, напримѣр, в Законѣ СССР «О языках народов СССР» (1990). В иншых державах тоты два понятя роздѣляють и урядным (або официалным) языком означують тот язык, котры ся може поужити в административѣ паралелно з державным языком, и на котром обывателе мають право обертати ся на державны уряды (напримѣр, русскый язык в Казахстанѣ и Кыргызстанѣ).
Урядным або официалным языком означують тыж язык, што мать шпециалный статус и поуживаный, попри державном языкови, в тых административно-териториалных зложках, де жиють народностны меншины або корѣнны народы. Так, в Словении италиянскый и мадярскый язык суть, попри словенском, урядныма языками на териториях, компактно обываных италиянсков ци мадярсков меншинами.
Жерела и одказы
- Васильева Т. А. (2014). ОФИЦИАЛЬНЫЙ ЯЗЫК. // Большая российская энциклопедия. Том 24. Москва. p. стр. 714. https://old.bigenc.ru/law/text/2699660.русс.
Референции
This article uses material from the Wikipedia Русиньскый article Урядный язык, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Обсяг є доступный під CC BY-SA 4.0, кідь не є вказане інше. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Русиньскый (DUHOCTRUNGQUOC.VN) is an independent company and has no affiliation with Wiki Foundation.