Ґеноцід

Понятя „ґеноцід“ выдумав Рафаел Лемкін, правник польско-жыдівского походжіня в роцї 1944, з ґрецького корїня слова ґенос (γένος) (народжіня, раса, род); і латиньского суфіксу -цідіум (загубити) кріз французьке -ціде.

В роцї 1933 Лемкін запропоновав „злочін варварства“ правній радї Сполоченству націй в Мадрідї. То была перша проба о створїня закона проти тому што буде пізнїше называне ґеноцідом. Концепт пропозіції походив з ёго молодости, коли першыраз чув о Османьскім громаднїм забиваню (арменьскый ґеноцід) хрістіаньского жытельства бігом першой світовой войны і анті-Ассірьскій перзекуції в Іраку. Ёго пропозіція была одвергнута і ёго праца навела незгоду польской влады, котра выконовала політіку змірїня з націстічным Нїмецьком.

В роцї 1944 Carnegie Endowment for International Peace опубліковав Лемкінову найвызначнїшу працу під назвов Axis Rule in Occupied Europe в США. Тота книжка загорнёвала шыроку правну аналізу Нїмецького панованя в землях окупованых націстічным Нїмецьком в часї другой світовой войны, в тім чіслї дефініції понятя ґеноціду („знічіня нації або етнічной ґрупы“).

Лемкінова ідея ґеноціду як злочіну проти міджінародному праву была прията міджінароднов комунітов і была схоснована як єден з правных підкладів норімберьского процесу (обвинїня шпеціфікованы 3 пунктом скаргы, же обвинены „нароком учінили сістематічный ґеноцід – передовшыткым вымазаня расовых і народностных ґруп“) Лемкін презентовав пропозіцію договору о ґеноціду в шорї країн, намагав ся їх пересвідчіти к підпорї резолуції. З підпоров США, пропозіція была предложена к зважіню

Референції

• Тоты даны суть часточно або цалком основаны на перекладї статї Genocida на чеській Вікіпедії.

Література

• Lemkin, Raphael (1944). Axis Rule in Occupied Europe: Laws of Occupation – Analysis of Government – Proposals for Redress. Washington, D.C: Carnegie Endowment for International Peace. 
• Andreopoulos, George J., ed. (1994). Genocide: Conceptual and Historical Dimensions. University of Pennsylvania Press. ISBN 0812232496. 
• Chalk, Frank; Kurt Jonassohn (1990). The History and Sociology of Genocide: Analyses and Case Studies. Yale University Press. ISBN 0300044461. 
• Kelly, Michael J. (2005). Nowhere to Hide: Defeat of the Sovereign Immunity Defense for Crimes of Genocide & the Trials of Slobodan Milosevic and Saddam Hussein. Peter Lang. ISBN 0820478350. 

Повязаны статї

• Ґеноціды в історії
• Дефініції ґеноціду
• Културный ґеноцід
• Автоґеноцід